Click it and Unblock the Notifications
Just In
Don't Miss
-
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത് -
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കൊവിഡ്: ഇടുക്കിയില്‍ ബെഡ്ഡുകള്‍ക്ക് ക്ഷാമമില്ലെന്ന് കളക്ടര്‍; കട്ടപ്പനയിലും ഡൊമിസലറി സെന്റര്‍
ഇടുക്കി: ജില്ലയില്‍ സര്‍ക്കാര്‍ ആശുപത്രികളില്‍ കൊവിഡ് രോഗികള്‍ക്കായി ബെഡ്ഡുകള്‍ക്ക് ക്ഷാമമില്ലെന്ന് ജില്ലാ കളക്ടര്‍ എച്ച്.ദിനേശന്‍ അറിയിച്ചു. സര്‍ക്കാര്‍, സ്വകാര്യ ആശുപത്രികളില്‍ ബെഡ്ഡുകളും വെന്റിലേറ്റേറുകളും ആവശ്യത്തില്‍ ബാക്കിയാണ്. ഐസിയു ബെഡ്ഡുകള്‍ സര്‍ക്കാര്‍ ആശുപത്രികളില്‍ കുറവുണ്ട്. ഇതു പരിഹരിക്കാനുള്ള അടിയന്തിര നടപടികള്‍ സ്വീകരിച്ചു വരുകയാണ്. സ്വകാര്യ ആശുപത്രികളില്‍ ഐസിയു ബെഡ്ഡുകള്‍ വേണ്ടത്രയുണ്ട്. കൂടാതെ 98 ഓളം ഓക്‌സിജന്‍ ബെഡ്ഡുകള്‍ ഉടന്‍ സജ്ജമാകും. അടിമാലി താലൂക്ക് ആശുപത്രി കൊവിഡ് 'ആശുപത്രിയാക്കി മാറ്റുന്നതിനുള്ള നടപടികള്‍ സ്വീകരിച്ചു. വെള്ളിയാഴ്ചയോടെ ഇത് പൂര്‍ത്തിയാകും. ഇതോടെ കൂടുതല്‍ ബെഡ്ഡുകള്‍ തയാറാകുമെന്നും മറിച്ചുള്ള വാര്‍ത്തകള്‍ അടിസ്ഥാന രഹിതമാണെന്നും ജില്ലാകളക്ടര്‍ അറിയിച്ചു.
കട്ടപ്പന നഗരസഭ ഗവണ്‍മെന്റ് കോളേജില്‍ ആരംഭിക്കുന്ന കോവിഡ് ഡൊമസിലറി ട്രീറ്റ് മെന്റ് സെന്ററിനായുള്ള അടിസ്ഥാന സൗകര്യങ്ങള്‍ പൂര്‍ത്തിയായതായി ചെയര്‍പേഴ്സണ്‍ ബീന ജോബി അറിയിച്ചു. വയറിംഗ്, വേസ്റ്റ് മാനേജ്‌മെന്റ് ഉള്‍പ്പെടെയുളള അടിസ്ഥാന സൗകര്യങ്ങള്‍ പൂര്‍ത്തിയായി. സ്ത്രികള്‍ക്കും, പുരുഷന്‍മാര്‍ക്കുമായി 100 കിടക്കകളുണ്ട്. സെന്ററിലേക്ക് ആവശ്യമായിട്ടുളള അടിസ്ഥാന സാധനങ്ങള്‍ സന്നദ്ധ സംഘടനകള്‍ നഗരസഭയ്ക്ക് നല്‍കി വരുന്നു.
സെന്ററിലേയ്ക്ക് 12 സ്റ്റാഫ് നേഴ്‌സിനെയും 5 ക്ലിനിംഗ് ജീവനക്കാരെയും പ്രത്യേകം പരിശിലനം നല്‍കികൊണ്ടിരിക്കുന്നു. മെഡിക്കല്‍ സജ്ജീകരണങ്ങള്‍ 13 തീയതി പൂര്‍ത്തിയാകും. അടിയന്തിരഘട്ടങ്ങളില്‍ ഓക്‌സിജന്‍ ഉള്‍പ്പെടെയുളള സംവിധാനങ്ങള്‍ ഒരുക്കും. പൂര്‍ണ്ണമായും കട്ടപ്പന സഗരസഭ പരിധിയിലുളള ജനങ്ങള്‍ക്കു വേണ്ടിയാണ് സെന്റര്‍ പ്രവര്‍ത്തിക്കുന്നത്. കഴിഞ്ഞ ദിവസം ജില്ലയിലെ നിരവധി പഞ്ചായത്തുകളില്‍ ഡൊമിസലറി സെന്ററുകള്‍ തുറന്നിരുന്നു.
ജില്ലയില്‍ കോവിഡ് പ്രോട്ടോക്കോള്‍ ലംഘിച്ചതിന് ഇന്ന് 64 പേര്‍ക്കെതിരേ കേസെടുത്തു. കൂടാതെ 518 പെറ്റി കേസുകളും. 1085 പേരെ താക്കീത് ചെയ്തു വിട്ടയച്ചു. ജില്ലയിലെ നാല് അന്തര്‍ സംസ്ഥാന ചെക്ക് പോസ്റ്റുകളിലും ജില്ലാ അതിര്‍ത്തികളിലും കാനന പാതകളിലും പോലീസും മറ്റ് ഇതര വകുപ്പുകളും ചേര്‍ന്ന് സംയുക്ത പരിശോധന നടക്കുന്നുണ്ട്.
