പെണ്‍കുഞ്ഞിനെ ഗര്‍ഭംധരിച്ച യുവതിയെ തല്ലിക്കൊന്നു

ജോധ്പൂര്‍: പെണ്‍കുട്ടികള്‍ക്കെതിരയുള്ള പീഡനം ഗര്‍ഭപാത്രത്തില്‍നിന്ന് തുടങ്ങുന്നു. പെണ്‍കുഞ്ഞിനെ ഗര്‍ഭം ധരിച്ചതിന് ഇരുപതികാരിയെ ഭര്‍തൃവീട്ടികാര്‍ തല്ലിക്കൊന്നു. ഷിവാരി ദേവി എന്ന യുവതിയാണ് കൊല ചെയ്യപ്പെട്ടത്. യുവതിയുടെ സഹോദരന്റെ പരാതിയെ തുടര്‍ന്ന് ഭര്‍തൃവീട്ടുകാര്‍ക്കെതിരെ ജോധ്പൂര്‍ പൊലീസ് കേസെടുത്തു.

ഭര്‍തൃവീട്ടുകാര്‍ക്കൊപ്പം താമിസിക്കുകയായിരുന്ന യുവതി മരിച്ചെന്ന് കഴിഞ്ഞ ദിവസമാണ് സഹോദരന്‍ രാംദീന ഇവര്‍ അറിയിച്ചത്. മരിക്കുന്നതിന് രണ്ട് ദിവസം മുമ്പ് ലിംഗ നിര്‍ണയ പരിശോധന നടത്തിയെന്നും കുട്ടി പെണ്ണാണെന്നറിഞ്ഞ് ഭര്‍തൃവീട്ടുകാര്‍ പീഡിപ്പിക്കുകയാണെന്നും ദേവി സഹോദരനോട് പറഞ്ഞിരുന്നു. അവര്‍ക്ക് വേണ്ടിയിരുന്നത് ആണ്‍കുഞ്ഞിനെയായിരുന്നത്രെ!

സംഭവമറിഞ്ഞ് വീട്ടിലെത്തിയ സഹോദരന്‍ ദേവിയുടെ ശരീരത്തില്‍ മുറിപ്പാടുകളുണ്ടെന്ന് കണ്ടത്തി. മര്‍ദനമേറ്റാണ് തന്റെ സഹോദരി മരിച്ചതെന്നാരോപിച്ച് രാംദീന്‍ ജോധ്പൂര്‍ പൊലീസില്‍ പരാതി നല്‍കുകയായിരുന്നു. ജോധ്പൂര്‍ ആശുപത്രിയിലെ ഒരു സര്‍ക്കാര്‍ ആശുപത്രിയില്‍ ഫാര്‍മസി സ്റ്റാഫാണ് ഷിവാരി ദേവിയുടെ ഭര്‍ത്താവ് സഹീറാം.

പെണ്‍ഭ്രൂണഹത്യയ്ക്ക് കുപ്രസിദ്ധമാണ് ജോധ്പൂരിലെ മിക്ക പ്രദേശങ്ങളും. 2011 ലെ സെന്‍സന്‍സ് പ്രകാരം ആയിരം ആണ്‍കുട്ടികള്‍ക്ക് 883 പെണ്‍കുട്ടികള്‍ എന്നി നിലയിലാണ് സംസ്ഥാനത്തെ ആണ്‍-പെണ്‍ അനുപാതം

English summary

Family members of a pregnant woman in Rajasthan have alleged that she was beaten to death by her in-laws when they came to know through a sex determination test that she would give birth to a girl child, police said on Monday.