ഇതാ വരുന്നു കോണ്ഗ്രസിന്റെ സര്ജിക്കല് സ്ട്രൈക്ക്... റായ്ബറേലിയില് സോണിയക്ക് പകരം പ്രിയങ്ക?
ദില്ലി: കഴിഞ്ഞ ലോക്സഭ തിരഞ്ഞെടുപ്പ് പോലെ ആകില്ല ഇത്തവണത്തേത് എന്ന് ഏറെക്കുറേ ഉറപ്പായിക്കഴിഞ്ഞു. അന്ന് നരേന്ദ്ര മോദി പ്രഭാവത്തില് മറ്റ് പ്രതിപക്ഷ പാര്ട്ടികളെല്ലാം നിശ്ചേതരായിപ്പോയിരുന്നു എങ്കില്, ഇപ്പോള് കാണുന്നത് ഏവരുടേയും ഉയിര്ത്തെഴുന്നേല്പ്പാണ്.
രാഹുല് ഗാന്ധി കോണ്ഗ്രസ് അധ്യക്ഷനായി കരുത്ത് തെളിയിക്കുകയും ചെയ്തു. തിരഞ്ഞെടുപ്പിനെ നേരിടാന് സഹോദരി പ്രിയങ്ക വദ്ര എന്ന പ്രിയങ്ക ഗാന്ധിയേയും രംഗത്തിറക്കിക്കഴിഞ്ഞു രാഹുല്.
ഒരുവേള രാഹുലിനെ മാറ്റി പ്രിയങ്കയെ നേതൃസ്ഥാനത്തേക്ക് കൊണ്ടുവരണം എന്ന് പോലും കോണ്ഗ്രസ്സില് മുറവിളി ഉയര്ന്നിരുന്നു. ഇപ്പോഴിതാ, പ്രിയങ്കയും നേതൃനിരയിലേക്ക് എത്തിയിരിക്കുന്നു. ലോക്സഭ തിരഞ്ഞെടുപ്പില് പ്രിയങ്ക മത്സരിക്കുമോ എന്നാണ് ചോദ്യം.
പ്രിയങ്ക നേതാവ്
പ്രിയങ്ക ഗാന്ധിയെ പാര്ട്ടിയുടെ നേതൃനിരയിലേക്ക് എത്തിച്ചിരിക്കുകയാണ് ഇപ്പോള്. കിഴക്കന് ഉത്തര് പ്രദേശിന്റെ ചുമതലയുള്ള എഐസിസി ജനറല് സെക്രട്ടറി ആയാണ് പ്രിയങ്കയെ നിയമിച്ചിട്ടുള്ളത്.
ഉത്തര് പ്രദേശ് ഇളക്കിമറിക്കാന്
യുപി പിടിച്ചാല് ഇന്ത്യ പിടിച്ചതിന് തുല്യമാണ് എന്നാണ് പറയുക. കഴിഞ്ഞ ലോക്സഭ തിരഞ്ഞെടുപ്പില് മോദിയുടെ തന്ത്രവും ഇത് തന്നെ ആയിരുന്നു.
എന്നാല് കഴിഞ്ഞ തവണയും പ്രിയങ്ക ഗാന്ധി പ്രചാരണത്തിനിറങ്ങിയപ്പോള് യുപിയില് കോണ്ഗ്രസ് വലിയ ആവേശത്തില് ആയിരുന്നു. ഇത്തവണ പാര്ട്ടി ചുമതലയുമായി പ്രിയങ്ക എത്തുമ്പോള് കോണ്ഗ്രസിന് പ്രതീക്ഷകള് ഏറെയാണ്.
സോണിയ മാറും, പ്രിയങ്ക മത്സരിക്കും?
സോണിയ ഗാന്ധിയ്ക്ക് പകരം റായ് ബറേലിയില് ഇത്തവണ പ്രിയങ്ക മത്സരിക്കുമോ എന്നതാണ് ഉയരുന്ന ചോദ്യം. അതിനുള്ള സാധ്യതയും തള്ളിക്കളയാന് ആവില്ലെന്നാണ് റിപ്പോര്ട്ടുകള്. അങ്ങനെയെങ്കില് അത് കോണ്ഗ്രസ്സിന് കൂടുതല് ഊര്ജ്ജം നല്കും.
ആരോഗ്യ പ്രശ്നങ്ങള്
കടുത്ത ആരോഗ്യ പ്രശ്നങ്ങള് നേരിടുന്ന ആളാണ് സോണിയ ഗാന്ധി. കഴിഞ്ഞ ഒമ്പത് മാസമായി സോണിയ റായ് ബറേലിയില് സന്ദര്ശനം നടത്തിയത്. ഈ സാഹചര്യത്തില് സോണിയ പിന്മാറി പ്രിയങ്കയെ റായ് ബറേലിയില് സ്ഥാനാര്ത്ഥിയാക്കിയേക്കും എന്നാണ് വിലയിരുത്തപ്പെടുന്നത്.
ഇന്ദിര മത്സരിച്ച മണ്ഡലം
ഇന്ദിര ഗാന്ധി രണ്ട് തവണ മത്സരിച്ച ജയിച്ച മണ്ഡലം ആണ് റായ് ബറേലി. 1967 ലും 1971 ലും. എന്നാല് 1977 ലെ തിരഞ്ഞെടുപ്പില് ഭാരതീയ ലോക് ദള് സ്ഥാനാര്ത്ഥി രാജ് നാരായണ് മുന്നില് ഇന്ദിരയ്ക്ക് അടി പതറി. അമ്പത്തി അയ്യായിരത്തില് പരം വോട്ടുകള്ക്കായിരുന്നു അന്ന് ഇന്ദിര പരാജയപ്പെട്ടത്. അതിന് ശേഷം ഇന്ദിര റായ് ബറേലിയില് മത്സരിച്ചിട്ടില്ല.
സോണിയയുടെ മണ്ഡലം
സജീവ രാഷ്ട്രീയത്തിലിറങ്ങിയ സോണിയ ഗാന്ധി തിരഞ്ഞെടുത്തത് റായ് ബറേലി ആയിരുന്നു. 1999 മുതല് സോണിയ തന്നെയാണ് ഇവിടെ നിന്ന് വിജയിച്ചിട്ടുള്ളത്. ഇത്തവണ പ്രിയങ്ക മത്സരിക്കുകയാണെങ്കില് അത് തിരഞ്ഞെടുപ്പ് ചരിത്രത്തിലെ മറ്റൊരു അധ്യായമാകും.
-
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
പിണറായി ലക്ഷണമൊത്ത ആർഎസ്എസ് ഏജന്റെന്ന് വിഡി സതീശൻ, 'ആർഎസ്എസ് പിന്തുണയിൽ എംഎൽഎയായി' -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
മഞ്ചേശ്വരത്ത് മുസ്ലിം ലീഗിന് ആശ്വാസം; എസ്പിഡിഐ സ്ഥാനാര്ഥി കെഎം അഷ്റഫ് പത്രിക പിന്വലിച്ചു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ
Click it and Unblock the Notifications
Sign in with Google