Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പോലീസ് ചാരനെന്ന് ആരോപിച്ച് ഗ്രാമീണനെ മാവോയിസ്റ്റുകള്‍ വെടിവെച്ചു കൊന്നു
കങ്കര്‍: പോലീസിന് വിവരങ്ങള്‍ നല്‍കുന്നയാള്‍ എന്നാരോപിച്ച് ഗ്രാമീണനെ മാവോയിസ്റ്റുകള്‍ വെടിവെച്ചു കൊലപ്പെടുത്തി. ഛത്തീസ്ഗഡിലെ കങ്കര്‍ ജില്ലയിലാണ് ദാരുണമായ സംഭവം. ഛോട്ടെ ബെതിയ പോലീസ് സ്‌റ്റേഷന്‍ പരിധിയില്‍ പെടുന്ന തോഥുര്‍ ഗ്രാമവാസി ബബ്ലു ദാസ് ആണ് കൊല്ലപ്പെട്ടതെന്ന് പോലീസ് സൂപ്രണ്ട് എം എല്‍ കോട്വാനി പിടിഐയോട് പറഞ്ഞു.
ജില്ലാ ആസ്ഥാനത്തുനിന്നും 300 കിലോമീറ്റര്‍ അകലെയാണ് സംഭവം. ഞായറാഴ്ച രാത്രിയോടെ പത്തോളം വരുന്ന തോക്കുധാരികളായ മാവോയിസ്റ്റുകള്‍ ബബ്ലു ദാസിന്റെ വീടിനുള്ളിലേക്ക് ഇരച്ചു കയറുകയായിരുന്നു. ചെയ്ത കുറ്റം എന്താണെന്ന് അറിയിച്ചശേഷം ബബ്ലുവിനെ വെടിവെച്ചു കൊന്നെന്ന് ദൃക്‌സാക്ഷികള്‍ പോലീസിനോട് പറഞ്ഞു.
സംഭവമറിഞ്ഞ് പോലീസ് എത്തുമ്പോഴേക്കും ദാസ് കൊല്ലപ്പെട്ടിരുന്നു. ഇയാളുടെ മൃതദേഹം ആശുപത്രിയിലേക്ക് മാറ്റി. സംഭവത്തിനുശേഷം രക്ഷപ്പെട്ട മാവോയിസ്റ്റുകള്‍ക്കുവേണ്ടി വ്യാപകമായ തിരച്ചില്‍ ആരംഭിച്ചതായി പോലീസ് ഉദ്യോഗസ്ഥന്‍ അറിയിച്ചു. പ്രതികളെ ഉടന്‍ പിടികൂടാനാകുമെന്നാണ് പ്രതീക്ഷയെന്നും അദ്ദേഹം പറഞ്ഞു.
ഈ മാസം ഇത് രണ്ടാമത്തെ തവണയാണ് സംസ്ഥാനത്ത് സമാന രീതിയിലുള്ള കൊലപാതകം നടക്കുന്നത്. ജൂണ്‍ 25ന് ബിജാപുര്‍ ജില്ലിയിലെ ഒരു ഡെപ്യുട്ടി സര്‍പ്രാഞ്ചിനെ പോലീസ് ഇന്‍ഫോര്‍മര്‍ എന്ന് ആരോപിച്ച് മാവോയിസ്റ്റുകള്‍ കൊലപ്പെടുത്തിയിരുന്നു. സംഭവത്തിലെ പ്രതികളെ ഇതുവരെ പിടികൂടാന്‍ സാധിച്ചിട്ടില്ല.
