കൊവിഡ് ചികിത്സയ്ക്ക് കിടക്കകളില്ല, സ്വകാര്യ ആശുപത്രികള്ക്ക് കാരണം കാണിക്കല് നോട്ടീസ്
തിരുവനന്തപുരം: 50 ശതമാനം കിടക്കകള് കോവിഡ് ചികിത്സയ്ക്കു മാറ്റിവയ്ക്കണമെന്ന തിരുവനന്തപുരം ജില്ലാ ഭരണകൂടത്തിന്റെ നിര്ദേശം പാലിക്കാത്ത ആറു സ്വകാര്യ ആശുപത്രികള്ക്കു കാരണം കാണിക്കല് നോട്ടിസ്. 24 മണിക്കൂറിനകം ആശുപത്രികള് മതിയായ കാരണം കാണിച്ചില്ലെങ്കില് ദുരന്ത നിവാരണ നിയമ പ്രകാരവും പകര്ച്ചവ്യാധി ഓര്ഡിനന്സ് പ്രകാരവും നടപടി സ്വീകരിക്കുമെന്നു ജില്ലാ ദുരന്ത നിവാരണ അതോറിറ്റി അറിയിച്ചു.
കോവിഡ് വ്യാപന സാഹചര്യത്തില് ജില്ലയില് ചികിത്സാ സൗകര്യങ്ങള് വര്ധിപ്പിക്കുന്നതിനായാണു സ്വകാര്യ ആശുപത്രികളിലെ 50 ശതമാനം കിടക്കകള് കോവിഡ് ചികിത്സയ്ക്കു മാറ്റിവയ്ക്കണമെന്നു ജില്ലാ കളക്ടര് ഡോ. നവ്ജ്യോത് ഖോസ നിര്ദേശം നല്കിയത്. ചില ആശുപത്രികള് ഇതു പാലിക്കുന്നില്ലെന്നതു ശ്രദ്ധയില്പ്പെട്ടതിനെത്തുടര്ന്നാണു കാരണം കാണിക്കല് നോട്ടിസ് നല്കിയതെന്നു ദുരന്ത നിവാരണ വിഭാഗം ഡെപ്യൂട്ടി കളക്ടര് ജി.കെ. സുരേഷ് കുമാര് പറഞ്ഞു.
അതേസമയം ജില്ലയില് കോവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് വെള്ളറട രുഗ്മിണി മെമ്മോറിയല് ആശുപത്രിയെ കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററാക്കിയതായി(സി.എസ്.എല്.റ്റി.സി) ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു. ഇവിടെയുള്ള 300 കിടക്കകളില് 225 എണ്ണം സി.എസ്.എല്.റ്റി.സിക്കായും 50 എണ്ണം കാരുണ്യ ആരോഗ്യ സുരക്ഷാ പദ്ധതിയില് എംപാനല് ചെയ്തിട്ടുള്ള രോഗികള്ക്കായും മാറ്റിവയ്ക്കും. 25 കിടക്കകള് ആശുപത്രിയില് നേരിട്ടെത്തുന്ന കോവിഡ് രോഗികള്ക്കു നല്കും.
കൊവിഡ് വ്യാപനം രൂക്ഷമാകുന്നു രാജ്യത്തിന്റെ വിവിധ ഭാഗങ്ങളില് നിന്നുള്ള ചിത്രങ്ങള് കാണാം
കോവിഡ് രോഗികളുടെ ബ്ലോക്ക് ഒഴിച്ച് മറ്റുള്ള സ്ഥലങ്ങളില് നോണ് കോവിഡ് ഒ.പി പ്രവര്ത്തിപ്പിക്കും. ആവശ്യമെങ്കില് 300 കിടക്കകളും സി.എസ്.എല്.റ്റി.സിക്കായി ഏറ്റെടുക്കും. കോവിഡ് രോഗികളുടെ എണ്ണം വര്ധിക്കുന്നതിനാല് തിരുവനന്തപുരം, ചിറയിന്കീഴ് താലൂക്കുകളില് രണ്ടുവീതം ഡി.സി.സികള്(ഡൊമിസിലറി കെയര് സെന്റര്)ഏറ്റെടുത്തിട്ടുണ്ട്. ഇവിടങ്ങളില് 250 കിടക്കകള് ഉണ്ടാകും. ബന്ധപ്പെട്ട തദ്ദേശഭരണ സ്ഥാപനങ്ങളിലെ സെക്രട്ടറിമാര് ഇവിടെ ആവശ്യമായ സൗകര്യങ്ങള് ഒരുക്കുമെന്നും ഡി.സി.സികളില് ആവശ്യമായ ജീവനക്കാരെ ഉടന് നിയോഗിക്കുമെന്നും കളക്ടര് അറിയിച്ചു.
കറുപ്പ് സാരിയില് അതി സുന്ദരിയായി പ്രിയങ്ക ജവാല്ക്കര്, ചിത്രങ്ങള് കാണാം
Click it and Unblock the Notifications
Sign in with Google