കേന്ദ്രത്തിനെതിരെ കെജ്രിവാളിന്റെ ഗുരുതരാരോപണം; ജഡ്ജിമാരുടെ ഫോണ് ചോര്ത്തുന്നു
പ്രധാനമന്ത്രി നരേന്ദ്ര മോദി ഉള്പ്പെടെയുള്ള കേന്ദ്രമന്ത്രിമാര് പങ്കെടുത്ത ചടങ്ങില്വച്ചായിരുന്നു കേജ്രിവാളിന്റെ ആരോപണം. ആ വേദിയില് വച്ച് തന്നെ കേന്ദ്ര സര്ക്കാര് കെജ്രിവാളിന് മറുപടിയും നല്കി.
ദില്ലി: കേന്ദ്ര സര്ക്കാരിനെതിരെ ഗുരുതര ആരോപണവുമായി ദില്ലി മുഖ്യമന്ത്രി അരവിന്ദ് കെജ്രിവാള്. രാജ്യത്തെ ജഡ്ജിമാരുടെ ഫോണ് സംഭാഷണങ്ങള് കേന്ദ്ര സര്ക്കാര് ചോര്ത്തുന്നുണ്ടെന്ന് അദ്ദേഹം പറഞ്ഞു. ഇത് തെറ്റായ കാര്യമാണ്. ജഡ്ജിമാര് തെറ്റായ കാര്യങ്ങള് ചെയ്യുന്നുവെന്ന് സംശയം തോന്നിയാല് അവരുടെ ഫോണ് ചോര്ത്തുകയല്ല വേണ്ടത്.
മറ്റ് വഴികളിലൂടെയാവണം അതിനുള്ള തെളിവുകള് ശേഖരിക്കേണ്ടത്. ഇതു തെറ്റായതും അനുവദിക്കാന് പാടില്ലാത്തതുമാണെന്നും കെജ്രിവാള് പറഞ്ഞു. പ്രധാനമന്ത്രി നരേന്ദ്ര മോദി ഉള്പ്പെടെയുള്ള കേന്ദ്രമന്ത്രിമാര് പങ്കെടുത്ത ചടങ്ങില്വച്ചായിരുന്നു കേജ്രിവാളിന്റെ ആരോപണം. ആ വേദിയില് വച്ച് തന്നെ കേന്ദ്ര സര്ക്കാര് കെജ്രിവാളിന് മറുപടിയും നല്കി.
രവി ശങ്കര് പ്രസാദ്
കഴിഞ്ഞ രണ്ടുവര്ഷമായി താനാണ് വാര്ത്താവിനിമയ മന്ത്രി. ജഡ്ജിമാരുടെ ഫോണ് ചോര്ത്തിയെന്ന ആരോപണം താന് പൂര്ണമായും നിഷേധിക്കുന്നുവെന്നും നിയമമന്ത്രി കൂടിയായ രവി ശങ്കര് പ്രസാദ് പറഞ്ഞു.
പ്രതിജ്ഞാബദ്ധര്
നീതിന്യായ വകുപ്പിന് സ്വതന്ത്രമായി പ്രവര്ത്തിക്കാനുള്ള സാഹചര്യം ഒരുക്കാന് തന്റെ സര്ക്കാര് പ്രതിജ്ഞാബദ്ധരാണെന്നും രവി ശങ്കര് പ്രസാദ് പറഞ്ഞു.
വൈകിപ്പിക്കുന്നു
സുപ്രീംകോടതി ജഡ്ജിമാരുടെ നിയമനം വൈകിപ്പിക്കുന്നത് കേന്ദ്രസര്ക്കാരാണെന്നും കേജ്രിവാള് ആരോപിച്ചു.
താല്പ്പര്യക്കാര്
മാസങ്ങള്ക്കുമുന്പേ ജഡ്ജിമാരുടെ പേരുകള് ഉള്പ്പെട്ട പട്ടിക സുപ്രീംകോടതി കൊളേജിയം കേന്ദ്രസര്ക്കാരിന് നല്കി. എന്നാല് കേന്ദ്രം ഇതുവരെ അതിന് അനുമതി നല്കിയിട്ടില്ല. ചില മന്ത്രിമാര്ക്ക് അവര്ക്ക് താല്പര്യമുള്ള ജഡ്ജിമാരെ നിയമിക്കണം. അതിന് സര്ക്കാര് സമ്മതിക്കുന്നില്ലെന്ന അഭ്യൂഹങ്ങള് പരക്കുന്നുണ്ടെന്ന് കെജ്രിവാള് പറഞ്ഞു.
Click it and Unblock the Notifications
Sign in with Google