'കോൺ​ഗ്രസ് എന്റെ വാക്കുകളെ വളച്ചൊടിച്ചു'; അംബേദ്കർ വിവാദത്തിൽ പ്രതികരിച്ച് അമിത് ഷാ

ഡൽഹി: അംബേദ്കർ വിവാദത്തിൽ വിശദീകരണവുമായി കേന്ദ്ര ആഭ്യന്തരമന്ത്രി അമിത് ഷാ. രാജ്യസഭയിൽ താൻ പറഞ്ഞ കാര്യം കോൺ​ഗ്രസ് വളച്ചൊടിച്ചെന്നും അമിത് ഷാ പറഞ്ഞു. മാധ്യമങ്ങളോട് സംസാരിക്കുകയായിരുന്നു അദ്ദേഹം. " രാജ്യസഭയിൽ ഞാൻ നടത്തിയ അഭിപ്രായം അവർ‌ ( കോൺ​ഗ്രസ് ) വളച്ചൊടിച്ചു. മോദിജിയുടെ പ്രസം​ഗങ്ങളുടെ എഡിറ്റ് ചെയ്ത പതിപ്പാണ് അവർ ഉണ്ടാക്കിയത്. എന്റെ മുഴുവൻ പ്രസ്താവനയും ജനങ്ങൾക്ക് മുന്നിൽ വെയ്ക്കാൻ മാധ്യമങ്ങളോട് ഞാൻ‌ അഭ്യർത്ഥിക്കുന്നു. ഞാൻ വരുന്നത് അംബേദ്കറുടെ ആശയങ്ങൾ പിന്തുടരുന്ന പാർട്ടിയിൽ നിന്നാണ് ", അദ്ദേഹം പറഞ്ഞു

കോൺ​ഗ്രസ് സൈന്യത്തോടും സ്ത്രീകളോടും അനാദരവ് കാണിക്കുകയും രാജ്യം തകർക്കുകയിം വിദേശശക്തികൾക്ക് നൽകുകയും ചെയ്തു. ഈ സത്യം വെളിപ്പെട്ടപ്പോൾ‌ ഇന്നലെ അവർ വസ്തുതകൾ വളച്ചൊടിച്ച് ജനങ്ങളെ തെറ്റിദ്ധരിപ്പിച്ചു, അമിത് ഷാ പറഞ്ഞു. ഭരണഘടനയുടെ 75ാം വാർഷികത്തോട് അനുബന്ധിച്ചുനടന്ന ചർച്ചയിൽ അംബേദ്കറെ അനാദരിച്ചത് കോൺ​ഗ്ര് ആണെന്ന് തെളിയിക്കപ്പെട്ടെന്നും അമിത് ഷാ പറഞ്ഞു..

ബി ജെ പി അധികാരത്തിൽ ഇരുന്നപ്പോഴെല്ലാം തങ്ങൾ അംബേദ്കറിന്റെ തത്വങ്ങൾ പ്രചരിപ്പിച്ചിട്ടുണ്ടെന്നും സംവരണം ശക്തിപ്പെടുത്താൻ ബി ജെ പി പ്രവർത്തിച്ചിട്ടുണ്ടെന്നും പറഞ്ഞ അമിത് ഷാ കോൺ​ഗ്രസിന്റെ ഈ നീചമായ ശ്രമത്തെ നിങ്ങൾ പിന്തുണയ്ക്കരുതായിരുന്നുവെന്നാണ് കോൺ​ഗ്രസ് അധ്യക്ഷൻ ഖാർ​ഗെയോട് പറയാനുള്ളതെന്നും അമിത് ഷാ പറഞ്ഞു. അംബേദ്കറുടെ മരണത്തിനുശേഷവും അദ്ദേഹത്തെ പരിഹസിക്കാൻ കോൺ​ഗ്രസ് ശ്രമിച്ചുവെന്നും നെഹ്റുവിന്റെ അംബേ​ദ്കറോടുള്ള വെറുപ്പ് എല്ലാവർക്കു അറിയാമെന്നും ഷാ പറഞ്ഞു.

കോൺഗ്രസ് അംബേദ്കറിനും അദ്ദേഹത്തിൻ്റെ ആദർശങ്ങൾക്കും എതിരാണെന്ന് ഷാ അവകാശപ്പെട്ടു. ഇന്നലെ മുതൽ കോൺ​ഗ്രസ് വസ്തുകള്ഡ വളച്ചൊടിച്ച് അവതരിപ്പിക്കുന്നു. കോൺ​ഗ്രസ് അംബേദ്കർ വിരുദ്ധമാണ്. അത് സംവരണത്തിവനും ഭരണഘടനയ്ക്കും എതിരാണ്. കോൺ​ഗ്രസ് സവർക്കറെയും അപമാനിച്ചുയ അടിയന്തരാവസ്ഥ പ്രഖ്യാപിച്ച് ഭരണഘടനാ മൂല്യങ്ങൾ ലംഘിച്ചു, അദ്ദേഹം പറഞ്ഞു.

അമിത് ഷാ അംബേദ്കറെ അപമാനിച്ചുവെന്ന് പറഞ്ഞ് പ്രതിഷേധം ഉയരുന്നതിനിടെയാണ് വിശദീകരണവുമായി അമിത് ഷാ രം​ഗത്ത് എത്തിയത്. അംബേദ്കറുടെ പേര് ആവർത്തിക്കുന്നത് കോൺ​ഗ്രസ് ഒരു ഫാഷൻ ആക്കി എന്നായിരുന്നു അമിത് ഷാ പറഞ്ഞത്. അംബേദ്കർ എന്ന് പറയുന്നതിന് പകരം ദൈവത്തെ വിളിച്ചിരുന്നെങ്കിൽ അവർക്ക് സ്വർ​ഗം ലഭിക്കുമായിരുന്നുവെന്നും പറഞ്ഞിരുന്നു. ഇതിന് പിന്നാലെ വിമർശനം ഉയർന്നു.