'നിതീഷിന്റെ പ്രധാനമന്ത്രി മോഹം ഒരിക്കലും നടക്കില്ല, മൂന്നാം തവണയും മോദി വരും'; തുറന്നടിച്ച് അമിത് ഷാ
പാറ്റ്ന; ബീഹാര് മുഖ്യമന്ത്രി നിതീഷ് കുമാറിനെതിരെ രൂക്ഷവിമര്ശനവുമായി കേന്ദ്ര ആഭ്യന്തര മന്ത്രി അമിത് ഷാ രംഗത്ത്. അധികാരത്തോടുള്ള ആര്ത്തികൊണ്ട് നിതീഷ് ലാലു പ്രസാദ് യാദവിന്റെ മടിയില് ഇരിക്കുകയാണെന്ന് അമിത് ഷാ ആരോപിച്ചു. ബീഹാര് സന്ദര്ശനത്തിടെയാണ് അമിത് ഷാ മുഖ്യമന്ത്രി നിതീഷ് കുമാറിനെതിരെ വിമര്ശനം ഉന്നയിച്ചത്. രാമനവമി ദിനത്തില് ബീഹാറില് സംഘര്ഷം ഉടലെടുത്തിരുന്നു. ഇതിന്റെ പശ്ചാത്തലത്തിലും അമിത് ഷാ വിമര്ശനം ഉന്നയിച്ചിരുന്നു.
സസാറാം, ഷെരീഫ് നഗരങ്ങളിലെ വര്ഗീയ അക്രമങ്ങള് തടയുന്നതില് സര്ക്കാര് പരാജയപ്പെട്ടെന്ന് അമിത് ഷാ പറഞ്ഞു. ജെ ഡി യു നേതാക്കള്ക്കായുള്ള എന് ഡി എ വാതിലുകള് അടഞ്ഞെന്നും ജനങ്ങള് നരേന്ദ്ര മോദിയെ മൂന്നാം തവണയും തിരഞ്ഞെടുക്കുമെന്നതിനാല് പ്രധാനമന്ത്രിയാകാനുള്ള നിതീഷ് കുമാറിന്റെ മോഹം ഒരിക്കലും നടക്കാന് പോകുന്നില്ലെന്ന് അമിത് ഷാ പറഞ്ഞു.
നിതീഷ് കുമാറും ലാലുപ്രസാദ് യാവും ഇപ്പോള് നടക്കാത്ത സ്വപ്നത്തിന്റെ പിറകെയാണ്. തുടര്ച്ചയായി മൂന്നാം തവണയും നരേന്ദ്ര മോദി പ്രധാനമന്ത്രിയാകുമെന്ന് രാജ്യത്തെ ജനങ്ങള് തീരുമാനിച്ചു കഴിഞ്ഞു. അത് സംഭവിച്ചുകഴിഞ്ഞാല്, പ്രധാനമന്ത്രിയാകാനുള്ള തന്റെ സ്വപ്നങ്ങള് തകരുമെന്നതിനാല് നിതീഷ് കുമാര് തേജസ്വി യാദവിന് മേലങ്കി കൈമാറുമെന്നും അമിത് ഷാ പറഞ്ഞു.
ഇവരുടെ പാര്ട്ടി സംസ്ഥാനത്ത് അധികാരത്തില് എത്തിയതോടെ സംസ്ഥാനത്തെ ക്രമസമാധാനനില തകര്ന്നതെന്ന് അമിത് ഷാ ആരോപിച്ചു. മൂഢമായ പ്രതീക്ഷകളുമായാണ് ജീവിക്കുന്നത്. നിതീഷിന്റെ പ്രധാനമന്ത്രി മോഹം ഒരിക്കലും നടക്കില്ല. രാമനവമി ദിനത്തില് സസാരമില് സംഭവിച്ച കാര്യങ്ങള് ദൗര്ഭാഗ്യകരമാണ്. ബീഹാറില് ഇപ്പോള് കാട്ടുനീതിയാണ് നടപ്പിലാക്കുന്നതെന്നും അമിത് ഷാ പറഞ്ഞു.
സംഘര്ഷം ഉടലെടുത്ത സാസരമിലേക്ക് താന് പോകേണ്ടതായിരുന്നെന്ന് അമിത് ഷാ പറഞ്ഞു. എന്നാല് ഇവിടെ ജനങ്ങള് കൊല്ലപ്പെടുകയാണ്. കണ്ണീര് വാതക പ്രയോഗവും ഷെല്ലാക്രമണവും നടക്കുകയാണ് അവിടെ. അടുത്ത തവണ വരുമ്പോള് ഉറപ്പായും അവിടെ സന്ദര്ശിക്കുമെന്നും അമിത് ഷാ വ്യക്തമാക്കി.
അതേസമയം, രാമനവമി ദിനത്തില് വലിയ സംഘര്ഷമാണ് ബീഹാറില് ഉടലെടുത്തത്. കഴിഞ്ഞ ദിവസം സസാറാം നഗരത്തില് സ്ഫോടനം നടന്നിരുന്നു. ബിഹാര് ഷെരീഫില് സമാനമായ അക്രമസംഭവങ്ങള് റിപ്പോര്ട്ട് ചെയ്യപ്പെട്ടിട്ടുണ്ട്. രാമനവമി ആഘോഷങ്ങള്ക്കിടെ പൊട്ടിപ്പുറപ്പെട്ട സസാരാമിലും ഷെരീഫിലും ഉണ്ടായ വര്ഗീയ കലാപങ്ങളുമായി ബന്ധപ്പെട്ട് 45 പേരെ സംസ്ഥാന പൊലീസ് ഇതുവരെ അറസ്റ്റ് ചെയ്തിട്ടുണ്ട്. വര്ഗീയ സംഘര്ഷത്തില് നിരവധി പേര്ക്കാണ് പരിക്കേറ്റത്. വാഹനങ്ങള്ക്കും വീടുകള്ക്കും അക്രമകാരികള് തീയിട്ടിരുന്നു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google