ഓസ്‌ട്രേലിയയില്‍ മലയാളി യുവതി കുഞ്ഞുമായി ട്രെയിനിന് മുന്നില്‍ ചാടി, കുഞ്ഞ് രക്ഷപ്പെട്ടു

സിഡ്‌നി: മലയാളി യുവതി ഓസ്‌ട്രേലിയയില്‍ ട്രെയിനിന് മുന്നിലേയ്ക്ക് ചാടി ആത്മഹത്യ ചെയ്തു. മൂന്ന് വയസ്സുള്ള മകളുമായാണ് യുവതി ആത്മഹത്യയ്ക്ക് ശ്രമിച്ചത്. ഗുരുതര പരിക്കുകളോട് കുഞ്ഞ് രക്ഷപ്പെട്ടു.

പാലക്കാട് സ്വദേശിയായ അര്‍ച്ചന കുന്നത്ത്(30) ആണ് മരിച്ചത്. മൂന്ന് വയസ്സുകാരിയായ മകള്‍ ശ്രേയയ്‌ക്കൊപ്പമാണ് അര്‍ച്ച ട്രെയിനിന് മുന്നിലേയ്ക്ക് ചാടിയത്.

ടാറ്റ കണ്‍സള്‍ട്ടന്‍സി സര്‍വ്വീസസിലെ ജീവനക്കാരനായ സുജിത്ത് വൈക്കാക്കരയാണ് അര്‍ച്ചനയുടെ ഭര്‍ത്താവ്. അര്‍ച്ചന ഈ സ്ഥാപനത്തിലെ സോഫ്റ്റ് വെയര്‍ എന്‍ജിനീയര്‍ ആയിരുന്നു.

ആത്മഹത്യയുടെ കാരണം എന്താണെന്ന് കണ്ടെത്തിയിട്ടില്ല. കുഞ്ഞിനേയും കൊണ്ട് അര്‍ച്ചന ട്രെയിനിന് മുന്നിലേയ്ക്ക് ചാടുന്ന ദൃശ്യങ്ങള്‍ സിസിടിവിയില്‍ റെക്കോര്‍ഡ് ചെയ്യപ്പെട്ടിട്ടുണ്ടെന്ന് എസ്ബിഎസ് റേഡിയോ റിപ്പോര്‍ട്ട് ചെയ്യുന്നു.

അടുത്തിടെയാണ് അര്‍ച്ചനയും സുജിത്തും തങ്ങളുടെ അഞ്ചാം വിവാഹ വാര്‍ഷികം ആഘോഷിച്ചത്. ഇതിന്റെ ചിത്രങ്ങള്‍ ഫേസ്ബുക്കില്‍ പോസ്റ്റ് ചെയ്തിരുന്നു. എന്നാല്‍ പിന്നീട് അര്‍ച്ചന ഈ ചിത്രങ്ങള്‍ ഡിലീറ്റ് ചെയ്തു.

English summary

Malayali woman committed Suicide in Sydney.