ട്രെയിന് തട്ടി മരിച്ചയാള് സുഹൃത്തുമായി വീഡിയോ കോളില്; ഞെട്ടലില് കുടുംബം, ട്വിസ്റ്റിന് പിന്നില്
വീഡിയോ ചാറ്റിന്റെ ദൃശ്യങ്ങള് സോഷ്യല് മീഡിയയില് പ്രചരിച്ചതോടെയാണ് സംഭവം പുറംലോകം അറിയുന്നത്.
മുംബൈ: മഹാരാഷ്ട്രയിലെ പാല്ഘറില് നടന്ന സംഭവം ഇപ്പോള് എല്ലാവരെയും ഞെട്ടിച്ചിരിക്കുകയാണ്. തീവണ്ടി തട്ടി മരിച്ചെന്ന് കരുതിയ അറുപതുകാരനെ ജീവനോട് കണ്ടെത്തിയതോടെയാണ് സുഹൃത്തുക്കള് അടക്കം ഞെട്ടിയിരിക്കുന്നത്. റഫീഖ് ഷൈഖ് എന്ന ഓട്ടോറിക്ഷ ഡ്രൈവറെ രണ്ട് മാസങ്ങള്ക്ക് മുമ്പാണ് കാണാതായത്. കഴിഞ്ഞ ജനുവരി 29ന് തീവണ്ടി തട്ടി മരിച്ച നിലയില് കണ്ടെത്തുകയും ചെയ്തു. തുടര്ന്ന് ബന്ധുക്കളാണ് മൃതദേഹം ഏറ്റുവാങ്ങി സംസ്കരിച്ചത്.
സംസ്കരിച്ച മൃതദേഹം
എന്നാല് ഇപ്പോഴിതാ മരിച്ചെന്ന് കരുതിയ ആള് തന്റെ സുഹൃത്തുമായി നടത്തിയ വീഡിയോ കോളിന്റെ ദൃശ്യങ്ങളാണ് സോഷ്യല് മീഡിയയില് വൈറലാകുന്നത്. ഇതോടെ റഫീഖിന്റേതാണെന്ന് കരുതി സംസ്കരിച്ച മൃതദേഹം ആരുടേതാണെന്ന് കണ്ടെത്താനുള്ള ശ്രമത്തിലാണ് പൊലീസ്. റഫീഖിനെ പാല്ഘറിലെ ആളൊഴിഞ്ഞ വീട്ടില് കണ്ടെത്തിയതായും പൊലീസ് പറഞ്ഞു.
മാധ്യമങ്ങളിലൂടെ പ്രചരിപ്പിച്ചു
ജനുവരി 29ന്, പാല്ഘര് സ്റ്റേഷനുകല്ക്കിടെയിലുള്ള പാളത്തില് നിന്നാണ് അഞ്ജാത മൃതദേഹം കണ്ടെത്തിയത്. ഇതിന്റെ ചിത്രങ്ങള് റെയില്വെ പൊലീസ് മാധ്യമങ്ങളിലൂടെ പ്രചരിപ്പിക്കുകയും ചെയ്തിരുന്നു. ഇതിന് പിന്നാലെ റഫീന്റെ സഹോദരന് പൊലീസിനെ സമീപിക്കുകയും രണ്ട് മാസം മുമ്പ് കാണാതായ റഫീഖിന്റേതാണ് മൃതദേഹമെന്ന് സംശയം അറിയിക്കുകയും ചെയ്തു.
റഫീഖിന്റെ ഭാര്യയെ
റഫീഖിനെ കാണാതായതില് പൊലീസില് കുടുംബം പരാതി നല്കിയിരുന്നു. കേരളത്തിലായിരുന്ന റഫീഖിന്റെ ഭാര്യയെ ബന്ധപ്പെട്ട് മൃതദേഹം റഫീഖിന്റേതാണെന്ന് സ്ഥിരീകരിക്കുകയും ചെയ്തിരുന്നു. തുടര്ന്നാണ് മൃതദേഹം ബന്ധുക്കള്ക്ക് വിട്ടുനല്കിയത്. കഴിഞ്ഞ ഞായറാഴ്ച റഫീഖ് തന്റെ സുഹൃത്തിനെ വീഡിയോ കോള് വഴി ബന്ധപ്പെടുകയായിരുന്നു.
ചാറ്റിന്റെ ദൃശ്യങ്ങള്
താന് ഇപ്പോള് സുഖമായിരിക്കുകയാണെന്ന് റഫീഖ് സുഹൃത്തിനെ അറിയിക്കുകയും ചെയ്തു. വീഡിയോ ചാറ്റിന്റെ ദൃശ്യങ്ങള് സോഷ്യല് മീഡിയയില് പ്രചരിച്ചതോടെയാണ് സംഭവം പുറംലോകം അറിയുന്നത്. ഉടന് തന്നെ റഫീഖിന്റെ ബന്ധുക്കളെയും വിവരം അറിയിച്ചു. അതേസമയം, റഫീഖിന്റേതാണെന്ന് കരുതി സംസ്കരിച്ച മൃതദേഹം ആരുടേതാണെന്ന് കണ്ടെത്താനുള്ള അന്വേഷണത്തിലാണ് പൊലീസ് ഇപ്പോള്.
-
ഉയർന്ന രക്തസമ്മർദ്ദം നിസാരക്കാരനല്ല; ശ്രദ്ധിച്ചില്ലെങ്കിൽ പണി കിട്ടും, ഈ ഭക്ഷണങ്ങൾ കഴിക്കാൻ ശ്രമിക്കൂ..! -
3,000 വർഷത്തെ പാരമ്പര്യം; ചർമ്മത്തിന് തിളക്കം നൽകാൻ നാല്പാമരാദി എന്ന അത്ഭുതം! -
പാലക്കാട് ഐഐടിയില് ഒഴിവുകള്; ശമ്പളം 1.12 ലക്ഷം വരെ, നിങ്ങള് യോഗ്യരാണോ? -
റെയിൽടെൽ കോർപ്പറേഷനിൽ ഒഴിവുകൾ: ആർക്കൊക്കെ അപേക്ഷിക്കാം..അറിയാം -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം
Click it and Unblock the Notifications
Sign in with Google