ജിയോ പ്രൈം മെമ്പറായാല് മാത്രം പോരാ....ഇതു കൂടി വേണം!!! സമ്മര് സര്പ്രൈസിനെ കുറിച്ചറിയാം....
ഏപ്രില് 15നു മുന്പ് റീച്ചാര്ജ് ചെയ്യുന്നവര്ക്കു മാത്രമേ ഓഫര് ലഭിക്കൂ
മുംബൈ: റിലയന്സ് ജിയോയുടെ പ്രൈം മെമ്പറാവാനുള്ള അവസാന തിയ്യതി ഏപ്രില് 15 വരെ നീട്ടിയെങ്കിലും പലര്ക്കും കാര്യങ്ങള് വ്യക്തമായിട്ടില്ല. സമ്മര് സര്പ്രൈസെന്ന പേരില് ജിയോ പ്രഖ്യാപിച്ച പുതിയ ഓഫര് ഉപഭോക്താവിന് പല സംശയങ്ങളുമാണ് ഉണ്ടാക്കിയത്. എന്നാല് ഇവയ്ക്കെല്ലാം കൃത്യമായ വിശദീകരണം ജിയോ നല്കിയിട്ടുണ്ട്.
ജിയോ പ്രൈം മെമ്പറായ ശേഷം 303 രൂപയ്ക്കോ അതിനു മുകളിലുള്ളതോ ആയ റീച്ചാര്ജോ ചെയ്യുന്ന ഉപഭോക്താവിനാണ് സമ്മര് സര്പ്രൈസ് ഓഫര് ലഭിക്കുക. രണ്ടും കൂടി ചെയ്യുന്നവര്ക്ക് മൂന്നു മാസത്തെ സൗജന്യ സേവനമാണ് ജിയോ ഓഫര് ചെയ്യുന്നത്.
ഏപ്രില് 15 വരെയാണ് ജിയോയുടെ സമ്മര് സര്പ്രൈസിന്റെ ഭാഗമാവാനുള്ള അവസാന തിയ്യതി. ഈ കാലയളവില് പ്രൈം മെമ്പറാവുകയും 303 രൂപ മുതലുള്ള റീച്ചാര്ജ് ചെയ്യുന്നവര്ക്കും സമ്മര് സര്പ്രൈസ് ഓഫര് കിട്ടും.
99 രൂപ കൊടുത്ത് ജിയോയുടെ പ്രൈം മെമ്പറായാല് മാത്രം സമ്മര് സര്പ്രൈസ് ഓഫര് ലഭിക്കില്ലെന്ന് ചുരുക്കം. 99 രൂപയ്ക്ക് റീച്ചാര്ജ് ചെയ്താല് ഒരു വര്ഷത്തേക്കു ജിയോയുടെ പ്രൈം മെമ്പറാവുക മാത്രമാണ് ചെയ്യുക.
പ്രൈം മെമ്പര് ആവാതെ 303 രൂപയ്ക്ക് റീച്ചാര്ജ് ചെയ്താല് സമ്മര് സര്പ്രൈസ് ഓഫര് ലഭിക്കില്ല. 99 രൂപയ്ക്ക് പ്രൈം മെമ്പര് ആവുക കൂടി ചെയ്തെങ്കില് മാത്രമേ ഓഫര് ലഭിക്കൂ.
99 രൂപ നല്കി പ്രൈം മെമ്പര് ആവുന്നതിനോടൊപ്പം 303 രൂപയ്ക്ക് റീച്ചാര്ജ് ചെയ്യുകയും ചെയ്തവര്ക്ക് സമ്മര് സര്പ്രൈസ് ഓഫര് ലഭിക്കും. ഒരു ദിവസം ഒരു ജിബി 4ജി ഡാറ്റ അടുത്ത മൂന്നു മാസത്തേക്ക് ഉപഭോക്താവിനു സൗജന്യമായി ലഭിക്കും. ഡാറ്റ മാത്രമല്ല സൗജന്യ കോളുമുണ്ട്. ജൂണ് 30നാണ് ഇത് അവസാനിക്കുക. അതിനു ശേഷം 303 രൂപയുടെ പാക്കേജ് അതായത് ഒരു ജിബി വീതം 28 ദിവസത്തേക്ക് ഉപഭോക്താവിനു ലഭിക്കും.
ജിയോ പ്രൈം മെമ്പര് ആയ ശേഷം മറ്റൊരു പ്ലാനായ 149 രൂപയ്ക്ക് റീച്ചാര്ജ് ചെയ്താല് സമ്മര് സര്പ്രൈസ് ഓഫര് ലഭിക്കില്ല. 303 രൂപയ്ക്ക് കൂടി റീച്ചാര്ജ് ചെയ്താല് മൂന്നു മാസത്തേക്ക് സൗജന്യ ഓഫര് ലഭിക്കും. അതു കഴിഞ്ഞാല് 149 രൂപയുടെ ഒരു മാസത്തെ പാക്കേജിലേക്കു മാറുകയും ചെയ്യും. ഈ 149 രൂപയുടെ സേവനങ്ങള് കഴിഞ്ഞാല് 303 രൂപയുടെ സേവനങ്ങള് കൂടി ഇവര്ക്കു ലഭിക്കും.
ജിയോ പ്രൈം മെമ്പര്ഷിപ്പും 303 രൂപയ്ക്ക് റീച്ചാര്ജും ചെയ്യാതെ 149 രൂപയുടെ മാത്രം റീച്ചാര്ജ് ചെയ്താല് സമ്മര് സര്പ്രൈസ് ഓഫര് ലഭിക്കില്ല. നേരത്തേ പറഞ്ഞതുപോലെ 99 രൂപയ്ക്ക് മെമ്പര്ഷിപ്പ് എടുക്കുന്നതോടൊപ്പം പിന്നീട് 303നു മുകളില് റീച്ചാര്ജും ചെയ്യുന്ന ഉപഭോക്താവിനാണ് സമ്മര് സര്പ്രൈസ് ഓഫറിന് അര്ഹത.