Click it and Unblock the Notifications
Just In
Don't Miss
-
ഇതൊക്കെ ഒരു ഗെയ്മല്ലേ; ശ്രീതുവിനെ കാണാന് നല്ല ഭംഗിയല്ലേ...; അര്ജുന്റെ അമ്മ പറയുന്നു -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
മുന്‍ സിബിഐ ഡയറക്ടര്‍ രാകേഷ് അസ്താന ഇനി ബിഎസ്എഫ് ഡയറക്ടര്‍
ദില്ലി: സിബിഐ മുന്‍ സ്‌പെഷ്യല്‍ ഡയറക്ടര്‍ രാകേഷ് അസ്താനയെ ബിഎസ്എഫ് ഡയറക്ടര്‍ ജനറലായി നിയമിച്ചു. 1984ലെ ഗുജറാത്ത് കേഡര്‍ ഐപിഎസ് ഓഫീസറാണ് ഇദ്ദേഹം. ഒട്ടേറെ പ്രമാദമായ കേസുകള്‍ അന്വേഷിച്ച ഓഫീസര്‍ കൂടിയാണ് അസ്താന. 2002ല്‍ ഗുജറാത്ത് കലപാത്തിന് മുന്നോടിയായി നടന്ന ഗോധ്ര സബര്‍മതി എക്‌സ്പ്രസ് തീവയ്പ്പ് കേസ്, ലാലു പ്രസാദ് യാദവിനെ ശിക്ഷിച്ച 1997ലെ കാലിത്തീറ്റ കുംഭകോണം എന്നിവ ഇതില്‍ ചിലതാണ്. നിലവില്‍ അദ്ദേഹം സിവില്‍ വ്യോമയാന സുരക്ഷാ ബ്യൂറോ ഡയറക്ടര്‍ ജനറലാണ്.
അടുത്ത വര്‍ഷം ജൂലൈ 31 വരെയാണ് അസ്താനയുടെ കാലാവധി എന്ന് ഉദ്യോഗസ്ഥ കാര്യ മന്ത്രാലയം അറിയിച്ചു. അതേസമയം, നര്‍ക്കോട്ടിക് കണ്‍ട്രോള്‍ ബ്യൂറോ (എന്‍സിബി) യുടെ ഡയറക്ടര്‍ പദവിയിലും ഇദ്ദേഹം തുടരും. 2018ല്‍ സിബിഐയിലെ മുതിര്‍ന്ന ഓഫീസറായിരിക്കെ മറ്റൊരു ഓഫീസറായ അലോക് വര്‍മയുമായുണ്ടായ അഭിപ്രായ ഭിന്നത ദേശീയ തലത്തില്‍ വാര്‍ത്തയായിരുന്നു. വിവാദത്തെ തുടര്‍ന്ന് അസ്താനയെ പദവിയില്‍ നിന്ന് നീക്കുകയാണ് ചെയ്തത്. അലോക് വര്‍മയെയും നീക്കി. പക്ഷേ അദ്ദേഹം അധികം വൈകാതെ ജോലി രാജിവച്ചു.
മോയിന്‍ ഖുറേഷി അഴിമതിക്കേസില്‍ ആരോപണ വിധേയനായ ഹൈദരാബാദിലെ ബിസിനസുകാരന്‍ സന സതീഷില്‍ നിന്ന് കൈക്കൂലി വാങ്ങിയതാണ് സിബിഐയില്‍ വിവാദമായത്. അസ്താന കൈക്കൂലി വാങ്ങിയെന്ന് അലോക് വര്‍മ ആരോപിക്കുകയായിരുന്നു. വ്യവസായി മധ്യസ്ഥര്‍ മുഖേന അസ്താനക്ക് 3 കോടിയോളം രൂപ നല്‍കിയെന്നാണ് ആരോപണം. അതേസമയം, വര്‍മക്ക് 2 കോടി നല്‍കിയെന്ന് സതീഷ് പറഞ്ഞുവെന്ന് അസ്താനയും ആരോപിച്ചു. ഇതോടെ ആരോപണങ്ങളും പ്രത്യാരോപണങ്ങളും ശക്തമായി. തുടര്‍ന്ന് രണ്ടുപേരെയും സിബിഐയില്‍ നിന്ന് നീക്കുകയായിരുന്നു.
അസ്താനയുടെ നിയമനത്തിന് പുറമെ ആഭ്യന്തര മന്ത്രാലയത്തിലെ സുരക്ഷാ സെക്രട്ടറിയായി വിഎസ്‌കെ കൗമുദിയെ നിയമിച്ചു.
