തങ്കമീന്കളിലൂടെ ദേശീയ അവാര്ഡ് പ്രവാസിയ്ക്ക്
ദുബായ്: ഇന്ത്യയിലെ മികച്ച ബാലതാരത്തിനുള്ള അവാര്ഡ് ദുബായില് എത്തിച്ച പ്രവാസികള്ക്ക് അഭിമാനമായി മാറിയിരിയ്ക്കുകയാണ് സാധന വെങ്കിടേഷ് എന്ന പ്രവാസി പെണ്കുട്ടി. തങ്കമീന്കള് എന്ന തമിഴ് ചിത്രത്തിലെ അഭിനയത്തിനാണ് സാധനയ്ക്ക് അവാര്ഡ് ലഭിച്ചത്. സാധനയുടെ അവാര്ഡ് ഇന്ത്യന് പ്രവാസി സമൂഹത്തിന് സമ്മാനിച്ചത് അഭിമാനത്തിന്റെ നിമിഷങ്ങള്.മികച്ച ബാലതാരത്തിനുള്ള അവാര്ഡുകള് ഉള്പ്പടെ മൂന്ന് അവാര്ഡുകള് തങ്കമീന്കള് നേടി.
പുരസ്കാരം ലഭിച്ച വാര്ത്ത ടിവിയിലൂടെയാണ് സാധന അറിഞ്ഞത്. അവാര്ഡ് കിട്ടിയതില് ഏറെ സന്തോഷം. ബര്ദുബായില് കുടുംബത്തോടൊപ്പമാണ് സാധനയുടെ താമസം. അല്ഖൂസ് അവര് ഓണ് ഇന്ത്യന് ഹൈസ്കൂളിലെ ഏഴാം ക്ളാസ് വിദ്യാര്ഥിനിയാണ്. ഒട്ടേറെ പുതുമുഖങ്ങളെ അണിനിരത്തി റാം സംവിധാനം ചെയ്ത ചിത്രമാണ് തങ്ക മീന്കള്. റാം ചിത്രത്തില് പ്രധാന വേഷത്തില് അഭിനയിക്കുകയും ചെയ്തു.
മികച്ച തമിഴ് ചിത്രം, മികച്ച ഗാനരചന എന്നിവയ്ക്കുള്ള പുരസ്ക്കാരവും തങ്കമീന്കള് നേടി. ഗൗതം മേനോനാണ് ചിത്രം നിര്മ്മിച്ചത്. റാം തന്നെയാണ് ചിത്രത്തിന്റെ കഥയെഴുതിയതും. തങ്കമീന്കളിലെ തുടര്ച്ചയായ ചിത്രത്തിലേയ്ക്കും സാധനയ്ക്ക് ക്ഷണം ലഭിച്ചതായി അച്ഛന് വെങ്കിടേഷ് പറഞ്ഞു. നൃത്താധ്യാപികയായ ലക്ഷ്മിയാണ് സാധനയുടെ അമ്മ.