മഹാരാഷ്ട്ര മുന് ആഭ്യന്തര മന്ത്രിയുടെ കാറിന് നേരെ കല്ലേറ്: അനില് ദേശ്മുഖിന്റെ തലയ്ക്ക് പരിക്കേറ്റു
മുംബൈ: മഹാരാഷ്ട്ര മുന് ആഭ്യന്തര വകുപ്പ് മന്ത്രി അനില് ദേശ്മുഖ് നു നേരെ ആക്രമണം. നിയമസഭ തിരഞ്ഞെടുപ്പ് പ്രചരണം കഴിഞ്ഞ് മടങ്ങുകയായിരുന്നു അനില് ദേശ്മുഖിന്റെ കാറിന് നേരെ ഒരു സംഘം ആക്രമണം നടത്തുകയായിരുന്നു. തിങ്കളാഴ്ച രാത്രി നാഗ്പുർ ജില്ലയിലെ കടോളിന് സമീപം ജലാൽഖേഡ റോഡിൽ ബെൽഫറ്റയ്ക്ക് സമീപത്ത് വച്ചാണ് ആക്രമണമുണ്ടായത്. പരിക്കേറ്റ ദേശ്മുഖിനെ ഉടന് തന്നെ സമീപത്തുള്ള കടോള് സിവില് ആശുപത്രിയില് പ്രവശിപ്പിച്ചു. പിന്നീട് വിദഗ്ധ ചികിത്സയ്ക്കായി അദ്ദേഹത്തെ അലക്സിസ് ആശുപത്രിയിലേക്ക് മാറ്റിയതായും പൊലീസ് പറഞ്ഞു.
ശരത് പവാർ നയിക്കുന്ന എന് സി പി (എസ്പി)യുടെ മുതിർന്ന നേതാവാണ് അനില് ദേശ്മുഖ്. കല്ലേറില് മുന്നേതാവിന്റെ നെറ്റിയിലാണ് പരിക്കേറ്റത്. നാഗ്പുർ ജില്ലയിലെ കടോൾ നിയമസഭാ മണ്ഡലത്തിലെ നാർഖേഡിൽ തിരഞ്ഞെടുപ്പ് റാലിയെ അഭിസംബോധനചെയ്ത് മടങ്ങുകയായിരുന്നു അദ്ദേഹം. അനില് ദേശ്മുഖിനെ സിടി സ്കാന് ഉള്പ്പെടേയുള്ള പരിശോധനകള്ക്ക് വിധേയമാക്കിയതായും പരിക്ക് ഗുരുതരമല്ലെങ്കിലും അലക്സിസ് സൂപ്പർ സ്പെഷ്യാലിറ്റി ആശുപത്രിയിൽ ചികിത്സയില് കഴിയുകയാണെന്നും നാഗ്പൂർ റൂറൽ പൊലീസ് സൂപ്രണ്ട് (എസ്പി) ഹർഷ് പൊദ്ദാർ വ്യക്തമാക്കി.
മുതിർന്ന പൊലീസ് ഉദ്യോഗസ്ഥർ സ്ഥലത്തെത്തി പരിശോധന ആരംഭിച്ചു. വിശദമായ അന്വേഷണം ആരംഭിച്ചിട്ടുണ്ട്. ആക്രമണത്തിന് ഉത്തരവാദികളായ എല്ലാവരേയും കണ്ടെത്തി നിയമത്തിന് മുന്നില് കൊണ്ടുവരുമെന്നും ഹർഷ് പൊദ്ദാർ പറഞ്ഞു. കടോൾ നിയമസഭ സീറ്റിലെ സിറ്റിങ് എം എല് എയായ അനില് ദേശ്മുഖിന്റെ മകന് സലീല് ദേശ്മുഖാണ് ഇത്തവണ മണ്ഡലത്തില് എം വി എ സഖ്യത്തിന്റെ ഭാഗമായി ജനവിധി തേടുന്നത്.
മുന് എം വി എ സർക്കാറിലെ ആഭ്യന്തര മന്ത്രിയായിരുന്ന അനില് ദേശ്മുഖിനെ കള്ളപ്പണം വെളുപ്പിക്കൽ, അഴിമതി കുറ്റങ്ങൾ ചുമത്തി 2021 ൽ എൻഫോഴ്സ്മെൻ്റ് ഡയറക്ടറേറ്റ് അറസ്റ്റ് ചെയ്ത് ജയിലില് അടച്ചിരുന്നു. നിലവിൽ ജാമ്യത്തില് കഴിയുന്ന അദ്ദേഹം കടോള് മണ്ഡലം നിലനിർത്താനുള്ള തീവ്രശ്രമത്തിലാണ്. 1995 മുതല് 2009 വരെ തുടർച്ചയായി മണ്ഡലത്തില് നിന്നും ജയിച്ച് വന്നിരുന്ന ദേശ്മുഖ് 2014 ല് ബി ജെ പിയോട് പരാജയപ്പെട്ടിരുന്നു. എന്നാല് കഴിഞ്ഞ തിരഞ്ഞെടുപ്പില് മണ്ഡലം തിരിച്ച് പിടിക്കാന് അദ്ദേഹത്തിന് സാധിച്ചു.
അതേസമയം, അക്രമികളെ ഉടൻ അറസ്റ്റ് ചെയ്യണമെന്ന് ആവശ്യപ്പെട്ട് എം വി എ പ്രവർത്തകർ രാത്രിയോടെ തന്നെ കടോള് പൊലീസ് സ്റ്റേഷനിലേക്ക് മാർച്ച് നടത്തി. മുതിർന്ന കോൺഗ്രസ് നേതാവ് ബാലാസാഹേബ് തൊറാട്ട് ആക്രമണത്തെ അപലപിക്കുകയും, നാഗ്പൂർ ജില്ലയിൽ നിന്നുള്ള ആഭ്യന്തര വകുപ്പിൻ്റെ ചുമതലയുള്ള ബിജെപി നേതാവും ഉപമുഖ്യമന്ത്രിയുമായ ദേവേന്ദ്ര ഫഡ്നാവിസിന് നേരെ രൂക്ഷവിമർശനം ഉന്നയിക്കുകയും ചെയ്തു. 'ആഭ്യന്തര മന്ത്രിയുടെ ജന്മദേശമായ ജില്ലയിൽ ക്രമസമാധാനമില്ല. തിരഞ്ഞെടുപ്പ് കമ്മിഷൻ്റെ അടിയന്തര ഇടപെടൽ വേണം' അദ്ദേഹം പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google