എംജി സര്വകലാശാലയിലെ വിദ്യാര്ത്ഥിനിയുടെ ആരോപണം വ്യാജമെന്ന് ചാന്സിലര്; പരാതി നല്കിയിരുന്നില്ല
കോട്ടയം: എംജി സര്വകലാശാലയിലെ വിദ്യാര്ത്ഥിനക്ക് ലൈംഗികാതിക്രമം നേരിടേണ്ടി വന്നുവെന്ന ആരോപണം വ്യാജമാണെന്ന് സര്വകലാശാല ചാന്സിലര് സാബു തോമസ് പറഞ്ഞു. എന്തെങ്കിലും അതിക്രമം നടന്നതായി വിദ്യാര്ത്ഥിനി വാക്കാല് പോലും തന്നോട് പരാതി ഉന്നയിച്ചിട്ടില്ലെന്നും അദ്ദേഹം പറഞ്ഞു. ഏതെങ്കിലും രീതിയിലുള്ള പരാതിയുണ്ടെങ്കില് അവരെ പൂര്ണമായി പിന്തുണക്കുമെന്നും വിദ്യാര്ത്ഥി ലബോറട്ടറിയില് തിരിച്ചുവന്ന് പഠനം പൂര്ത്തികരിക്കണം എന്നാണ് താന് ആഗ്രഹിക്കുന്നതെന്നും അതിന് വേണ്ടിഎല്ലാ സൗകര്യവും നല്കാന് തയ്യാറാണെന്നും വിസി അറിയിച്ചു. കളക്ടറുടെ ഇടപെടല് വന്നാല് സ്വാഗതം ചെയ്യുമെന്നും അദ്ദേഹം വിശദീകരിച്ചു. തനിക്കെതിരെ ലൈംഗിക അതിക്രമം ഉണ്ടായെന്ന് അന്ന് ഡിപ്പാര്ട്ട്മെന്റിന്റെ ചുമതലയുണ്ടായിരുന്ന ഇപ്പോഴത്തെ വി സി സാബു തോമസിനെ അറിയിച്ചിരുന്നുവെന്ന് വിദ്യാര്ത്ഥിനി വെളിപ്പെടുത്തിയിരുന്നു. ഇതിനെതിരെയാണ് വിദ്യാര്ത്ഥിനിയെ തള്ളി വി സി രംഗത്തെത്തിയത്.
എന്നാല് ലൈംഗിക അതിക്രമ പരാതി അറിഞ്ഞിട്ടില്ലെന്ന് വി സി പറയുന്നത് നുണയാണെന്ന് വിദ്യാര്ത്ഥിനി പ്രതികരിച്ചു. 2014 ലാണ് സംഭവം നടന്നതെന്നും അന്ന് വി സിയോടും നന്ദകുമാറിനോടും പരാതി പറഞ്ഞിട്ടുണ്ടെന്നും വിസിയും രജിസ്ട്രാറും സിന്റിക്കേറ്റ് മെമ്പര്മാരും അടക്കമുള്ള കഴിഞ്ഞ ചര്ച്ചയിലും ഇക്കാര്യം പറഞ്ഞുവെന്നും വിദ്യാര്ത്ഥിനി പറഞ്ഞു. 2014 ല് തന്നെ ഇക്കാര്യം വാക്കാല് പറഞ്ഞിരുന്നു. എന്നാല് രേഖാമൂലം പരാതി കൊടുത്തിട്ടില്ലായിരുന്നുവെന്നും വിദ്യാര്ത്ഥിനി കൂട്ടിചേര്ത്തു. നിലവില് വിദ്യാര്ത്ഥിനിയുടെ നിരാഹാര സമരം തുടരുകയാണ്. വിഷയത്തിലെ കളക്ടറുടെ ഇടപെടല് വൈകുകയാണ്. കളക്ടര് ചര്ച്ച നടത്തുമെന്ന് ഇന്നലെ തഹസില്ദാര് ഉറപ്പ് നല്കിയിരുന്നുവെന്നും വിദ്യാര്ത്തിനി പറഞ്ഞു. ആറ് ദിവസം പിന്നിട്ടിരിക്കുകയാണ് ഇവരുടെ നിരാഹാര സമരം.
2014 ല് സര്വകലാശാലയില് വെച്ച് ലൈംഗിക അതിക്രമം നേരിടേണ്ടി വന്നതായാണ് എം ജി സര്വകലാശാലയിലെ ഗവേഷക വിദ്യാര്ത്ഥിനി പരാതിയുന്നയിച്ചത്. ഒരു ഗവേഷക വിദ്യാര്ഥിയില് നിന്നും ഒരു ജീവനക്കാരനില് നിന്നും അതിക്രമം നേരിട്ടുവെന്നും അന്ന് ഡിപ്പാര്ട്ട്മെന്റിന്റെ ചുമതലയുണ്ടായിരുന്ന ഇപ്പോഴത്തെ വി.സി സാബു തോമസിനെ ഇക്കാര്യം അറിയിച്ചിരുന്നുവെന്നും വിദ്യാര്ത്ഥിനി പരാതിയില് പറയുന്നു. ആരോപണ വിധേയരെ സംരക്ഷിക്കുന്ന നിലപാടാണ് ഇപ്പോഴത്തെ വിസി കൂടിയായ സാബു തോമസ് സ്വീകരിച്ചത് എന്നുംവിദ്യാര്ത്ഥിനി പറഞ്ഞു. ജീവനക്കാരന് ഇപ്പോഴും ഡിപ്പാര്ട്ട്മെന്റില് തുടരുന്നുണ്ട്. ഭയം മൂലമാണ് ഇത്രയും കാലം പരാതിപ്പെടാതിരുന്നത്. ഇനി ഗാന്ധിനഗര് പൊലീസില് പരാതി നല്കുമെന്നും വിദ്യാര്ത്ഥിനി വ്യക്തമാക്കി.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google