കേന്ദ്രസർക്കാർ നടത്തിയ രാഷ്ട്രീയ പകപോക്കൽ; ഇഡി റെയ്ഡിനെതിരെ ഛത്തീസ്​ഗഡ് മുൻ മുഖ്യമന്ത്രി

ഡൽഹി: തിങ്കളാഴ്ച രാവിലെ തന്റെ വസതിയിൽ ഇ ഡി നടത്തിയ റെയ്ഡിനെതിരെ ഛത്തീസ്​ഗഡ് മുൻ മുഖ്യമന്ത്രി ഭൂപേഷ് ബാ​ഗേൽ. പ്രതിപക്ഷത്തെ പീഡിപ്പിക്കാൻ ബി ജെ പിയുടെ നേതൃത്വത്തിലുള്ള കേന്ദ്രസർക്കാർ നടത്തിയ രാഷ്ട്രീയ പകപോക്കൽ ആണ് ഇ ഡി റെയ്ഡ് എന്ന് ബാ​ഗേൽ പറഞ്ഞു.

രാവിലെ 7. 30 ന് തന്റെ ​ദുർ​ഗിലെ വസതിയിൽ ചായ കുടിക്കുന്നതിനിടെ ഇ ഡി ഉദ്യോ​ഗസ്ഥർ എത്തിയതായി ബാ​ഗേൽ പറയുന്നു. എഫ് ഐ ആർ നമ്പറിന് സമാനമായ ഇ സി ഐ ആർ നമ്പർ താൻ ആവശ്യപ്പെട്ടപ്പോൾ നൽകിയില്ലെന്നും അദ്ദേഹം പറയുന്നു.

" ഇ ഡിയുടെ പക്കൽ എൻഫോഴ്സ്മെന്റ് കേസ് ഇൻഫർമേഷൻ റിപ്പോർട്ട് ( ഇ സി ഐ ആർ ) നമ്പർ ഇല്ല. ഞങ്ങൾ അത് ആവശ്യപ്പെട്ടപ്പോൾ അവർക്ക് ഉത്തരമില്ല. ഏഴ് വർഷം മുമ്പ് എനിക്കെതിരെ ​ഗുരുതരമായ ഒരു ആരോപണം ഉയർന്നിരുന്നു. സുപ്രീം കോടതി എന്നെ വെറുതെവിട്ടു. ആ കേസിൽ ഒന്നും കണ്ടെത്താനായില്ല. ഈ കേസിൽ അവർക്ക് ഒന്നും കണ്ടെത്താനാവില്ല, ബാ​ഗേൽ പറഞ്ഞു.

ഛത്തീസ്​ഗഢ് അസംബ്ലിയിൽ പങ്കെടുക്കാനോ ഫോൺ ഉപയോ​ഗിക്കാനോ തന്നെ അനുവദിച്ചില്ലെന്നും ബാ​ഗേൽ ആരോപിച്ചു. ഇന്ന് അവർ എന്നെ വിധാൻസഭയിലേക്ക് പോകാൻ അനുവദിച്ചില്ല. ഫോണിലൂടെ സംസാരിക്കുന്നതിൽ നിന്നും അവർ‌ എന്നെ തടഞ്ഞു. എന്നെ മകളും മകനും മരുമകളും പേരക്കുട്ടികളും ഇവിടെ തമാസിക്കുന്നു. ഞങ്ങൾ പ്രാഥമികമായി 140 ഏക്കർ ഭൂമിയിലെ കൃഷിയിലൂടെയാണ് സമ്പാദിക്കുന്നത്, " അദ്ദേഹം പറഞ്ഞു.

കഴിഞ്ഞ ദിവസം രാവിലെ ഛത്തീസ്​ഗഡിലെ ദുർ​ഗ് ഭൂപേഷ് ബാ​ഗേലിന്റെയും മകൻ ചൈതന്യയുടെയും വസതികൾ ഉൾപ്പെടെ 14 സ്ഥലങ്ങളിൽ കേന്ദ്ര അന്വേഷണ ഏജൻസി റെയ്ഡ് നടത്തിയിരുന്നു. എന്ത് കൊണ്ടാണ് കഴിഞ്ഞ മൂന്ന് വർഷമായി തനിക്കെതിരെ ഒരു തെളിവും ശേഖരിക്കാൻ ഇ ഡിക്ക് കഴിയാത്തതെന്ന് ബാ​ഗേൽ ചോദിച്ചു. കേന്ദ്ര ഏജൻസിയെ ഭയപ്പെടുന്നില്ലെന്നും ബാ​ഗേൽ പറഞ്ഞു. " ഭൂപേഷ് ബാ​ഗേലിനെ തൊടാൻ ആർക്കും ധൈര്യമില്ലയ ഭൂപേഷ് ബാ​ഗേലും മരണത്തെ ഭയപ്പെടുന്നില്ല " അദ്ദേഹം പറഞ്ഞു.

തന്റെ വസതിയിലേക്ക് കാഷ് കൗണ്ടിം​ഗ് മെഷീൻ കൊണ്ടുവന്നത് മീഡിയ സ്റ്റണ്ട് എന്ന് വിശേഷിപ്പിച്ച അദ്ദേഹം ഇ ഡിയെ തള്ളിക്കളഞ്ഞു.
" ഞങ്ങൾക്ക് ധാരാളം സ്ഥലവും ആഭരണങ്ങളും ഉള്ളതിനാൽ പണം കണ്ടെടുത്തു. മാധ്യമപ്രചരണം സൃഷ്ടിക്കാൻ മെഷീനുകൾ കൊണ്ടുവന്ന വീട്ടിൽ നിന്ന് 35 ലക്ഷം രൂപ കണ്ടെടുത്തു.. ഇത് വലിയ തുകയാണെന്ന് ഞാൻ കരുതുന്നില്ല," ബാ​ഗേൽ പറഞ്ഞു.