കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പ്രിയങ്കയും വദ്രയും ലളിത് മോദിയെ ലണ്ടനില്‍ പോയി കണ്ടത് എന്തിന്?

  • By Muralidharan
Google Oneindia Malayalam News

ലണ്ടന്‍: മുന്‍ ഐ പി എല്‍ കമ്മീഷണര്‍ ലളിത് മോദി മറ്റൊരു വിവാദത്തിന് കൂടി തിരികൊളുത്തുന്നു. കോണ്‍ഗ്രസ് അധ്യക്ഷ സോണിയാ ഗാന്ധിയുടെ മകള്‍ പ്രിയങ്കാ ഗാന്ധിയും പ്രിയങ്കയുടെ ഭര്‍ത്താവ് റോബര്‍ട്ട് വദ്രയും തന്നെ കാണാനെത്തിയിരുന്നു എന്നാണ് മോദി മൈക്രോ ബ്ലോഗിങ് സൈറ്റായ ട്വിറ്ററില്‍ പറഞ്ഞത്. കഴിഞ്ഞ വര്‍ഷമാണ് ഇരുവരും ലണ്ടനിലെത്തി കൂടിക്കാഴ്ച നടത്തിയതെന്നും ലളിത് മോദി ട്വീറ്റ് ചെയ്തു.

ലളിത് മോദിയെ വഴിവിട്ട് സഹായിച്ചു എന്ന പേരില്‍ ബി ജെ പി നേതാക്കളായ സുഷമ സ്വരാജിനും വസുദ്ധര രാജെ സിന്ധ്യെയ്ക്കും എതിരെ ആക്രമണം നടത്തുന്ന കോണ്‍ഗ്രസിന് കനത്ത തിരിച്ചടിയായിരിക്കുകയാണ് ഈ വെളിപ്പെടുത്തല്‍. സോണിയാ ഗാന്ധിയുടെ മകനും മരുമകനും എന്തിന് ലളിത് മോദിയെ കാണാനായി ലണ്ടനിലേക്ക് പോയി എന്നതാണ് ഉയരുന്ന ചോദ്യം.

priyanka-robert

പ്രിയങ്കയ്ക്കും റോബര്‍ട്ട് വദ്രയ്ക്കും ലളിത് മോദിയെ കാണാന്‍ സൗകര്യം ചെയ്തുകൊടുത്തത് ഡി എല്‍ എഫിന്റെ മാനേജിങ് ഡയറക്ടറായ തിമ്മി സര്‍നയാണ് എന്നും ലളിത് മോദി പറയുന്നു. ലളിത് പ്രിയങ്കാ ഗാന്ധിയും റോബര്‍ട്ട് വദ്രയും എന്തിനാണ് ലളിത് മോദിയെ കാണാന്‍ പോയത് എന്ന കാര്യം സോണിയാ ഗാന്ധി വിശദീകരിക്കണമെന്ന് ബി ജെ പി ആവശ്യം ഉന്നയിച്ചു കഴിഞ്ഞു. ഇക്കാര്യത്തില്‍ സോണിയാഗാന്ധി എന്തിനാണ് മൗനം പാലിക്കുന്നത് എന്നാണ് ബി ജെ പി നേതാവ് സംപീത് പാത്ര ചോദിക്കുന്നത്.

എന്നാല്‍ പ്രിയങ്ക ഗാന്ധിയും റോബര്‍ട്ട് വദ്രയും ലൡത് മോദിയുമായി ബന്ധം സൂക്ഷിക്കുന്നില്ല എന്ന് കോണ്‍ഗ്രസ് നേതാവ് രാജ്ദീപ് സുര്‍ജെവാല പറഞ്ഞു. ഒരു റസ്റ്റോറന്റില്‍ വെച്ച് ആരെയെങ്കിലും കണ്ടുമുട്ടുന്നത് തെറ്റല്ല. ബി ജെ പിക്ക് വേണ്ടിയാണ് ലളിത് മോദി സംസാരിക്കുന്നത്. ഇപ്പോഴത്തെ വിവാദങ്ങളില്‍ നിന്നും ശ്രദ്ധ തിരിക്കാനുള്ള ശ്രമമാണ് നടക്കുന്നതെന്നും സുര്‍ജേവാല പറഞ്ഞു.

English summary
Lalit Modi claims meeting Priyanka Gandhi, Robert Vadra in London
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X