ഒന്നരമിനിട്ടിനുള്ളില് ജൂവല്ലറി കൊള്ളയടിച്ചു
റോഡില് ആളുകള് ഉണ്ടായിരുന്നതിനാല് മോഷണം പലരും മൊബൈലില് പകര്ത്തി. എന്നാല് അക്രമികളെ തടയാന് ഒരാളും ശ്രമിച്ചില്ല. അഞ്ച് പേരടങ്ങുന്ന സംഘമാണ് മോഷണം നടത്തിയത്. അക്രമികള് മുഖം മൂടി ധരിച്ചിരുന്നു. മൂന്ന് പേര് ജൂവല്ലറിയ്ക്ക് ഉള്ളിലേയ്ക്ക് കയറി സ്വര്ണാഭരണങ്ങളും വെളളിയാഭരണങ്ങളും തട്ടിയെടുത്തു,. മറ്റൊരാള് തോക്ക് ചൂണ്ടി വാതിലിനരുകില് നിന്നു. അഞ്ചാമന് കാറില് തന്നെയിരുന്നു.
നിമിഷ നേരത്തിനുള്ളില് സംഘം മോഷണമുതലുമായി കടന്നു. ജൂവല്ലറി ഉടമ കപില് മാംഗിലാല് പരിഹാര് (23) ആണ് പൊലീസില് പരാതി നല്കിയത്. പ്രതികളെല്ലാവരും 25 നും 30 ഇടയില് പ്രായമുള്ളവരാണെന്ന് കപില് പൊലീസിനോട് പറഞ്ഞു. നീരുള് പൊലീസാണ് കേസ് അന്വേഷിയ്ക്കുന്നത്. സംഘം മോഷണത്തിനുപയോഗിച്ച കാര് ഉപേക്ഷിയ്ക്കപ്പെട്ട നിലയില് വഷി റെയില്വേ സ്റ്റേഷനടുത്തുള്ള രാജസ്ഥാന് ഭവനില് നിന്ന് കണ്ടെത്തി.
Click it and Unblock the Notifications
Sign in with Google