ദേശീയപാത നിർമ്മാണം; ആലപ്പുഴയിൽ കൂടുതൽ ഭൂമി ഏറ്റെടുക്കേണ്ടി വരും, ബസ് ബേകൾക്ക് ഭൂമി ആവശ്യം

ആലപ്പുഴ: ആലപ്പുഴ: ദേശീയപാത 66ന്റെ നവീകരണത്തിനായി ജില്ലയിലെ പ്രധാന കവലകളിൽ വീണ്ടും ഭൂമി ഏറ്റെടുത്തേക്കും. ബസ് ബേകളുടെ നിർമാണത്തിനായി വീണ്ടും ഭൂമി ആവശ്യമായി വരുന്ന സാഹചര്യത്തിലാണ് പുതിയ നടപടി. പ്രധാന പാതയുടെ നിർമാണം പൂർത്തിയാകുന്നതിന് അനുസരിച്ചേ ബസ് ബേക്ക് വേണ്ട നടപടികൾ കൈക്കൊള്ളുകയുള്ളൂ. ഓരോ സ്ഥലത്തിനും അനുസരിച്ചാണ് ബസ് ബിയുടെ നീളം കണക്കാക്കുക. ഇതിന് അനുസൃതമായാണ് ഭൂമി ഏറ്റെടുക്കലും നടക്കുക.

2025 ഫെ​ബ്രു​വ​രി​യി​ൽ നി​ർ​മാ​ണം പൂ​ർ​ത്തി​യാ​കു​ന്ന വി​ധ​ത്തി​ലാ​ണ് ദേശീയപാത വിക​സ​നം നടക്കുന്നതെന്നാണ്​ അ​ധി​കൃ​ത​ർ പ​റ​യു​ന്ന​ത്. കൊ​ല്ലം, തി​രു​വ​ന​ന്ത​പു​രം ജില്ലക​ളെ അ​പേ​ക്ഷി​ച്ച്​ ആ​ല​പ്പു​ഴ​യി​ൽ നി​ർ​മാ​ണ​ത്തി​ന്​ വേ​ഗ​ത നന്നേ കു​റ​വാ​ണ്. പ്രധാ​ന പാ​ത​യും ഇ​രു​വ​ശ​വു​മു​ള്ള സ​ർ​വീ​സ് റോ​ഡു​ക​ളു​ടെ നിർമാ​ണ​വും ഒരേസമയമാ​ണ്​ ന​ട​ന്നു​വ​രു​ന്ന​ത്.

ഇതിൽ സ​ർ​വീ​സ്​ റോ​ഡു​ക​ളു​ടെ നി​ർ​മാ​ണം പൂ​ർ​ത്തി​യാ​യ ശേ​ഷ​മാ​യി​രി​ക്കും ബ​സ്​​ബേ​ക​ൾ നി​ർ​മി​ക്കു​ക. വീതി ​കു​റ​വു​ള്ള സ്ഥ​ല​ങ്ങ​ളി​ലാ​ണ്​ ബ​സ്​​ബേ​ക​ൾ​ക്കാ​യി ഭൂ​മി ഏ​റ്റെ​ടു​ക്കു​ക. നിലവിൽ ദേശീയപാത ആറുവരിയായി വികസിപ്പിക്കുന്നതിനുള്ള ഭൂമി മാത്രമാണ് ഏറ്റെടുത്തത്. ഇതിലാണെങ്കിൽ ബസ് ബേയ്ക്ക് ആവശ്യമായ സ്ഥലം ഉൾപ്പെട്ടിട്ടുമില്ല.

അതാത് പ്ര​ദേ​ശ​ങ്ങളിലെ യാ​ത്ര​ക്കാ​രു​ടെ തി​ര​ക്കി​ന് ക​ണ​ക്കാ​ക്കി​യാ​യി​രി​ക്കും ബ​സ് ബേ​യു​ടെ നീ​ളം നിശ്ചയിക്കു​ക. സ്ഥ​ലം ഏ​റ്റെ​ടു​പ്പും ഇ​ത​നു​സ​രി​ച്ചാ​കും നടക്കുക. ഏ​റ്റെ​ടു​ക്കു​ന്ന ഭൂ​മി​ക്കും വസ്‌തുവകകൾക്കും വ​ലി​യ​തോ​തി​ൽ പ്ര​തി​ഫ​ലം നൽകുന്നതിനാ​ൽ അ​വ വി​ട്ടു ന​ൽ​കു​ന്ന​തി​ന്​ നാട്ടുകാർ തടസങ്ങൾ ഒന്നും ഉന്നയിച്ചിട്ടില്ല എന്നതാണ് ശ്രദ്ധേയം.

അതേസമയം, ദേ​ശീ​യ​പാ​ത​ക്കാ​യി ജില്ലയിൽ ഏ​റ്റ​വും വ​ലി​യ നി​ർ​മാ​ണ​ങ്ങ​ൾ നടക്കുന്ന​ത്​ പാ​ല​ങ്ങ​ൾ​ക്കും മേ​ൽ​പാ​ല​ങ്ങ​ൾ​ക്കു​മാ​യാ​ണ്. മ​റ്റി​ട​ങ്ങ​ളി​ൽ മ​ണ്ണി​ട്ട്​ ഉ​യ​ർ​ത്ത​ലും നി​ര​പ്പാ​ക്ക​ലും ഓ​ട നി​ർ​മാ​ണ​വു​മേ നടത്തുന്നുള്ളൂ. ജി​ല്ല​യി​ൽ പാ​ലം, അ​ടി​പ്പാ​ത, മേ​ൽ​പാ​ലം തു​ട​ങ്ങി​യ​വ​യു​ടെ നി​ർ​മാ​ണം വി​വി​ധ ഘ​ട്ട​ങ്ങ​ളി​ലായി പുരോഗമിക്കുകയാണ്. ആ​ല​പ്പു​ഴ ബൈ​പ്പാ​സ്, കാ​ക്കാ​ഴം മേ​ൽ​പ്പാ​ലം, തോ​ട്ട​പ്പ​ള്ളി, ക​രു​വാ​റ്റ ക​ന്നു​കാ​ലി​പാ​ലം, ഡാ​ണാ​പ​ടി​പ്പാ​ലം എ​ന്നി​വ​യാ​ണ്​ ജി​ല്ല​യി​ലെ പ്ര​ധാ​ന പാലങ്ങ​ൾ.

ജില്ലയിൽ ചെറുതും വലുതുമായി 75 പാലങ്ങളാണ് ദേശീയ പാത വികസനത്തിന്റെ ഭാഗമായി വീണ്ടും നിർമ്മിക്കുന്നത്. തോട്ടപ്പള്ളി സ്‌പിൽവേ ചാനലിലെ പുതിയ പാലം, ബൈപ്പാസ് സമാന്തര മേൽപാലം എന്നിവയാണ് ഇതിലെ പ്രധാനപ്പെട്ട ചില പാലങ്ങൾ. ഇതിൽ തന്നെ തൊട്ടപ്പളി സ്‌പിൽവേ പുതിയ പാലത്തിന്റെ പൈലിംഗ് നടന്നുവരികയാണ്. ഏതാണ്ട് 444 മീറ്റർ നീളത്തിലാണ് പാലത്തിന്റെ പണി പുരോഗമിക്കുന്നത്.

English summary

National Highway Construction; More Land Will Have To Be Acquired In Alappuzha