പാക് ആയുധധാരികള് ഇന്ത്യയില്; പ്രമുഖ നഗരങ്ങള് പൊട്ടിത്തെറിക്കും!! മുംബൈ മോഡല്, ജാഗ്രത
ഇന്ത്യന് മുജാഹിദീനില് ഉള്പ്പെട്ട ചിലര് മുംബൈ നഗരത്തിലെത്തി സ്ഥലങ്ങള് പരിശോധിച്ചുവെന്ന് പോലീസിന് വിവരം ലഭിച്ചിട്ടുണ്ടെന്ന് ഹിന്ദുസ്ഥാന് ടൈംസ് റിപ്പോര്ട്ട് ചെയ്തു.
മുംബൈ: ലഷ്കറെ ത്വയിബ ഭീകരവാദികള് ഇന്ത്യയില് കടന്നുവെന്ന് രഹസ്യാന്വേഷണ ഏജന്സികള്ക്ക് വിവരം ലഭിച്ചു. രാജ്യത്തെ വന്കിട നഗരങ്ങളില് സ്ഫോടനം നടത്താനാണ് ഇവരുടെ പദ്ധതി. 2008ല് മുംബൈയിലുണ്ടായ ആക്രമണത്തിന്റെ മാതൃകയില് എപ്പോള് വേണമെങ്കിലും ആക്രമണം നടക്കാം.
മുംബൈ, രാജസ്ഥാന്, പഞ്ചാബ് എന്നിവിടങ്ങളില് ഭീകരര് എത്തിയിട്ടുണ്ടെന്നാണ് വിവരം. 21 പേരാണ് അതിര്ത്തി വഴി ഇന്ത്യയിലേക്ക് കടന്നത്. പാകിസ്താന്റെ സഹായത്തോടെയാണ് നീക്കമെന്നും രഹസ്യാന്വേഷണ വൃത്തങ്ങള് പറയുന്നു.
രാജ്യത്തെ നാല് നഗരങ്ങളില് ആക്രമണം നടത്താനാണ് സംഘത്തിന്റെ പദ്ധതി. വിവരം ലഭിച്ച ഉടനെ പോലീസ് അന്വേഷണം ശക്തമാക്കി. പോലീസ്, ക്രൈം ബ്രാഞ്ച്, ഭീകരവിരുദ്ധ സ്ക്വാഡ്, മഹാരാഷ്ടര രഹസ്യാന്വേഷണ വിഭാഗം, സൈബര് പോലീസ് എന്നിവര് സംയുക്തമായാണ് വിഷയം പരിശോധിക്കുന്നത്.
എല്ലാ മെട്രോപോളിറ്റന് നഗരങ്ങളിലും സുരക്ഷ ശക്തമാക്കാന് സര്ക്കാര് നിര്ദേശം നല്കിയിട്ടുണ്ട്. മഹാരാഷ്ട്ര എടിഎസ് വ്യാപക തിരച്ചില് തുടങ്ങിയിട്ടുണ്ട്. പ്രധാന നഗരങ്ങളെല്ലാം എടിഎസിന്റെ നിരീക്ഷണത്തിലാണ്.
പാകിസ്താന് രഹസ്യാന്വേഷണ വിഭാഗത്തിന്റെ ചില നീക്കങ്ങളില് നിന്നാണ് ഇന്ത്യന് രഹസ്യാന്വേഷണ വിഭാഗത്തിന് ഇതുസംബന്ധിച്ച സൂചന ലഭിച്ചത്. മുംബൈയില് താമസിക്കുന്ന പാകിസ്താനികള് ഒരേ സമയം അപ്രത്യക്ഷമായതും പോലീസ് പരിശോധിച്ച് വരികയാണ്.
മെയ് 13നാണ് മുംബൈയില് താമസിക്കുന്ന 26 പാകിസ്താന് പൗരന്മാരെ കാണാതായത്. കഴിഞ്ഞ കുറച്ച് ആഴ്ചകള്ക്കും മുമ്പും സമാനമായ സംഭവം പോലീസിന്റെ ശ്രദ്ധയില്പ്പെട്ടിരുന്നു. ഇവരെ എടിഎസ് അന്വേഷിച്ച് വരികയാണ്.
