സിസോദിയക്ക് നാളെ തന്നെ ജയിലില് നിന്നിറങ്ങാം; പക്ഷേ, ബിജെപിയില് ചേരണം, പരിഹസിച്ച് കെജ്രിവാള്
ഡല്ഹി സര്ക്കാരിന്റെ മികച്ച പ്രവര്ത്തനങ്ങള്ക്ക് തുരങ്കം വയ്ക്കാനാണ് ബിജെപിയുടെ ശ്രമം
ന്യൂഡല്ഹി: ഉപമുഖ്യമന്ത്രി മനീഷ് സിസോദിയയെ അറസ്റ്റ് ചെയ്ത് ജയിലിലടച്ചതില് കടുത്ത വിമര്ശനവുമായി ഡല്ഹി മുഖ്യമന്ത്രി അരവിന്ദ് കെജ്രിവാള്. ഡല്ഹി സര്ക്കാര് ആരോഗ്യ, വിദ്യാഭ്യാസ രംഗത്ത് നടത്തിവരുന്ന പരിഷ്കരണങ്ങള്ക്കും മികച്ച പ്രവര്ത്തനങ്ങള്ക്കും തുരങ്കം വയ്ക്കാനാണ് സിസോദിയയെ അറസ്റ്റ് ചെയ്തത് എന്ന് കെജ്രിവാള് കുറ്റപ്പെടുത്തി. മദ്യനയ കേസ് വെറും പുകമറ മാത്രമാണ്. സിസോദിയ ബിജെപിയില് ചേര്ന്നാല് നാളെ തന്നെ ജയിലില് നിന്ന് പുറത്തിറങ്ങാന് സാധിക്കുമെന്നും കെജ്രിവാള് പരിഹസിച്ചു.
അഴിമതി അല്ല ഇവിടെ വിഷയം. ഡല്ഹി സര്ക്കാര് നടത്തുന്ന ജനകീയ ഇടപെടലുകളാണ്. മന്ത്രിമാരുടെ മികച്ച പ്രവര്ത്തനങ്ങളാണ്- സിസോദിയയുടെ അറസ്റ്റില് ആദ്യമായി പ്രതകരിക്കവെ കെജ്രിവാള് പറഞ്ഞു. ആരോഗ്യ- വിദ്യാഭ്യാസ രംഗത്ത് എഎപി സര്ക്കാര് ഡല്ഹിയില് നടത്തുന്ന പ്രവര്ത്തനങ്ങള്ക്ക് ചുക്കാന് പിടിക്കുന്നത് സിസോദിയയാണ്. ഞായറാഴ്ചയാണ് ഇദ്ദേഹത്തെ മദ്യനയ കേസില് അറസ്റ്റ് ചെയ്തത്. തിങ്കളാഴ്ച കോടതി റിമാന്റ് ചെയ്തു. അഞ്ച് ദിവസം സിബിഐ കസ്റ്റഡിയില് ചോദ്യം ചെയ്യാന് വിട്ടുകൊടുക്കുകയും ചെയ്തു.
മദ്യനയ കേസില് ഒന്നാം പ്രതിയാണ് മനീഷ് സിസോദിയ. അറസ്റ്റ് ചെയ്ത പിന്നാലെ സിസോദിയ മന്ത്രി പദവി രാജിവച്ചിരുന്നു. 18 വകുപ്പുകളാണ് സിസോദിയ കൈകാര്യം ചെയ്തിരുന്നത്. ഇതില് ചില വകുപ്പുകള് എഎപിയുടെ മറ്റു മന്ത്രിമാര്ക്ക് വീതിച്ചു നല്കി. പഞ്ചാബില് വിജയിച്ച ശേഷം എഎപിയെ ഇല്ലാതാക്കാന് ബിജെപി ശ്രമിക്കുന്നുണ്ടെന്ന് കെജ്രിവാള് ആരോപിച്ചു. എന്നാല് ബിജെപിയുടെ മോഹം ഒരിക്കലും നടക്കില്ലെന്നും അദ്ദേഹം പറഞ്ഞു.
മനീഷ് സിസോദിയക്ക് മുമ്പ് അറസ്റ്റിലായ എഎപി മന്ത്രിയാണ് സത്യേന്ദ്ര ജെയിന്. ആരോഗ്യ മന്ത്രിയായിരുന്നു ഇദ്ദേഹം. മൊഹല്ല ക്ലിനിക്ക് എന്ന ശ്രദ്ധിക്കപ്പെട്ട പദ്ധതി ഡല്ഹിയില് ആവിഷ്കരിച്ചത് ഇദ്ദേഹമാണ്. മന്ത്രിമാരുടെ മികച്ച പ്രവര്ത്തനങ്ങളാണ് ബിജെപി അവരെ ലക്ഷ്യമിടാന് കാരണമെന്ന് കെജ്രിവാള് പറയുന്നു. ബിജെപി സര്ക്കാരുകള് മറ്റു സംസ്ഥാനങ്ങളില് നടത്തുന്നതിനേക്കാള് മികച്ച പ്രവര്ത്തനമാണ് ഡല്ഹിയിലെ മന്ത്രിമാര് ചെയ്യുന്നത്. ഒരു സ്കൂളിലേയോ ആശുപത്രിയിലേയോ പ്രശ്നങ്ങള് പരിഹരിക്കാന് ബിജെപി ഭരിക്കുന്ന സംസ്ഥാങ്ങളിലെ മന്ത്രിമാര്ക്ക് സാധിച്ചിട്ടില്ലെന്നും കെജ്രിവാള് പറഞ്ഞു.
കേന്ദ്ര അന്വേഷണ ഏജന്സികളെ ബിജെപി ദുരുപയോഗം ചെയ്യുകയാണെന്ന് എഎപി കഴിഞ്ഞ ദിവസം ആരോപിച്ചിരുന്നു. സിപിഎം ഉള്പ്പെടെയുള്ള മറ്റു പാര്ട്ടികളും സമാനമായ നിലപാടാണ് സ്വീകരിച്ചത്. എന്നാല് സിസോദിയയുടെ അറസ്റ്റിനെ പിന്തുണച്ച് ചില കോണ്ഗ്രസ് നേതാക്കള് രംഗത്തുവന്നിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google