ഇന്ത്യയില് ഇസ്ലാമോഫോബിയ മാരകരൂപം പ്രാപിക്കുന്നു: നോം ചോംസ്കി
വാഷിംഗ്ടണ്: ഇന്ത്യയില് ഇസ്ലാമോഫോബിയ അതിന്റെ ഏറ്റവും മാരകമായ രൂപം പ്രാപിക്കുകയാണെന്ന് ഭാഷാ പണ്ഡിതനും സാമൂഹിക പ്രവര്ത്തകനുമായ നോം ചോംസ്കി. ആംനസ്റ്റി ഇന്റര്നാഷണല് യു.എസ്.എ, ജെനോസൈഡ് വാച്ച്, ഇന്ത്യന് അമേരിക്കന് മുസ്ലിം കൗണ്സില് ഉള്പ്പെടെ പതിനേഴോളം സംഘടനകള് സംഘടിപ്പിച്ച പരിപാടിയില് സംസാരിക്കുകയായിരുന്നു അദ്ദേഹം. കര്ണാടകയില് ഹിജാബ് നിരോധിക്കുന്നതുമായി ബന്ധപ്പെട്ട വിവാദങ്ങള് ചര്ച്ചയാകുന്നതിനിടെയാണ് അദ്ദേഹത്തിന്റെ പ്രതികരണമെന്നതും ശ്രദ്ധേയമാണ്.
'ഇന്ത്യയില് 25 കോടിയോളം വരുന്ന മുസ്ലിങ്ങള് പീഡിത ന്യൂനപക്ഷമായി വരികയാണ്. രാജ്യത്തെ മുസ്ലിങ്ങളെ ലക്ഷ്യം വെച്ചും സ്വതന്ത്ര ചിന്തയ്ക്ക് നേരെയും വിദ്യാഭ്യാസ മേഖലയിലുമുണ്ടായിരുന്ന അതിക്രമങ്ങള് കൂടുതല് മേഖലകളിലേക്ക് വ്യാപിക്കുകയാണ്. കശ്മീരില് ഇന്ത്യ നടത്തുന്ന അതിക്രമങ്ങള്ക്ക് പുറമേയാണിത്,' മസാച്യുസെറ്റ്സ് ഇന്സ്റ്റിറ്റ്യൂട്ട് ഓഫ് ടെക്നോളജിയിലെ പ്രൊഫസര് എമിററ്റസ് കൂടിയായ ചോംസ്കി പറഞ്ഞു.
ഇന്ത്യയുടെ ഭരണഘടന നേരിടുന്ന ഏറ്റവും വലിയ വെല്ലുവിളി രാജ്യത്തിന്റെ മതേതര അടിത്തറകളെ തകര്ക്കുന്ന രീതിയിലുള്ള മോദി ഭരണകൂടത്തിന്റെ ഭൂരിപക്ഷ സമുദായത്തിന്റെ പ്രചാരണമാണെന്ന് പരിപാടിയില് സംസാരിച്ച മനുഷ്യാവകാശ സംഘടനയായ ഹ്യൂമന് റൈറ്റ്സ് വാച്ചിന്റെ ഏഷ്യ അഡ്വക്കസി ഡയറക്ടര് ജോണ് സിഫ്റ്റണ് വ്യക്തമാക്കി. ഇന്ത്യ ഇന്ന് ഭയത്തിന്റെയും വിദ്വേഷത്തിന്റെയും ഭയാനകവും അക്രമാസക്തവുമായ ഇടത്തിലാണെന്ന് പരിപാടിയില് സംസാരിച്ച ഹര്ഷ് മന്ദര് പറഞ്ഞു. ഒരു മതത്തെ രാജ്യത്തെ നിര്വചിക്കാന് അനുവദിക്കുന്ന പാകിസ്ഥാന്റെ വഴിക്ക് പോകരുതെന്ന് ആധുനിക ഇന്ത്യയുടെ സ്ഥാപക പിതാക്കന്മാര് ബോധപൂര്വമായ തീരുമാനമെടുത്തതെങ്ങനെയെന്നും അദ്ദേഹം പ്രസംഗത്തിനിടെ പറഞ്ഞു.
ഗാന്ധിയെ കൊല്ലാന് പ്രേരിപ്പിച്ച ഹിന്ദു സവര്ണ്ണവാദ പ്രത്യയശാസ്ത്രത്തില് ആഴത്തില് കുതിര്ന്നവരാണ് ഇന്ന് ഇന്ത്യ ഭരിക്കുന്നത് എന്നതാണ് ഇന്ത്യയുടെ ഇന്നത്തെ വലിയ ദുരന്തമെന്നും അദ്ദേഹം കൂട്ടിച്ചേര്ത്തു. ഇന്ത്യയിലെ ഹിജാബ് വിവാദം അന്താരാഷ്ട്ര തലത്തില് വലിയ ചര്ച്ചയാകുകയാണ്. നേരത്തെ വിഷയത്തില് പ്രതികരണവുമായി മാഞ്ചസ്റ്റര് യുണൈറ്റഡിന്റെ ഫ്രഞ്ച് താരം പോള് പോഗ്ബയും സമാധാന നൊബേല് ജേതാവ് മലാല യൂസഫ് സായിയും രംഗത്തെത്തിയിരുന്നു. ഇന്ത്യയില് ഹിന്ദുത്വവാദികള് ഹിജാബ് ധരിക്കുന്ന മുസ്ലിം വിദ്യാര്ഥിനികള്ക്കെതിരെ തിരിഞ്ഞിരിക്കുകയാണെന്നും അവരുടെ അവകാശങ്ങള് നിഷേധിക്കുകയാണെന്നുമാണ് പോള് പോഗ്ബ പറഞ്ഞത്. മുസ്ലീം സ്ത്രീകളെ പാര്ശ്വവല്ക്കരിക്കുന്നത് ഇന്ത്യന് നേതാക്കള് അവസാനിപ്പിക്കണമെന്നും ഹിജാബ് നിരോധനം പേടിപ്പിക്കുന്നുവെന്നുമാണ് മലാല പറഞ്ഞിരുന്നത്.
