ഹിജാബ് നിരോധനം: കര്ണാടക ഹൈക്കോടതിയില് വാദം അവസാനിച്ചു, വിധി പറയാനായി മാറ്റി
ബെംഗളൂരു: ഹിജാബ് നിരോധനത്തില് കര്ണാടക ഹൈക്കോടതിയില് നടക്കുന്ന വാദം അവസാനിച്ചു. ഹര്ജിയില് വിധ പറയാനായി കോടതി മാറ്റിയിരിക്കുകയാണ്. മുസ്ലീം വിദ്യാര്ത്ഥികള് പിയു കോളേജില് ഹിജാബ് ധരിക്കുന്നതിനുള്ള വിലക്കുമായി ബന്ധപ്പെട്ടാണ് കോടതിയില് ഹര്ജിയെത്തിയത്. അതേസമയം വിധി വരുന്നത് വരെ ക്ലാസുകളില് ഹിജാബ് അടക്കമുള്ള മതപരമായ കാര്യങ്ങള് ധരിക്കരുതെന്ന് കോടതി നേരത്തെ നിര്ദേശിച്ചിരുന്നു. അത് മാറുമോ എന്ന കാര്യത്തില് വ്യക്തതയില്ല. കോടതിക്ക് മുന്നിലുള്ള പ്രധാന പ്രശ്നം ഹിജാബ് ധരിക്കുന്നത് ഇസ്ലാമിക മതവിശ്വാസ പ്രകാരം നിര്ബന്ധമാണോ എന്നതാണ്. അതോ സംസ്ഥാനത്തെ നിയമമാണോ പ്രധാനം എന്നതും വെല്ലുവിളിയാണ്.
പതിനൊന്ന് ദിവസത്തെ തുടര് വാദങ്ങള്ക്ക് ശേഷമാണ് കര്ണാടക ഹൈക്കോടതി കേസ് വിധി പറയാനായി മാറ്റിയത്. ഇന്ന് തന്നെ കേസിലെ കക്ഷികളോട് വാദം പൂര്ത്തിയാക്കാന് ഹൈക്കോടതി ആവശ്യപ്പെട്ടിരുന്നു. മൂന്നംഗ ബെഞ്ചാണ് വാദം കേട്ടത്. ചീഫ് ജസ്റ്റിസ് റിതുരാജ് അവസ്തിയും ഈ ബെഞ്ചിന്റെ ഭാഗമായിരുന്നു. കേസിലെ കക്ഷികളെ രണ്ടോ മൂന്നോ ദിവസങ്ങള്ക്കുള്ളില് രേഖാമൂലം വിവരങ്ങള് അറിയിക്കാനും കോടതി ആവശ്യപ്പെട്ടിരുന്നു. ജനുവരി ഒന്നിനാണ് കര്ണാടകത്തിലെ ഹിജാബ് പ്രശ്നങ്ങള് വിവാദമായി തുടങ്ങിയത്. ഉഡുപ്പി കോളേജില് പെണ്കുട്ടികള് വാര്ത്താസമ്മേളനം വിളിച്ച് കാര്യങ്ങള് വെളിപ്പെടുത്തിയിരുന്നു. തങ്ങളെ ക്ലാസ്റൂമുകളില് ഹിജാബ് ധരിക്കാന് കോളേജ് അധികൃതര് അനുവദിക്കുന്നില്ലെന്നായിരുന്നു പരാതി.
Click it and Unblock the Notifications
Sign in with Google