വീട്ടമ്മയെ കാറിനുള്ളില് പീഡിപ്പിച്ചു
ഡറാഡൂണ്: ഉത്തരാഖണ്ഡില് ഇരുപത്തിയാറുകാരിയായ വീട്ടമ്മയെ ആള്ട്ടോ കാറിനുള്ളില് വച്ച് ബലാത്സംഗം ചെയ്ത മുതിര്ന്ന പൊലീസ് ഓഫീസര് അറസ്റ്റിലായി. 59കാരനായ സുരേന്ദ്ര ഗോപാല് എന്ന സീനിയര് പൊലീസ് ഇന്സ്പെക്ടറാണ് അറസ്റ്റിലായത്.
രുദ്രപ്രയാഗ് മജിസ്ട്രേട്ട് കോടതിയില് ഹാജരാക്കിയ ഇയാളെ ചീഫ് ജുഡീഷ്യല് മജിസ്ട്രേട്ട് മഹേഷ് ചന്ദ്ര കൊഷിവ പതിനാല് ദിവസത്തേയ്ക്ക് റിമാന്ഡ് ചെയ്തു.
ചൊവ്വാഴ്ച പുലര്ച്ചെയാണ് കേസിനാസ്പദമായ സംഭവം. രുദ്രപ്രയാഗ് ജില്ലയിലെ ദെയ്ര ഗ്രാമവാസിയായ യുവതി കാറില് വരികയായിരുന്ന പൊലീസ് ഇന്സ്പെക്ടറോട് ഗൌച്ചര് ടൌണിലേയ്ക്ക് പോകാന് ലിഫ്റ്റ്് ചോദിച്ചു.
ഡ്യൂട്ടിയിലായിരുന്ന ഇന്സ്പെക്ടര് സ്വന്തം ആള്ട്ടോ കാറില് രതുര ടൌണിലേയ്ക്ക് പോകുകയായിരുന്നു. യുവതിയെ കാറില് കയറ്റിയ ഇന്സ്പെക്ടര് ഗൌച്ചറിലേയ്ക്ക് പോകുന്നതിന് പകരം നഗ്രാ സുദന്തര്വാള് റോഡിലേയ്ക്ക് കാര് കൊണ്ടുപോവുകയും ആളൊഴിഞ്ഞ സ്ഥലത്തുവച്ച് തന്നെ പീഡിപ്പിച്ചുവെന്നാണ് യുവതി യുടെ പരാതി. സംഭവത്തെത്തുടര്ന്ന് യുവതി അടുത്തുള്ള ഘോള്ട്ടിര് പൊലീസ് ഔട്ട്പോസ്റ്റില് പരാതിപ്പെട്ടതനുസരിച്ചാണ് കേസ് രജിസ്റ്റര് ചെയ്തത്.
പീഡിക്കേസില് പ്രതിയായ പൊലീസ് ഇന്സ്പെക്ടറെ ജോലിയില് നിന്നും സസ്പെന്ഡ് ചെയ്തതായി ഗര്ഹ്വാള് റേഞ്ച് ഡി.ഐ.ജി ദീപം സേഥ് പറഞ്ഞു.