വയനാട്ടില് ഉപതിരഞ്ഞെടുപ്പ് ഉടന്? ഒരുക്കം തുടങ്ങി തിരഞ്ഞെടുപ്പ് കമ്മീഷന്
വയനാട്: രാഹുല് ഗാന്ധിയെ എംപി സ്ഥാനത്ത് നിന്ന് അയോഗ്യനാക്കിയതിന് പിന്നാലെ ഒഴിവ് വന്ന വയനാട് ലോക്സഭാ മണ്ഡലത്തില് ഉടന് ഉപതിരഞ്ഞെടുപ്പ് നടക്കാന് സാധ്യത. തിരഞ്ഞെടുപ്പ് കമ്മീഷന് ഇത് സംബന്ധിച്ച തയ്യാറെടുപ്പുകള് ആരംഭിച്ചതായാണ് വിവരം. ഇതിന്റെ ഭാഗമായി കോഴിക്കോട് കളക്ടറേറ്റില് വോട്ടിംഗ് മെഷീനുകളുടെ പരിശോധന ആരംഭിച്ചിട്ടുണ്ട്. രാഷ്ട്രീയ പാര്ട്ടി പ്രതിനിധികളുടെ നേതൃത്വത്തിലാണ് പരിശോധന നടക്കുന്നത്.
വയനാട് ലോക്സഭാ മണ്ഡലത്തിന്റെ പരിധിയില് വരുന്ന തിരുവമ്പാടി നിയമസഭാ മണ്ഡലത്തിലെ വോട്ടിംഗ് യന്ത്രങ്ങളുടെ മോക്ക് പോളിംഗും പരിശോധനയും ആണ് നടക്കുന്നത്. സമാനമായ പരിശോധനകള് വയനാട്, മലപ്പുറം കളക്ടറേറ്റിലും നടക്കും എന്നാണ് വിവരം. ഉപതിരഞ്ഞെടുപ്പിനായി ഓരോ ജില്ലകളിലേയും ചുമതലയുള്ള ജില്ലാ കളക്ടര്മാര്ക്ക് തിരഞ്ഞെടുപ്പ് കമ്മീഷന്റെ ഭാഗത്ത് നിന്ന് നിര്ദേശം വന്നു എന്നാണ് വിവരം.
അധികം വൈകാതെ തന്നെ വയനാട്ടിലേക്ക് ഉപതിരഞ്ഞെടുപ്പിനായുള്ള വിജ്ഞാപനം പുറപ്പെടുവിക്കും എന്നും റിപ്പോര്ട്ടുകള് സൂചിപ്പിക്കുന്നു. സാധാരണഗതിയില് തിരഞ്ഞെടുപ്പിന് മുന്നോടിയായാണ് മോക് പോളിംഗും വോട്ടിംഗ് മെഷീനുകളുടെ കാര്യക്ഷമതാ പരിശോധനയും നടത്താറുള്ളത്. അതിനാല് തന്നെ കോഴിക്കോട് കളക്ടറേറ്റിലെ പരിശോധന ഉപതിരഞ്ഞെടുപ്പ് പ്രഖ്യാപിക്കുന്നതിന് മുന്നോടിയായിട്ടുള്ളതാണ് എന്നാണ് റിപ്പോര്ട്ട്.
2019 ലെ ലോക്സഭാ തിരഞ്ഞെടുപ്പ് പ്രചരണത്തിനിടെ കര്ണാടകയിലെ കോലാറില് നടത്തിയ പ്രസംഗത്തിലെ മോദി പരാമര്ശത്തിനാണ് രാഹുല് ഗാന്ധിയെ കുറ്റക്കാരനെന്ന് കണ്ട് കോടതി രണ്ട് വര്ഷത്തെ തടവിന് വിധിച്ചത്. സൂറത്ത് സി ജെ എം കോടതിയുടേതായിരുന്നു നടപടി. ഇതിന് പിന്നാലെയാണ് ലോക്സഭാ സെക്രട്ടേറിയറ്റ് രാഹുല് ഗാന്ധിയെ അയോഗ്യനാക്കിയത്.
അതേസമയം വയനാടിന്റെ ജനപ്രതിനിധിയായി രാഹുല് ഗാന്ധി തുടരുക എന്നതാണ് തങ്ങളുടെയും ജനങ്ങളുടെയും ആവശ്യം എന്ന് ടി സിദ്ദീഖ് എം എല് എ പറഞ്ഞു. രാഹുല് ഗാന്ധി അല്ലാതെ മറ്റൊരു ഓപ്ഷനെ കുറിച്ച് പാര്ട്ടി ചിന്തിച്ചിട്ടില്ല എന്നും അതുമായി ബന്ധപ്പെട്ട നിയമനടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു. കോടതിയില് പ്രതീക്ഷയുണ്ടെന്നും സിദ്ദീഖ് വ്യക്തമാക്കി.
വയനാട്ടിലേയും മലപ്പുറത്തേയും മൂന്ന് നിയമസഭാ മണ്ഡലങ്ങളും കോഴിക്കോടെ ഒരു ലോക്സഭാ മണ്ഡലവും ഉള്പ്പെട്ടതാണ് വയനാട് ലോക്സഭാ മണ്ഡലം. 2019 ലെ തിരഞ്ഞെടുപ്പില് രാഹുല് ഗാന്ധിക്ക് ഇവിടെ നിന്ന് 706367 വോട്ടാണ് ലഭിച്ചിരുന്നത്. എതിര് സ്ഥാനാര്ത്ഥിയായ സി പി ഐയുടെ പി പി സുനീര് 274597 വോട്ടാണ് നേടിയത്. 431770 വോട്ടിന്റെ വമ്പന് ഭൂരിപക്ഷത്തിലാണ് രാഹുല് ഗാന്ധി ഇവിടെ നിന്ന് വിജയിച്ചത്.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google