ഓഹരി വിപണിയില് വന് തകര്ച്ച; നിഫ്റ്റി 18900ന് താഴെ, സെന്സെക്സിന് നഷ്ടം 900 പോയിന്റുകള്
ന്യൂഡല്ഹി: ഓഹരി വിപണിയില് വ്യാഴാഴ്ച്ച കനത്ത നഷ്ടം. ഫെബ്രുവരി 28ന് ശേഷമുള്ള ഏറ്റവും വലിയ തകര്ച്ചയാണ് നിഫ്റ്റി നേരിട്ടിരിക്കുന്നത്. ആറാം ദിവസവും നഷ്ടത്തിലായതോടെ 18900ന് താഴെയായി നിഫ്റ്റിയുടെ സ്ഥാനം. അതേസമയം സെന്സെക്സ് 901 പോയിന്റുകളാണ് നഷ്ടപ്പെട്ടത്. ഒക്ടോബറില് മാത്രം സെന്സെക്സിനുണ്ടായ നഷ്ടം 2600 പോയിന്റാണ്. നിക്ഷേപകര്ക്ക് ഇന്ന് മാത്രം നഷ്ടമായത് 2.95 ലക്ഷം കോടിയാണ്.
അതേസമയം ആറ് സെഷനുകളില് നിന്നായി 17.50 ലക്ഷം കോടിയാണ് നിക്ഷേപകര്ക്ക് നഷ്ടപ്പെട്ടത്. ഇസ്രായേല്-ഹമാസ് യുദ്ധം, യുഎസ് പലിശനിരക്ക് ഉയര്ത്തുമെന്ന ആശങ്ക എന്നിവയെല്ലാം ഓഹരി വിപണിയില് പ്രതിഫലിച്ചിട്ടുണ്ട്. എല്ലാ സുപ്രധാന ഓഹരികളും നഷ്ടത്തിലാണ് വ്യാപാരം അവസാനിപ്പിച്ചത്. നിഫ്റ്റി ബാങ്കില് കനത്ത നഷ്ടമാണ് രേഖപ്പെടുത്തി. നിഫ്റ്റി ഫിനാന്ഷ്യല് സര്വീസസ്, നിഫ്റ്റി ഓയില്, നിഫ്റ്റി ഐടി എന്നിവയെല്ലാം നഷ്ടത്തിലാണ് വ്യാപാരം അവസാനിപ്പിച്ചത്.
ആക്സിസ് ബാങ്ക്, അദാനി പോര്ട്സ്, എച്ച്സിഎല് ടെക് ആന്ഡ് പവര് ഗ്രിഡ് എന്നിവരാണ് 50 ഷെയര് നിഫ്റ്റിയില് ആകെ നേട്ടമുണ്ടാക്കിയവര്. എംആന്ഡ്എം, ബജാജ് ഫിനാന്സ്, ഏഷ്യന് പെയിന്റ്സ്, യുപിഎല്, നെസ്ലെ ഇന്ത്യ എന്നിവരാണ് ഏറ്റവും കൂടുതല് നഷ്ടം രേഖപ്പെടുത്തിയത്. സെന്സെക്സ് 852 പോയിന്റ് നഷ്ടത്തില് 63196ലും, നിഫ്റ്റി 258 പോയിന്റ് താഴ്ന്ന് 18863 നിലവാരത്തിലുമാണ് ഉച്ചയോടെ വ്യാപാരം നടന്നത്.
വിദേശ നിക്ഷേപകരുടെ വിറ്റൊഴിയല് തുടരുന്നതും, പ്രതീക്ഷിച്ചതിലും ദുര്ബലമായ രണ്ടാം പാദഫലങ്ങളുമാണ് വിപണിയെ ദുര്ബലമാക്കിയത്. അസംസ്കൃത എണ്ണവിലയില് കുറവുണ്ടായെങ്കിലും യുഎസ്സിലെ കടപ്പത്ര ആദായ വര്ധനവിനെയും, പശ്ചിമേഷ്യയിലെ സംഘര്ഷത്തെയും മറികടക്കാനുള്ള കരുത്തില്ലാതെ ആയി പോയി. ഇസ്രായേല്-ഹമാസ് യുദ്ധം നീണ്ടാല് അത് ആഗോള വളര്ച്ചയെയും, ഓഹരി വിപണികളെയും ശക്തമായി ബാധിക്കും.
Click it and Unblock the Notifications
Sign in with Google