'കർണാടകയില്‍ വോട്ടെടുപ്പ് പുരോഗമിക്കുന്നു': ആരംഭിച്ചത് 29 മുതല്‍, ഇത് ചരിത്രത്തില്‍ ആദ്യം

Updated: Tuesday, May 2, 2023, 14:33 [IST]

ബെംഗളൂരു: കർണാടകയില്‍ മുതിർന്ന പൗരന്മാരുടേയും ഭിന്നശേശിക്കാരുടേയും വോട്ടെടുപ്പ് പുരോഗമിക്കുന്നു. ബെംഗളൂരുവിലെ മുതിർന്ന പൗരന്മാർക്കും ഭിന്നശേഷിക്കാർക്കും ചരിത്രത്തിലാദ്യമായി തപാൽ ബാലറ്റ് വഴി വോട്ട് ചെയ്യാനുള്ള സൌകര്യം ഇത്തവണയാണ് യാഥാർത്ഥ്യമായത്. തിരഞ്ഞെടുപ്പ് കമ്മീഷന്റെ തീരുമാനത്തിന് മുതിർന്ന പൗരന്മാരില്‍ നിന്നും മികച്ച പ്രതികരണമാണ് ലഭിക്കുന്നത്.

"ഉച്ചയ്ക്ക് 1 മണിക്ക് ഉദ്യോഗസ്ഥർ എന്നെ വിളിച്ച് അവർക്ക് വീട്ടിലേക്ക് വരാമോ എന്ന് ചോദിച്ചു. ഉച്ചഭക്ഷണ സമയമായതിനാൽ ഞാൻ ആശങ്ക പ്രകടിപ്പിച്ചപ്പോൾ അവർ അല്‍പം കഴിഞ്ഞതിന് ശേഷം വന്നു. ഉദ്യോഗസ്ഥർ സൗഹാർദ്ദപരമായിട്ടാണ് പെരുമാറിയത്, മുഴുവൻ പ്രക്രിയയും വെറും 10-15 മിനിറ്റിനുള്ളിൽ അവസാനിച്ചു."മംഗളൂരുവിലെ മർനാമികട്ട സ്വദേശിയായ പ്രമീള ബാസ്‌ക്കർ പറയുന്നു.

ബാംഗ്ലൂർ കോർപ്പറേഷന്‍ മേഖലയിലും മുതിർന്ന പൗരന്മാമാരുടെ വോട്ടെടുപ്പ് പുരോഗമിക്കുകയാണ്. ഫോം 12 ഡി വഴി, 80 വയസോ അതിൽ കൂടുതലോ പ്രായമുള്ള, അല്ലെങ്കിൽ വികലാംഗ വിഭാഗത്തിൽ പെട്ട യോഗ്യരായ വോട്ടർമാർ അവരുടെ സമ്മതം നൽകി, ഏപ്രിൽ 29 നും മെയ് 6 നും ഇടയിൽ 9,152 പോസ്റ്റൽ ബാലറ്റുകൾ അയയ്ക്കുമെന്ന് പോളിംഗ് ഏജന്റുമാർ വിശദീകരിച്ചു. തപാൽ ബാലറ്റ് സമ്പ്രദായത്തെക്കുറിച്ച് വിവിധ രാഷ്ട്രീയ പാർട്ടികളെ അറിയിച്ചിട്ടുണ്ട്, കൂടാതെ തപാൽ ബാലറ്റുകൾ രേഖപ്പെടുത്തുമ്പോൾ വീടുകൾ സന്ദർശിക്കാൻ റൂട്ട് ഏജന്റുമാരെ നിയോഗിക്കാവുന്നതാണെന്നും ഉദ്യോഗസ്ഥർ വ്യക്തമാക്കുന്നു.

തുടക്കത്തിൽ, വോട്ടർ പട്ടികയിൽ 80 വയസോ അതിൽ കൂടുതലോ പ്രായമുള്ള 2,35,140 മുതിർന്ന പൗരന്മാരും 26,058 വോട്ടർമാർ വികലാംഗരായിരുന്നു. എന്നാൽ, വീടുവീടാന്തരം കയറിയിറങ്ങി നടത്തിയ സർവേയിൽ 1.1 ലക്ഷം മുതിർന്ന പൗരന്മാർക്ക് മാത്രമാണ് അർഹതയുള്ളതായി കണ്ടെത്തിയത്. യോഗ്യരായ വോട്ടർമാരിൽ 9,152 സൂപ്പർ സീനിയർ വോട്ടർമാരും 119 പിഡബ്ല്യുഡി വോട്ടർമാരും തപാൽ ബാലറ്റ് രേഖപ്പെടുത്താൻ സമ്മതിച്ചതായി ബിബിഎംപി ചീഫ് കമ്മീഷണർ തുഷാർ ഗിരി നാഥ് വ്യക്തമാക്കി.

80 വയസ്സിന് മുകളിലുള്ള ഏറ്റവും കൂടുതൽ വോട്ടർമാർ മല്ലേശ്വരം മണ്ഡലത്തിൽ നിന്നാണ് (837), ഏറ്റവും കൂടുതൽ പിഡബ്ല്യുഡി വോട്ടർമാർ രജിസ്റ്റർ ചെയ്തത് യെലഹങ്കയിലാണ് (22). ജില്ലാ തിരഞ്ഞെടുപ്പ് ഓഫീസർ-ബാംഗ്ലൂരിന്റെ അധികാരപരിധിയിൽ 28 നിയമസഭാ മണ്ഡലങ്ങളിലായി വ്യാപിച്ചുകിടക്കുന്ന ആകെ 97.15 ലക്ഷം വോട്ടർമാരാണ് ബെംഗളൂരുവിൽ ഉള്ളത്. വോട്ടർമാരിൽ 50,24,775 പുരുഷന്മാരും 46,86,813 സ്ത്രീകളും 1,761 പേർ മറ്റ് വിഭാഗത്തിൽപ്പെട്ടവരുമാണ്.

1,760 പേർ സർവീസ് വോട്ടർമാരാണ്. നഗരത്തിലെ യുവ വോട്ടർമാരുടെ എണ്ണവും വർധിച്ച് 1,43,526 ആയി. ഇതിൽ 75,514 പുരുഷന്മാരും 69,979 സ്ത്രീകളുമാണ്. അസംബ്ലി മണ്ഡലങ്ങളിലുടനീളമുള്ള വോട്ടർമാരുടെ കാര്യത്തില്‍, ബെംഗളൂരു സൗത്ത് 6,95,742 വോട്ടർമാരുള്ള ഏറ്റവും വലിയ മണ്ഡലവും ഏറ്റഴും ചെറിയ മണ്ഡലം 1,94,055 വോട്ടർമാരുള്ള ശിവാജിനഗറുമാണ്.