9വയസുകാരിയുടെ ചിത്രത്തിന് അന്താരാഷ്ട്ര പുരസ്കാരം
പാഠ്യപദ്ധതിയുടെ ഭാഗമായി ഇവര് തയ്യാറാക്കിയ ഹ്രസ്വചിത്രമാണ് വിദേശ രാജ്യങ്ങളില് നിന്നുള്ള ചിത്രങ്ങളെ പിന്തള്ളി മേളയില് മുന് നിരയിലെത്തിയത്. ചൗക്കാന്ദിയിലെ കോര്പ്പറേഷന് സ്കൂളിലെ വിദ്യാര്ഥിനികളാണ് ഇരുവരും. ലോകത്തിന്റെ വിവിധ ഭാഗങ്ങളില് നിന്നായി 600 ഓളം ചിത്രങ്ങള് മേളയ്ക്കയച്ചു. ഈ ചിത്രങ്ങളോട് മത്സരിച്ചാണ് ദില്ലിയിലെ ഒരു സാധാരണ സ്കൂളിലെ തൂപ്പ് ജോലിക്കാരിയുടെ കഥപറഞ്ഞ ചിത്രത്തിന്റെ സംവിധായകര് രണ്ടാം സ്ഥാനത്തെത്തിയത്.
കുട്ടികള് ഫൂലമ്മ എന്ന വിളിയ്ക്കുന്ന ഫൂല്വതി അമ്മ കഴിഞ്ഞ 33 വര്ഷമായി ഈ സ്കൂളിലെ ജീവനക്കാരിയാണ്. ഈ വര്ഷം അവര് സ്കൂളില് നിന്ന് വിരമിയ്ക്കുകയാണ്. ചിത്രത്തിനായി റാണിയും ശ്വേതയും മറ്റ് ഒട്ടേറെ വിഷയങ്ങള് തെരഞ്ഞെടുത്തെങ്കിലും അവസാനം ഫൂലമ്മയെ തന്നെ കേന്ദ്ര കഥാപാത്രമാക്കി.
ജോലിചെയ്യുന്ന ഫൂലമ്മയായിരുന്നു ആദ്യ ഷോട്ട്. ഒടുവില് ഒരു വിദ്യാര്ഥിയുടെ കൈയ്യില് നിന്ന് വിരമിയ്ക്കല് ദിനത്തില് സമ്മാന പൊതിയുമായി പടിയിറങ്ങുന്ന ഫൂല്വതി അമ്മയിലൂടെ കഥയവസാനിയ്ക്കുന്നു.
സിനിമയൊക്കെ എടുത്തു വലിയ അവാര്ഡും കിട്ടി. പക്ഷേ ഈ കൊച്ചു സംവിധായികമാരെ കുഴക്കിയത് മറ്റൊരു പ്രശ്നമാണ്. സമ്മാനദാനചടങ്ങില് പ്രസംഗിയ്ക്കണം. പ്രസംഗമെന്നു കേട്ടാലേ ഇവര്ക്ക് പേടിയാണ്. ഒടുവില് അധ്യാപിക തന്നെ അതിനൊരു ഉപായം പറഞ്ഞുകൊടുത്തു. നിങ്ങള് സിനിമയെപ്പറ്റി മാത്രം പറഞ്ഞാല് മതി.
അവാര്ഡ് വാങ്ങിയെത്തിയ റാണിയ്ക്ക് ഹൈദരാബാദ് വിശേഷങ്ങള് പറയാന് നൂറു നാവ്. പഞ്ചനക്ഷത്ര ഹോട്ടലിലായിരുന്നു തങ്ങളുടെ താമസമെന്നും ഒത്തിരി ഭക്ഷണം കഴിച്ചെന്നും അവയുടെ പേരെല്ലാം മറന്നു പോയെന്നും റാണി പറഞ്ഞു. സാധാരണക്കാരായ തൊഴിലാളികളാണ് റാണിയുടെ മാതാപിതാക്കള്. അവാര്ഡ് കിട്ടിയതിന്റെ സന്തോഷത്തില് റാണിയും ശ്വേതയും സംസാരിച്ചു കോണ്ടേയിരുന്നു.
Click it and Unblock the Notifications
Sign in with Google