കര്ണാടകയിലെ ഉഡുപ്പിയിലെ സര്ക്കാര് വനിതാ പി യു കോളേജിലും കുന്ദാപുരയിലെ മറ്റൊരു കോളേജിലും ഹിജാബ് ധരിച്ചെത്തിത്തിയ വിദ്യാര്ഥിനികളെ തടഞ്ഞതാണ് ഹിജാബ് വിവാദത്തിന്റെ തുടക്കം. ഹിജാബ് ധരിച്ചതിന്റെ പേരില് തടഞ്ഞ നടപടിക്കെതിരേ വിദ്യാര്ഥിനികള് രംഗത്തെത്തി. ഇതിന് പിന്നാലെ സംസ്ഥാനത്തെ പലയിടത്തും ഹിജാബ് ധരിച്ചെത്തിയവരെ തടഞ്ഞു. സംഘപരിവാര് സംഘടനകളുടെ നേതൃത്വത്തില് ഒരു വിഭാഗം വിദ്യാര്ത്ഥികള് കാവി ഷാളണിഞ്ഞ് എത്തിയതോടെ സംഘര്ഷത്തിലേക്കും കാര്യങ്ങള് കൊണ്ടെത്തിച്ചു. ഹിജാബ് വിലക്കിയതിനെതിരേ ഉഡുപ്പി കോളേജിലെ അഞ്ച് വിദ്യാര്ഥിനികള് ചേര്ന്ന് കര്ണാടക ഹൈക്കോടതിയില് ഹര്ജി നല്കിയിരിക്കുകയാണ്. ആദ്യം സിംഗിള് ബെഞ്ച് പരിഗണിച്ച ഹര്ജി നിലവില് വിശാല ബെഞ്ചാണ് പരിഗണിക്കുന്നത്.
Recommended Video
ഇപ്പോള് നടന്നുകൊണ്ടിരിക്കുന്നത് ഒരിക്കലും നല്ലതിനല്ലെന്നും, വിഷയം അന്താരാഷ്ട്ര തലത്തില് പോലും ചര്ച്ചയാവുന്നുണ്ടെന്നും കര്ണാടക ഹൈക്കോടതി സിംഗിള് ബെഞ്ച് നിരീക്ഷിച്ചിരുന്നു. അതേസമയം വിഷയത്തില് അടിയന്തര ഇടപെടല് വേണമെന്ന ആവശ്യം സുപ്രീംകോടതി കഴിഞ്ഞ ദിവസം തള്ളിയിരുന്നു. അതേസമയം, കര്ണാടകയിലെ വിദ്യാഭ്യാസ സ്ഥാപനങ്ങളില് ഇനിയൊരു വിധി വരുന്നതുവരെ മതപരമായ വസ്ത്രങ്ങള് ധരിക്കരുതെന്നാണ് ഹൈക്കോടതിയുടെ വിശാല ബെഞ്ച് ഉത്തരവിട്ടിരിക്കുന്നത്. ഹിജാബ് മാത്രമല്ല, കാവി ഷാളും ധരിക്കരുതെന്നാണ് കോടതിയുടെ നിര്ദേശം. അന്തിമ ഉത്തരവ് പുറപ്പെടുവിക്കുന്നത് വരെ ഹിജാബ് നിരോധനം തുടരുമെന്നും അതുവരെ മതത്തെ സൂചിപ്പിക്കുന്ന ഒരുതരം വസ്ത്രങ്ങളും വിദ്യാര്ഥികള് ധരിക്കരുതെന്നും കര്ണാടക ഹൈക്കോടതി വ്യക്തമാക്കി.
-
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
യുഎഇയെ ഫുജൈറ രക്ഷിക്കും; വെട്ടിലായത് സൗദി അറേബ്യയും ഖത്തറും കുവൈത്തും, ഇതാണ് കാരണം -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
ബെംഗളൂരു എക്സ്പ്രസ് സര്വീസ് തുടങ്ങി; കോഴിക്കോട് ആവേശകരമായ സ്വീകരണം, സമയക്രമം അറിയാം -
സ്വര്ണം തിരിച്ചുകയറി; ഇന്ന് വന് വില മുന്നേറ്റത്തിന് കാരണം ഇതാണ്, ഇന്നത്തെ പവന് വില -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഫോർട്ട് കൊച്ചി- വൈപ്പിൻ റോ-റോ സർവീസ്; ഭാവി ഉടൻ തീരുമാനിക്കും, ഭൂഗർഭ തുരങ്ക പാത ആവശ്യം ശക്തം!
Click it and Unblock the Notifications
Sign in with Google