ഐഎസ്ഐ ചാരന്മാരുടെ നീക്കങ്ങള് ഇന്ത്യന് സുരക്ഷാ വിഭാഗം സൂക്ഷ്മമായി നിരീക്ഷിക്കുന്നുണ്ട്. ചില വിവരങ്ങള് ശേഖരിക്കാന് ഇന്ത്യന് സംഘത്തിന് സാധിച്ചിട്ടില്ല. ഈ പശ്ചാത്തലത്തിലാണ് ജാഗ്രതാ നിര്ദേശം നല്കിയത്.
ഇന്ത്യയില് താമസിക്കുന്ന ചില പാകിസ്താന് പൗരന്മാരുടെ രേഖകള് പ്രകാരം പരിശോധന നടത്തിയപ്പോള് അവരെ കണ്ടെത്താന് സാധിച്ചില്ല. ഇന്ത്യന് വിസ ലഭിക്കുമ്പോള് നല്കിയ വിവരങ്ങള് പ്രകാരം പാകിസ്താന് പൗരന്മാരെ അന്വേഷിച്ചപ്പോഴാണ് അവരെ കണ്ടെത്താന് കഴിയാതെ വന്നത്. ഇത് സംശയത്തിന് ഇടയാക്കിയിട്ടുണ്ട്.
പാസ്പോര്ട്ടിന്റെയും വിസയുടെയും താമസ അനുമതിയുടെയും പകര്പ്പ് ഉള്പ്പെടെ പരിശോധിച്ചു. എന്നാല് 26 പേരെ കുറിച്ച് വിവരമില്ല. ഇവര് നല്കിയ സി ഫോമുകളില് ശരിയായ വിവരങ്ങളല്ല നല്കിയതെന്ന് സംശയിക്കുന്നു.
ഇത്രയും പാകിസ്താനികള് എന്തിന് മുംബൈയില് വന്നു, ആരെയാണ് ഇവര് കാണുന്നത് എന്നീ കാര്യങ്ങള് പോലീസ് പരിശോധിക്കുന്നുണ്ട്. വ്യക്തമായ വിവരങ്ങള് കൈമാറാതെ ഇവര് നടത്തിയ നീക്കം കൂടുതല് ദുരൂഹതയ്ക്ക് കാരണമായിട്ടുണ്ട്.
കാണാതായ പാകിസ്താനികളെ പിടികൂടാന് എടിഎസ് പ്രത്യേക സംഘങ്ങളെ നിയോഗിച്ചിട്ടുണ്ട്. ഇവര് ഹോട്ടലുകളും ലോഡ്ജുകളും പരിശോധിച്ച് വരികയാണ്. ആക്രമണം നടത്താനാണ് ഇത്രയും പേര് നഗരത്തില് എത്തിയത് എന്നാണ് സംശയം.
ഇന്ത്യന് മുജാഹിദീനില് ഉള്പ്പെട്ട ചിലര് മുംബൈ നഗരത്തിലെത്തി സ്ഥലങ്ങള് പരിശോധിച്ചുവെന്ന് പോലീസിന് വിവരം ലഭിച്ചിട്ടുണ്ടെന്ന് ഹിന്ദുസ്ഥാന് ടൈംസ് റിപ്പോര്ട്ട് ചെയ്തു. മാസങ്ങള്ക്ക് മുമ്പാണ് ഇവര് നഗരത്തിലെത്തിയത്. ഈ വിവരം ലഭിച്ചതിന് ശേഷമാണ് പാകിസ്താനികളെ തേടി ഇറങ്ങിയത്.
അപ്പോഴാണ് ഇവരും അപ്രത്യക്ഷരായെന്ന കാര്യം ശ്രദ്ധയില്പ്പെട്ടത്. ഇന്ത്യന് മുജാഹിദീന് നേതാവ് റിയാസ് ഭട്കലും സഹോദരന് ഇഖ്ബാലും പാകിസ്താനില് ഐഎസ്ഐയുടെ സംരക്ഷണത്തിലുണ്ടെന്നാണ് ഇന്ത്യന് രഹസ്യാന്വേഷണ വിഭാഗങ്ങള് സംശയിക്കുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google