Click it and Unblock the Notifications
Just In
Don't Miss
-
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ് -
പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
ബിജെപിക്കാരുടെ പട്ടിപോലും രാജ്യത്തിന് വേണ്ടി ചത്തിട്ടില്ല; കടന്നാക്രമിച്ച് ഖാര്‍ഗെ
ന്യൂദല്‍ഹി: അരുണാചല്‍ പ്രദേശിലെ തവാങിലെ യഥാര്‍ത്ഥ നിയന്ത്രണ രേഖയില്‍ (എല്‍ എ സി) അടുത്തിടെ നടന്ന ചൈനീസ് ആക്രമണത്തില്‍ ബി ജെ പിയേയും കേന്ദ്ര സര്‍ക്കാരിനേയും കടന്നാക്രമിച്ച് കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ. രാജ്യത്തിന് പുറത്ത് സിംഹത്തെ പോലെ സംസാരിക്കുന്ന ബി ജെ പിയും കേന്ദ്ര സര്‍ക്കാരും രാജ്യത്തിനകത്ത് എലികളാണ് എന്ന് മല്ലികാര്‍ജ്ജുന്‍ ഖാര്‍ഗെ.
അവര്‍ത്ത് ചൈനയെ നേരിടാന്‍ കഴിയില്ല എന്നും അദ്ദേഹം പരിഹസിച്ചു. രാജസ്ഥാനിലെ അല്‍വാറില്‍ ഭാരത് ജോഡോ യാത്രയ്ക്കിടെ നടന്ന റാലിയില്‍ സംസാരിക്കവെ ആണ് മല്ലികാര്‍ജ്ജുന്‍ ഖാര്‍ഗെ ബി ജെ പിയെ കടന്നാക്രമിച്ച് രംഗത്തെത്തിയത്. കോണ്‍ഗ്രസ് പാര്‍ട്ടി എല്ലാ കാലത്തും രാജ്യത്തിന് വേണ്ടി നിലകൊള്ളുകയും അതിന്റെ നേതാക്കള്‍ പരമോന്നത ത്യാഗങ്ങള്‍ സഹിച്ച് സ്വാതന്ത്ര്യം നേടി തരികയും ചെയ്തു എന്ന് മല്ലികാര്‍ജ്ജുന്‍ ഖാര്‍ഗെ പറഞ്ഞു.
എന്നാല്‍ നിങ്ങളുടെ ( ബി ജെ പി ) നായ പോലും രാജ്യത്തിന് വേണ്ടി ചത്തോ എന്നും മല്ലികാര്‍ജ്ജുന്‍ ഖാര്‍ഗെ ചോദിച്ചു. എന്നിട്ടും അവര്‍ ദേശസ്‌നേഹികളാണെന്ന് അവകാശപ്പെടുന്നു. എന്നാല്‍ ഞങ്ങള്‍ എന്തെങ്കിലും പറഞ്ഞാല്‍ ഞങ്ങളെ ദേശവിരുദ്ധര്‍ എന്ന് വിളിക്കുന്നു എന്നും മല്ലികാര്‍ജ്ജുന്‍ ഖാര്‍ഗെ വ്യക്തമാക്കി. അതിര്‍ത്തിയിലെ അഭിപ്രായവ്യത്യാസങ്ങളും അക്രമങ്ങളും പതിവായി മാറുകയാണെന്നും ഖാര്‍ഗെ പറഞ്ഞു.
ബി ജെ പി നേതൃത്വത്തിലുള്ള കേന്ദ്ര സര്‍ക്കാരിനെതിരായ ആക്രമണം കൂടുതല്‍ ശക്തമാക്കുകയും മോദി സര്‍ക്കാര്‍ ശക്തരാണെന്ന് വീമ്പിളക്കുകയും ആര്‍ക്കും തങ്ങളുടെ കണ്ണുകളിലേക്ക് നോക്കാന്‍ കഴിയില്ലെന്നും അവകാശപ്പെടുമ്പോഴാണ് ഇത് സംഭവിക്കുന്നത് എന്നും മല്ലികാര്‍ജ്ജുന്‍ ഖാര്‍ഗെ ചൂണ്ടിക്കാട്ടി. നമ്മുടെ 20 സൈനികര്‍ ഗാല്‍വാന്‍ താഴ്വരയിലെ അതിര്‍ത്തിയില്‍ വീരമൃത്യു വരിച്ചതിന് ശേഷം, മോദി ജി ചൈനീസ് പ്രസിഡന്റിനെ 18 തവണ കണ്ടു.
അവര്‍ മീറ്റിംഗുകള്‍ നടത്തി. എന്നിട്ടും എന്തുകൊണ്ടാണ് ചൈനീസ് അതിര്‍ത്തിയില്‍ ഇതെല്ലാം സംഭവിക്കുന്നത് എന്നും അദ്ദേഹം ചോദിച്ചു. കഴിഞ്ഞ ദിവസം ചൈനയുമായുള്ള അതിര്‍ത്തി തര്‍ക്കം പാര്‍ലമെന്റില്‍ ചര്‍ച്ച ചെയ്യണം എന്ന് മല്ലികാര്‍ജ്ജുന്‍ ഖാര്‍ഗെ ആവശ്യപ്പെട്ടിരുന്നു. ചൈന നമ്മുടെ അതിര്‍ത്തികള്‍ അനധികൃതമായി കയ്യേറുകയാണ്. എന്തുകൊണ്ടാണ് മോദി സര്‍ക്കാര്‍ 'ചൈന പേ ചര്‍ച്ച'യില്‍ നിന്ന് പിന്മാറുന്ന് എന്നായിരുന്നു ഖാര്‍ഗെ ചോദിച്ചത്.
ചൈനീസ് സൈന്യം ഡിവിഷണല്‍ ആസ്ഥാനങ്ങളും ആര്‍മി ഗാരിസണുകളും പീരങ്കികള്‍ക്കായി ആയുധ ഷെല്‍ട്ടറുകളും നിര്‍മ്മിക്കുന്നതായി സാറ്റലൈറ്റ് ചിത്രങ്ങള്‍ കാണിക്കുന്നു. ചൈനയുമായുള്ള അതിര്‍ത്തി തര്‍ക്കത്തെക്കുറിച്ച് രാഹുല്‍ ഗാന്ധി സംസാരിച്ചപ്പോള്‍, രാഹുല്‍ രാജ്യത്തെ തകര്‍ക്കാന്‍ ശ്രമിക്കുകയാണെന്നും നമ്മുടെ സൈനികരോട് അദ്ദേഹത്തിന് ബഹുമാനമില്ലെന്നുമുള്ള വില കുറഞ്ഞ ആരോപണങ്ങളാണ് ബിജെപി നേതാക്കള്‍ ഉന്നയിക്കുന്നത് എന്നും അദ്ദേഹം പറഞ്ഞു.
