കോണ്ഗ്രസ് വീണ്ടും അധികാരത്തിലെത്തും, ലഭിക്കുക 75 സീറ്റ്; ഭൂപേഷ് ബാഗേല്
റായ്പൂര്: വരാനിരിക്കുന്ന ഛത്തീസ്ഗഡ് നിയമസഭാ തിരഞ്ഞെടുപ്പില് കോണ്ഗ്രസ് 75 ല് അധികം സീറ്റുകള് നേടുമെന്ന് മുഖ്യമന്ത്രിയും മുതിര്ന്ന നേതാവുമായ ഭൂപേഷ് ബാഗേല്. ഛത്തീസ്ഗഢിലെ 90 നിയമസഭാ സീറ്റുകളിലേക്ക് ഈ വര്ഷം നവംബര്-ഡിംസബര് മാസങ്ങളിലാണ് തിരഞ്ഞെടുപ്പ് നടക്കുന്നത്. സംസ്ഥാനത്ത് ബി ജെ പിയും കോണ്ഗ്രസും ഇതിനോടകം തിരഞ്ഞെടുപ്പ് പ്രചരണം ആരംഭിച്ചിട്ടുണ്ട്.
തന്റെ സര്ക്കാര് ഭക്ഷ്യസുരക്ഷയും തൊഴിലുറപ്പും കാര്ഷികോത്പന്നങ്ങള്ക്ക് കൃത്യമായ ആദായവും ഉറപ്പാക്കിയിട്ടുണ്ടെന്നും വരാനിരിക്കുന്ന നിയമസഭാ തെരഞ്ഞെടുപ്പില് കോണ്ഗ്രസ് വീണ്ടും അധികാരത്തിലെത്തുമെന്ന് തനിക്ക് ഉറപ്പുണ്ടെന്നും ഭൂപേഷ് ബാഗേല് പറയുന്നു. എന്നാല് ബി ജെ പി നേതൃത്വത്തിലുള്ള കേന്ദ്ര സര്ക്കാര് നെല്കര്ഷകരുടെ താല്പ്പര്യങ്ങളെ ഹനിക്കുകയാണെന്നും അദ്ദേഹം കുറ്റപ്പെടുത്തി.
സംഭരിക്കുന്ന നെല്ലിന് മിനിമം താങ്ങുവില (എം എസ് പി) പ്രകാരം ക്വിന്റലിന് 3,600 രൂപ വരെ ഛത്തീസ്ഗഡ് സര്ക്കാരില് നിന്ന് ലഭിക്കുമെന്ന് കര്ഷകര്ക്ക് ഉറപ്പുണ്ടെന്നും ഭൂപേഷ് ബാഗേല് പറഞ്ഞു. സംസ്ഥാനത്ത് കോണ്ഗ്രസ് അധികാരം നിലനിര്ത്തിയാല് മാത്രമെ കര്ഷകര്ക്ക് രക്ഷയുള്ളൂവെന്നും അദ്ദേഹം കൂട്ടിച്ചേര്ത്തു. കേന്ദ്രത്തിന്റെ രാഷ്ട്രീയ വിരോധത്തിന് കര്ഷകര് വിധേയരാകുകയാണെന്നും അദ്ദേഹം പറഞ്ഞു.
'കര്ഷകര്ക്ക് മതിയായ എം എസ് പി ലഭിക്കുന്നില്ല. കേന്ദ്രം നെല്ല് സംഭരണം കുറച്ചു. അതിനാല് കര്ഷകര്ക്ക് അവരുടെ വിളകള് ഓപ്പണ് മാര്ക്കറ്റില് ലേലം ചെയ്യേണ്ടിവന്നു. കര്ഷകര്ക്ക് അവരുടെ വിളകള്ക്ക് ശരിയായ മൂല്യം ലഭിക്കണം,' ഭൂപേഷ് ബാഗേല് പറഞ്ഞു. സംസ്ഥാനത്തെ ഭൂരിഭാഗം ജനങ്ങളും കൃഷിയെ ആശ്രയിക്കുന്നതിനാല് തങ്ങളുടെ പ്രധാന ശ്രദ്ധ എപ്പോഴും കൃഷിയിലാണ് എന്നും അദ്ദേഹം അവകാശപ്പെട്ടു.
2018 ല് ബി ജെ പിയുടെ 15 വര്ഷത്തെ തുടര്ഭരണം തകര്ത്താണ് കോണ്ഗ്രസ് അധികാരത്തിലെത്തിയത്. 90 അംഗ നിയമസഭയില് 68 സീറ്റിലും കോണ്ഗ്രസ് വിജയിച്ചപ്പോള് ബി ജെ പി 15 സീറ്റിലൊതുങ്ങി. ഛത്തീസ്ഗഢ് ജനതാ കോണ്ഗ്രസ് അഞ്ച് സീറ്റിലും ബി എസ് പി രണ്ട് സീറ്റിലും വിജയിച്ചു. 2024 ലെ ലോക്സഭാ തിരഞ്ഞെടുപ്പ് അടുത്തിരിക്കെ ഛത്തീസ്ഗഢ് നിയമസഭാ തിരഞ്ഞെടുപ്പ് കോണ്ഗ്രസിനും ബി ജെ പിക്കും നിര്ണായകമാണ്.
11 പാര്ലമെന്റ് സീറ്റുകളാണ് ഛത്തീസ്ഗഢിലുള്ളത്. ഇതില് ഒമ്പത് സീറ്റിലും നിലവില് ബി ജെ പിയാണ് പ്രതിനിധാനം ചെയ്യുന്നത്. കോണ്ഗ്രസിന് രണ്ട് സീറ്റാണ് ഉള്ളത്. കഴിഞ്ഞ ദിവസം പ്രധാനമന്ത്രി നരേന്ദ്ര മോദിയുടെ നേതൃത്വത്തില് ബി ജെ പി സംസ്ഥാനത്തെ പ്രചരണം ആരംഭിച്ചിരുന്നു.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന്
Click it and Unblock the Notifications
Sign in with Google