എംഎല്എമാര് രാജിവെയ്ക്കണം: ഐഎന്എല്
കാസര്ക്കോട് ജില്ലയുടെ പിന്നോക്കാവസ്ഥ പരിഹരിക്കുന്നതിനുവേണ്ടി കക്ഷി-രാഷ്ട്രീയ ഭേദമന്യെ ജനങ്ങള് സാമൂഹിക രംഗത്ത് ഇറങ്ങിയ കാലമാണ് കഴിഞ്ഞ എല്ഡിഎഫ് ഭരണത്തിലുണ്ടായത്. ഇപ്പോള് അധികാരത്തിലെത്തിയവര് ആ വികസനരാഷ്ട്രീയ സംസ്കാരത്തെ വലിച്ചെറിഞ്ഞുവെന്ന് മാത്രമല്ല. ജനകീയ ആവശ്യങ്ങളോട് നിഷേധാത്മക സമീപനം പുലര്ത്തുകയാണ്. ഒരു വിധത്തിലും ഇത് അംഗീകരിക്കാനാവില്ല.
ജില്ലയുടെ പിന്നോക്കാവസ്ഥ പരിഹരിക്കാനായി സര്ക്കാര് കമ്മീഷണറെ വരെ നിയോഗിച്ചിട്ടുണ്ട്. ഈ സാഹചര്യത്തിലാണ് കാസര്ക്കോട്ടെയും മഞ്ചേശ്വരത്തെയും എംഎല്എമാര് ഈ വിധത്തില് നിസ്സംഗത പ്രകടിപ്പിക്കുന്നത്. എന്ഡോസള്ഫാന് ദുരിതം പേറുന്നവരുടെ നൊമ്പരങ്ങള് കാസര്ക്കോടിന്റെ എക്കാലത്തെയും വേദനയാണ്. അതെങ്കിലും പരിഹരിക്കാന് ഈ ജനപ്രതിനിധിക്ക് ശ്രമിക്കാമായിരുന്നു. കുടിവെള്ളമില്ലാതെ കഷ്ടപ്പെടുന്ന ഉള്നാടന് ഗ്രാമങ്ങള് ഇവിടെ ഏറെയാണ്. കാസര്ക്കോട്ടെ ജനപ്രതിനിധിയാവട്ടെ ഇതൊന്നും അറിഞ്ഞിട്ടില്ല. കടലോര നിവാസികള്ക്ക് ഇന്നും ഉപ്പുവെള്ളം തന്നെ കുടിക്കണം.
ശാസ്ത്രീയമായ പദ്ധതികള് ആവിഷ്കരിച്ച് ഈ വിഷമതകള് പരിഹരിക്കാനുള്ള ഫണ്ടാണ്. എംഎല്എമാരുടെ അനാസ്ഥ കൊണ്ടും പിടിപ്പുകേടു കൊണ്ടും അനാഥമായിരിക്കുന്നത്. ഈ നീതി നിഷേധത്തിനെതിരേ ശക്തമായ പ്രതിഷേധം ഉയര്ന്നുവരുമെന്നുറപ്പാണ്. അതിനായുള്ള ജനകീയ പ്രക്ഷോഭങ്ങളില് ഇന്ത്യന് നാഷണല് ലീഗ് ശക്തമായ സാന്നിധ്യം അറിയിക്കും.
Click it and Unblock the Notifications
Sign in with Google