കോണ്ഗ്രസില് ലയിക്കേണ്ട, എന്സിപിയേയും ശരദ് പവാറിനേയും ബിജെപിയിലേക്ക് ക്ഷണിച്ച് മോദി
മുംബൈ: എന് സി പിയേയും പാർട്ടി അധ്യക്ഷന് ശരദ് പവാറിനേയും ബി ജെ പിയിലേക്ക് ക്ഷണിച്ച് പ്രധാനമന്ത്രി നരേന്ദ്ര മോദി. ജൂൺ 4 ന് ലോക്സഭാ തിരഞ്ഞെടുപ്പ് ഫലം പുറത്ത് വരുന്നതോടെ എന് സി പിക്കും ശരദ് പവാറിനും ബി ജെ പിയില് ചേരാമെന്നാണ് നരേന്ദ്ര മോദി വെള്ളിയാഴ്ച വ്യക്തമാക്കിയിരിക്കുന്നത്. 'കോൺഗ്രസിൽ ലയിച്ച് മരിക്കുന്നതിന് പകരം അജിത് പവാറിൻ്റെയും ഏകനാഥ് ഷിൻഡെയുടെയും അടുത്തേക്ക് വരൂ' എന്നാണ് മഹാരാഷ്ട്രയിലെ നന്ദുർബാറിൽ നടന്ന റാലിയിൽ മോദി പറഞ്ഞത്.
"40-50 വർഷമായി ഇവിടെ സജീവമായ ഒരു വലിയ നേതാവ് ബാരാമതിയിലെ പോളിംഗ് കഴിഞ്ഞതിന് ശേഷം ആശങ്കാകുലനാണ്. ജൂൺ 4 ന് ശേഷം, ചെറുപാർട്ടികൾ, അതിജീവിക്കാൻ, കോൺഗ്രസിൽ ലയിക്കുമെന്ന് അദ്ദേഹം പറയുന്നു," ശരദ് പവാറിന്റെ പേരെടുത്ത് പറയാതെ പ്രധാനമന്ത്രി പറഞ്ഞു. കോണ്ഗ്രസില് ചേരുന്നതിന് പകരം ബി ജെ പിയില് ചേരുന്നത് അദ്ദേഹം ആലോചിക്കണമെന്നും മോദി അഭിപ്രായപ്പെട്ടു.
ശരദ് പവാറിൻ്റെ അനന്തരവൻ കൂടിയായ അജിത് പവാർ കഴിഞ്ഞ വർഷം ജൂലൈയിൽ എൻ സി പിയില് പിളർപ്പുണ്ടാക്കുകയും ഭൂരിപക്ഷം എം എൽ എമാരുമായി മുഖ്യമന്ത്രി ഏകനാഥ് ഷിൻഡെയുടെ നേതൃത്വത്തിലുള്ള ബി ജെ പി-ശിവസേന സർക്കാരുമായി കൈകോർക്കുകയും ചെയ്തിരുന്നു.
എന് സി പിയെ കോണ്ഗ്രസില് ലയിപ്പിക്കുന്നതിനുള്ള ചില സൂചനകള് അടുത്തിടെ ശരദ് പവാർ നല്കിയിരുന്നു. "അടുത്ത രണ്ട് വർഷത്തിനുള്ളിൽ, നിരവധി പ്രാദേശിക പാർട്ടികൾ കോൺഗ്രസുമായി കൂടുതൽ അടുത്തിടപഴകും. അല്ലെങ്കിൽ തങ്ങളുടെ പാർട്ടിക്ക് ഏറ്റവും നല്ലതെന്ന് അവർ കരുതുന്നുവെങ്കിൽ കോൺഗ്രസുമായി ലയിക്കുന്നതിനുള്ള സാധ്യതകളും അവർ തേടാം" എന്നായിരുന്നു ശരദ് പവാർ ഏതാനും ദിവസങ്ങള്ക്ക് മുമ്പ് പറഞ്ഞത്.
അതേസമയം, ഹിന്ദു വിശ്വാസം അവസാനിപ്പിക്കാൻ കോൺഗ്രസ് ഗൂഢാലോചന നടത്തുകയാണെന്നും പ്രധാനമന്ത്രി ആരോപിച്ചു. രാമക്ഷേത്രവും രാമനവമി ആഘോഷങ്ങളും ഇന്ത്യയുടെ ആശയത്തിന് വിരുദ്ധമാണെന്ന് കോൺഗ്രസിൻ്റെ രാജകുമാരന് അമേരിക്കയില് പറഞ്ഞതായും രാഹുലിന്റെ പേര് എടുത്ത് പറയാതെ പ്രധാനമന്ത്രി ആരോപിച്ചു.
"വ്യാജ ശിവസേന എന്നെ ജീവനോടെ കുഴിച്ചുമൂടാൻ ആഗ്രഹിക്കുന്നു. അവരുടെ പ്രിയപ്പെട്ട വോട്ട് ബാങ്കിന് ഇഷ്ടപ്പെടും വിധം അവർ എന്നെ ദുരുപയോഗം ചെയ്യുന്നു" മുഗൾ ചക്രവർത്തി ഔറംഗസേബിനെപ്പോലെ തന്നെ മഹാരാഷ്ട്രയിൽ അടക്കം ചെയ്യുമെന്ന ശിവസേന (യുബിടി) നേതാവ് സഞ്ജയ് റാവത്തിൻ്റെ ആരോപണത്തിന് മറുപടിയായി മോദി പറഞ്ഞു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google