മിട്ടി കഫേയില് നേരിട്ടെത്തി വിവാഹം ക്ഷണിച്ച് ജീത്ത് അദാനിയും ദിവ ജാസ്മിന് ഷായും
ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തിലെ (സിഎസ്എംഐഎ) മിട്ടി കഫേ സന്ദര്ശിച്ച് അദാനി ഗ്രൂപ്പ് ചെയര്മാന് ഗൗതം അദാനിയുടെ ഇളയ മകന് ജീത് അദാനിയും പ്രതിശ്രുതവധു ദിവ ജയ്മിന് ഷായും. മിട്ടി കഫേയുടെ സ്ഥാപകയായ അലീന ആലമിനും സ്ഥാപനത്തിലെ അംഗങ്ങള്ക്കും വിവാഹ ക്ഷണക്കത്ത് നേരിട്ട് നല്കാനാണ് ഇരുവരും എത്തിയത്. ഫെബ്രുവരി 7 ന് ഗുജറാത്തിലെ അഹമ്മദാബാദില് വെച്ചാണ് ഇരുവരുടേയും വിവാഹം നടക്കുന്നത്.
ശാരീരികവും മാനസികവുമായ വെല്ലുവിളികള് നേരിടുന്നവരെ പരിശീലിപ്പിച്ച് തൊഴില് നല്കുന്ന സംരംഭമാണ് മിട്ടി കഫേ. ഇവിടേക്ക് നേരിട്ടെത്തി വിവാഹം ക്ഷണിക്കാനും അവര്ക്കൊപ്പം അല്പസമയം ചെലവഴിക്കാനും താല്പര്യം കാണിച്ച ജീത്തിന്റേയും ദിവയുടേയും പ്രവൃത്തി വലിയ പ്രശംസ ഏറ്റുവാങ്ങുന്നുണ്ട്. ഇരുവരും കഫേയിലെ ജീവനക്കാരുമായി സമയം ചെലവഴിക്കുകയും ആശയവിനിമയം നടത്തുകയും ചെയ്തു.
സെലിബ്രേറ്ററി കേക്ക് മുറിച്ചാണ് ഈ നിമിഷം ഇവര് ആഘോഷിച്ചത്. പ്രതിശ്രുത വധൂവരന്മാരെ പൂച്ചെണ്ടും സമ്മാനങ്ങളും നല്കിയാണ് മിട്ടി കഫേ ടീം സ്വാഗതം ചെയ്തത്. മിട്ടി കഫേയ്ക്ക് ഇന്ത്യയിലുടനീളം ഔട്ട്ലെറ്റുകളുണ്ട്. മിട്ടി കഫേയുമായുള്ള ജീത്തിന്റെ ദീര്ഘകാല ബന്ധവും ഭിന്നശേഷിയുള്ളവരെ സഹായിക്കാനുള്ള അദ്ദേഹത്തിന്റെ സമര്പ്പണവും സന്ദര്ശന വേളയില് പ്രകടമായിരുന്നു.
ലാളിത്യത്തോടെയുള്ള അദ്ദേഹത്തിന്റെ പെരുമാറ്റം ഇവിടേയും പ്രതിഫലിച്ചു. സംഘടനയുടെ ദൗത്യത്തിനുള്ള പിന്തുണ വീണ്ടും ഉറപ്പിക്കുന്നത് കൂടിയായിരുന്നു ജീത്തിന്റെ സന്ദര്ശനം. നേരത്തെ ജീത് അദാനിയും ദിവാ ഷായും പ്രയാഗ്രാജിലെ മഹാ കുംഭമേളയിലും പങ്കെടുത്തിരുന്നു. അതേസമയം ജീത് അദാനി - ദിവ ജയ്മിന് ഷാ വിവാഹം ലളിതമായ ചടങ്ങുകളിലൂടെ ആയിരിക്കും എന്നാണ് ഗൗതം അദാനി പറയുന്നത്.
ഉയര്ന്ന സാമ്പത്തിക പശ്ചാത്തലം ഉണ്ടായിരുന്നിട്ടും ജീവിതത്തോടുള്ള അവരുടെ അടിസ്ഥാനപരമായ സമീപനത്തെ പ്രതിഫലിപ്പിക്കുന്നതാണ് ഇത്. മിട്ടി കഫേയിലേക്കുള്ള പ്രതിശ്രുത ദമ്പതികളുടെ സന്ദര്ശനം അവരുടെ വീക്ഷണത്തെയും സാമൂഹിക കാര്യങ്ങളില് ജീത് അദാനിയുടെ നിരന്തരമായ പ്രതിബദ്ധതയെയും പ്രതിഫലിപ്പിക്കുന്നു. ഇത് വിവാഹത്തിന് മുമ്പുള്ള സന്തോഷകരമായ ആഘോഷം മാത്രമല്ല, അദാനി കുടുംബം ഉള്ക്കൊള്ളുന്ന ഉള്പ്പെടുത്തലിന്റെയും സമൂഹത്തില് ഇടപഴകുന്നതിന്റെയും മൂല്യങ്ങളും എടുത്തുകാണിക്കുന്നു.
Click it and Unblock the Notifications
Sign in with Google