ജയലളിതയുടെ മരണം കൊലപാതകമായിരുന്നോ ??? രഹസ്യവിവരങ്ങള് അപ്പോളോ ആശുപത്രി കോടതിക്ക് കൈമാറും..!!
ജയലളിതയുടെ മരണം സംബന്ധിച്ച മുഴുവന് വിവരങ്ങളും കോടതിയിലേക്ക്. അപ്പോളോ ആശുപത്രി സീല് ചെയ്ത കവറില് വിവരങ്ങള് സമര്പ്പിക്കും.
ചെന്നൈ:തമിഴ്നാട് മുന്മുഖ്യമന്ത്രി ജയലളിതയുടെ മരണം സംബന്ധിച്ച വിവരങ്ങള് തമിഴ്നാട് സര്ക്കാര് മദ്രാസ് ഹൈക്കോടതിക്ക് കൈമാറും. ജയലളിതയുടെ അപ്പോളോ ആശുപത്രിയിലെ ചികിത്സ സംബന്ധിച്ച വിവരങ്ങള് മുദ്രവെച്ച കവറിലാണ് സര്ക്കാര് കോടതിയില് സമര്പ്പിക്കുക.
ജയലളിതയുടെ മരണം സംബന്ധിച്ച ദുരൂഹതകള് ഇനിയും മറനീക്കിയിട്ടില്ല. മദ്രാസ് ഹൈക്കോടതി തന്നെ ജയലളിതയുടെ മരണത്തെക്കുറിച്ച് സംശയങ്ങള് പ്രകടിപ്പിച്ചിരുന്നു. ഇതേ തുടര്ന്നാണ് തമിഴ്നാട് സര്ക്കാരിനോട് ചികിത്സയെക്കുറിച്ചുള്ള റിപ്പോര്ട്ട് നല്കാന് കോടതി ആവശ്യപ്പെട്ടത്.
കേസ് പരിഗണനയ്ക്കെടുത്തപ്പോള് ചികിത്സാവിവരങ്ങള് മുദ്രവെച്ച കവറില് കോടതിക്ക് കൈമാറാന് തയ്യാറാണെന്ന് അപ്പോളോ ആശുപത്രി അറിയിച്ചു. ജയലളിതയുടെ ചികിത്സയുമായി ബന്ധപ്പെട്ട എല്ലാ മെഡിക്കല് റിപ്പോര്ട്ടുകളും ഡിസ്ചാര്ച്ച് സമ്മറിയും ആശുപത്രി കോടതിയില് സമര്പ്പിക്കും.
മദ്രാസ് ഹൈക്കോടതി കേസ് ആദ്യം പരിഗണിച്ചപ്പോള് ചികിത്സാവിവരങ്ങള് പുറത്ത് വിടാന് അപ്പോളോ ആശുപത്രി അധികൃതര് തയ്യാറായിരുന്നില്ല. ജയലളിതയുമായി രക്തബന്ധമുള്ളവര്ക്ക് മാത്രമേ ചികിത്സാ വിവരങ്ങള് കൈമാറാനാവൂ എന്നായിരുന്നു ആശുപത്രിയുടെ നിലപാട്.
കേസ് രണ്ടാമത് പരിഗണിച്ചപ്പോള് വിവരം സമര്പ്പിക്കാന് സംസ്ഥാന സര്ക്കാര് കൂടുതല് സമയം ആവശ്യപ്പെട്ടു. ഇതേ തുടര്ന്ന് കേസ് പരിഗണിക്കുന്നത് കോടതി ഫെബ്രുവരി 23ലേക്ക് മാറ്റി. ജസ്റ്റിസ് വൈദ്യനാഥന്, ജസ്റ്റിസ് പാര്ത്ഥിപന് എന്നിവരുടെ ബെഞ്ചാണ് കേസ് പരിഗണിക്കുന്നത്.
ജയലളിതയുടെ മരണത്തില് സംശയം പ്രകടിപ്പിച്ച് മൂന്ന് ഹര്ജികള് കോടതിയില് സമര്പ്പിക്കപ്പെട്ടിട്ടുണ്ട്. കേന്ദ്ര-സംസ്ഥാന സര്ക്കാരുകള് സമര്പ്പിക്കുന്ന റിപ്പോര്ട്ടിന് അനുസരിച്ച് മാത്രമേ ഇവ പരിഗണിക്കണമോയെന്ന് കോടതി തീരുമാനമെടുക്കുകയുള്ളൂ. ഇവയൊന്നും തന്നെ ജയലളിതയുടെ രക്തബന്ധത്തിലുള്ളവര് സമര്പ്പിച്ചതല്ല എന്നതിനാലാണ് കോടതി നടപടി.
ജയലളിതയുടെ മരണത്തില് സംശയമുന്നയിച്ച് എഐഎഡിഎംകെ പ്രവര്ത്തകനായ പിഎ ജോസഫാണ് മദ്രാസ് ഹൈക്കോടതിയില് ഹര്ജി നല്കിയത്.വിരമിച്ച് മൂന്ന് സുപ്രീം കോടതി ജഡ്ജിമാരുള്പ്പെട്ട് സമിത കേസ് അന്വേഷിക്കണം എന്നായിരുന്നു ഹര്ജിയിലെ ആവശ്യം. ഇതേത്തുടര്ന്നാണ് ജയലളിതയുടെ മരണത്തില് കോടതിയും സംശയം പ്രകടിപ്പിച്ചത്.
ജയലളിതയുടെ മൃതദേഹം സംസ്കരിക്കാത്തതും ആര്ഡിഒ മൃതദേഹം കണ്ടിട്ടില്ലാത്ത സാഹചര്യവും കോടതി സംശയത്തോടെയാണ് നിരീക്ഷിച്ചത്. ചികിത്സയിക്കിടെ പുറത്ത് വന്ന റിപ്പോര്ട്ടുകള് അനുസരിച്ച് ജയലളിത ആരോഗ്യവതിയായിരുന്നു. പിന്നെങ്ങനെ അവര് മരിച്ചുവെന്നും കോടതി സംശയമുന്നയിച്ചു.
സംശയ നിവാരണത്തിന് കോടതി ജയലളിതയുടെ മൃതദേഹം പുറത്തെടുത്ത് പരിശോധിക്കുന്നതുള്പ്പെടെ ഉള്ള സാധ്യതകളെക്കുറിച്ചും ആരാഞ്ഞു. ഇതേ തുടര്ന്നാണ് ജയലളിതയുടെ ചികിത്സാ വിവരങ്ങള് പുറത്ത് വിടാന് ആവശ്യപ്പെട്ട് കേന്ദ്ര-സംസ്ഥാന സര്ക്കാരുകള്ക്ക് നോട്ടീസ് അയച്ചത്.
നേരത്തെ ജയലളിതയുടെ മരണവും ചികിത്സയും സംബന്ധിച്ച് തമിഴ്നാട് ഗവര്ണര് സി വിദ്യാസാഗര് റാവു കേന്ദ്ര ആഭ്യന്തര മന്ത്രാലയത്തിന് റിപ്പോര്ട്ട് നല്കിയിരുന്നു. കേന്ദ്ര സര്ക്കാര് പുറത്ത് വിട്ട ഈ റിപ്പോര്ട്ടില് അപ്പോളോ ആശുപത്രി അധികൃതര് ജയലളിത ചികിത്സയില് ഇരിക്കുമ്പോള് പുറത്ത് വിട്ട വിവരങ്ങള്ക്കപ്പുറമുള്ള വിവരങ്ങളൊന്നുമില്ലായിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google