18-ാം ലോക്സഭയുടെ ആദ്യസമ്മേളനം ഇന്ന്, എംപിമാര് സത്യപ്രതിജ്ഞ ചെയ്യും
ന്യൂഡല്ഹി: 18-ാം ലോക്സഭയുടെ ആദ്യ സമ്മേളനത്തിന് ഇന്ന് തുടക്കമാകും. ലോക്സഭയുടെ പ്രോടേം സ്പീക്കറായി ബിജെപി എംപി ഭര്തൃഹരി മഹ്താബിന് രാഷ്ട്രപതി ദ്രൗപതി മുര്മു സത്യവാചകം ചൊല്ലിക്കൊടുക്കും. തുടര്ന്ന് പ്രധാനമന്ത്രി നരേന്ദ്രമോദിയും കേന്ദ്രമന്ത്രിമാരും അടക്കം പുതുതായി തിരഞ്ഞെടുക്കപ്പെട്ട എല്ലാ അംഗങ്ങളും സത്യപ്രതിജ്ഞ ചെയ്യും. രണ്ട് ദിവസത്തെ സത്യപ്രതിജ്ഞാ ചടങ്ങുകള്ക്ക് ശേഷം ജൂണ് 26 ന് ലോക്സഭാ സ്പീക്കറെ തിരഞ്ഞെടുക്കുന്നതിനുള്ള തിരഞ്ഞെടുപ്പ് നടക്കും.
ജൂണ് 27 ന് ഇരുസഭകളുടെയും സംയുക്ത സമ്മേളനത്തെ അഭിസംബോധന ചെയ്ത് രാഷ്ട്രപതി പ്രസംഗിക്കും. കഴിഞ്ഞ പത്ത് വര്ഷത്തിനിടെ ആദ്യമായി പ്രതിപക്ഷ നേതാവിനെ തിരഞ്ഞെടുക്കുന്നതിനും ഈ ലോക്സഭ സാക്ഷ്യം വഹിക്കും. ഒരു ദശകത്തില് ആദ്യമായി. സെഷന് ജൂലൈ 3 ന് സമാപിക്കുകയും ജൂലൈ 22 ന് മണ്സൂണ് സമ്മേളനത്തിനായി വീണ്ടും ചേരുകയും ചെയ്യും.
അതേസമയം കേരളത്തില് നിന്നുള്ള പതിനെട്ട് പേരാണ് എം പിമാരായി സത്യപ്രതിജ്ഞ ചെയ്യുക. വിദേശ സന്ദര്ശനം നടത്തുന്നതിനാല് തിരുവനന്തപുരം എം പി ശശി തരൂര് ഈ ആഴ്ച അവസാനം സത്യപ്രതിജ്ഞ ചെയ്യും. വയനാട് മണ്ഡലം ഒഴിഞ്ഞ രാഹുല് ഗാന്ധി റായ്ബറേലിയില് നിന്നുള്ള എം പിയായിട്ടായിരിക്കും സത്യപ്രതിജ്ഞ ചെയ്യുക. രാവിലെ 11 മണിക്ക് സത്യപ്രതിജ്ഞാ ചടങ്ങുകള് ആരംഭിക്കും.
വൈകിട്ട് നാല് മണിയോടെയാകും കേരളത്തില് നിന്നുള്ള എംപിമാരുടെ സത്യപ്രതിജ്ഞ. ലോക്സഭയിലെ ആദ്യ ദിനങ്ങളില് തന്നെ പ്രതിപക്ഷം പ്രതിഷേധമുയര്ത്തും എന്നാണ് സൂചന. പ്രോടേം സ്പീക്കര് പദവിയില് നിന്ന് കൊടിക്കുന്നില് സുരേഷിനെ ഒഴിവാക്കിയതിനാല് രാഷ്ട്രപതിയെ സഹായിക്കുന്ന പാനലില് നിന്ന് വിട്ടു നില്ക്കാന് ഇന്ത്യ സഖ്യം തീരുമാനിച്ചിട്ടുണ്ട് എന്നാണ് വിവരം.
പ്രോടേം സ്പീക്കറെ സഹായിക്കാനുള്ള പാനലിലുള്ള മൂന്ന് പ്രതിപക്ഷ നേതാക്കളായ ഡിഎംകെയിലെ ടി ആര് ബാലു, കോണ്ഗ്രസിലെ കൊടിക്കുന്നില് സുരേഷ്, തൃണമൂല് കോണ്ഗ്രസിലെ സുദീപ് ബന്ദോപാധ്യായ എന്നിവര് പ്രതിഷേധ സൂചകമായി തങ്ങളുടെ ചുമതലകള് നിര്വഹിക്കില്ലെന്ന് സൂചിപ്പിച്ചു. പ്രതിപക്ഷ എംപിമാര് എല്ലാവരും ഒന്നിച്ചാകും സഭയിലേക്ക് നീങ്ങുക.
നീറ്റ്, നെറ്റ് തുടങ്ങിയ പരീക്ഷാ വിവാദങ്ങള് വിലക്കയറ്റം, ഓഹരി വിപണിയിലെ ചാഞ്ചാട്ട വിവാദം തുടങ്ങിയ വിഷയങ്ങള് ലോക്സഭയില് പ്രതിപക്ഷം ചര്ച്ചയാക്കും. നീറ്റ് വിവാദത്തില് സുപ്രീം കോടതിയുടെ മേല്നോട്ടത്തിലുള്ള അന്വേഷണത്തിന് പ്രതിപക്ഷ പാര്ട്ടികള് ആവശ്യപ്പെടുന്നുണ്ട്. വിഷയവുമായി ബന്ധപ്പെട്ട നിരവധി ഹര്ജികള് ജൂലൈ എട്ടിന് സുപ്രീം കോടതി പരിഗണിക്കും.
3.7 മില്യണ് വിദ്യാര്ത്ഥികളെ ബാധിച്ച വിഷയം പാര്ലമെന്റില് ഉന്നയിക്കുമെന്ന് കോണ്ഗ്രസ്, ഡിഎംകെ, തൃണമൂല് കോണ്ഗ്രസ് പാര്ട്ടികള് അറിയിച്ചിട്ടുണ്ട്. ജൂണ് നാലിനാണ് ലോക്സഭാ തിരഞ്ഞെടുപ്പ് ഫലം പുറത്ത് വന്നത്. 543 അംഗ സീറ്റില് ബിജെപിക്കും സഖ്യകക്ഷികള്ക്കും കൂടി 293 സീറ്റാണ് ഉള്ളത്. പ്രതിപക്ഷത്തിന് 234 സീറ്റുണ്ട്. 272 ആണ് കേവലഭൂരിപക്ഷത്തിന് വേണ്ടത്.
2014, 2019 തിരഞ്ഞെടുപ്പുകളില് യഥാക്രമം 272, 303 എംപിമാരുമായി അധികാരത്തിലെത്തിയ ബിജെപിക്ക് ഇത്തവണ ഒറ്റക്ക് കേവല ഭൂരിപക്ഷം നേടാനായിരുന്നില്ല. ഇത്തവണ 240 സീറ്റുകളിലാണ് ബിജെപിക്ക് ജയിക്കാനായത്. തിരഞ്ഞെടുപ്പിന് തൊട്ടുമുന്പ് എന്ഡിഎയില് എത്തിയ എന്ഡിഎ, ടിഡിപി കക്ഷികളുടെ ബലത്തിലാണ് ബിജെപിക്ക് തുടര്ഭരണം ലഭിച്ചത്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google