ഉമ്മൻചാണ്ടിയുടെ വെല്ലുവിളിക്ക് മറുപടി;ആരോഗ്യമേഖലയിലെ നേട്ടങ്ങൾ എണ്ണി പറഞ്ഞ് മന്ത്രി കെകെ ശൈലജ
തിരുവനന്തപുരം; ഉമ്മൻചാണ്ടിയുടെ വെല്ലുവിളി ഏറ്റെടുത്ത് ആരോഗ്യമന്ത്രി കെകെ ശൈലജ.ഇടത് സര്ക്കാരിന്റെ കാലത്തു ആരോഗ്യ മേഖലയില് കൈവരിച്ച നേട്ടങ്ങളേ കുറിച്ച് അക്കമിട്ട് പറയാൻ മുഖ്യമന്ത്രിയെ ഉമ്മൻചാമ്ടി വെല്ലുവിളിച്ചിരുന്നു. ഇതിന് ആരോഗ്യമേഖലയിലെ നേട്ടങ്ങൾ അക്കമിട്ട് വിവരിച്ച് കൊണ്ടാണ് ശൈലജയുടെ മറുപടി. മന്ത്രിയുടെ ഫേസ്ബുക്ക് കുറിപ്പ് വായിക്കാം
മുഖ്യമന്ത്രി പിണറായി വിജയന്റെ കണ്ണൂരിലെ തിരഞ്ഞെടുപ്പ് പ്രചരണം, ചിത്രങ്ങള് കാണാം
അര്ബന് പ്രൈമറി ഹെല്ത്ത് സെന്റര് വിഭാഗത്തില് ഏറ്റവും കൂടുതല് എന്.ക്യു.എ.എസ്. അംഗീകാരം നേടുന്ന സംസ്ഥാനമായി (23 കേന്ദ്രങ്ങള്) കേരളം മാറി. രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളുടെ വിഭാഗത്തില് ആദ്യത്തെ 12 സ്ഥാനവും കേരളം ഇപ്പോഴും നിലനിര്ത്തുകയാണ്.
തിരുവനന്തപുരം ഒറ്റശേഖരമംഗലം പൂഴനാട് കുടുംബാരോഗ്യ കേന്ദ്രവും കാസര്ഗോഡ് കയ്യൂര് രക്തസാക്ഷി സ്മാരക കുടുംബാരോഗ്യ കേന്ദ്രവും 99 ശതമാനം സ്കോര് കരസ്ഥമാക്കി ഇന്ത്യയില് തന്നെ ഒന്നാം സ്ഥാനത്താണ്.
7 സ്ഥാപനങ്ങള്ക്കു കൂടി പുതുതായി എന്.ക്യു.എ.എസ്. ലഭിച്ചതോടെ സംസ്ഥാനത്ത് ആകെ 108 ആരോഗ്യ സ്ഥാപനങ്ങള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായത്. 3 ജില്ലാ ആശുപത്രികള്, 4 താലൂക്ക് ആശുപത്രികള്, 7 സാമൂഹികാരോഗ്യ കേന്ദ്രങ്ങള്, 23 അര്ബന് പ്രൈമറി ഹെല്ത്ത് സെന്റര്, 71 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം നേടിയിട്ടുള്ളത്.
സര്വീസ് പ്രൊവിഷന്, പേഷ്യന്റ് റൈറ്റ്, ഇന്പുട്സ്, സപ്പോര്ട്ടീവ് സര്വീസസ്, ക്ലിനിക്കല് സര്വീസസ്, ഇന്ഫെക്ഷന് കണ്ട്രോള്, ക്വാളിറ്റി മാനേജ്മെന്റ്, ഔട്ട് കം, എന്നീ 8 വിഭാഗങ്ങളായി 6500 ഓളം ചെക്ക് പോയിന്റുകള് വിലയിരുത്തിയാണ് എന്.ക്യു.എ.എസ് അംഗീകാരം നല്കുന്നത്.
ജില്ലാതല പരിശോധന സംസ്ഥാനതല പരിശോധന എന്നിവയ്ക്ക് ശേഷം എന്.എച്ച്.എസ്.ആര്.സി നിയമിക്കുന്ന ദേശീയതല പരിശോധകര് നടത്തുന്ന പരിശോധനകള്ക്ക് ശേഷമാണ് ആശുപത്രികളുടെ ഗുണനിലവാര മാനദണ്ഡം ഉറപ്പാക്കുന്നത്. ഇവയില് ഓരോ വിഭാഗത്തിലും 70 ശതമാനത്തില് കൂടുതല് മാര്ക്ക് നേടുന്ന സ്ഥാപനങ്ങള്ക്ക് ഭാരത സര്ക്കാര് എന്.ക്യു.എ.എസ് അംഗീകാരം നല്കുന്നത്.
എന്.ക്യു.എ.എസ് അംഗീകാരത്തിന് 3 വര്ഷകാലാവധിയാണുളളത്. 3 വര്ഷത്തിന് ശേഷം ദേശീയതല സംഘത്തിന്റെ പുന:പരിശോധന ഉണ്ടാകും. എന്.ക്യു.എ.എസ് അംഗീകാരം ലഭിക്കുന്ന പി.എച്ച്.സി.കള്ക്ക് 2 ലക്ഷം രൂപാ വീതവും മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സറ്റീവ്സ് ലഭിക്കും. ആശുപത്രിയുടെ കൂടുതല് വികസനത്തിന് ഇത് സഹായകരമാണ്.
Recommended Video