Click it and Unblock the Notifications
Just In
-
-
-
Don't Miss
-
IPL 2024: ജിടിയേയും ചതിക്കാന് മുംബൈ ശ്രമിച്ചു, ടോസില് കൃത്രിമം കാട്ടിയേനെ! പക്ഷെ പണി പാളി -
ഇപ്പോഴത്തെ പിള്ളേരുടെ ട്രെൻഡിന് ബെസ്റ്റാ! ഉത്സവപ്പറമ്പിലെ 'കളിപ്പാട്ടം' പോലെ ബോറിങ് ഫോൺ ദേ എത്തി -
'ജാസ്മിൻ ബാത്ത്റൂമിൽ ചെരുപ്പിടാതെ പോകുന്നു... സോഫയിൽ കാലുവെച്ച് ഇരിക്കുന്നു, ടിഷ്യു പേപ്പറുകൾ വലിച്ചിടുന്നു' -
ഥാർ 5-ഡോറിനേക്കാൾ ഹൈപ്പ്; അടിമുടി പരിഷ്ക്കാരിയായി ഇന്ത്യയുടെ സ്വന്തം 'ദേസി ജി-വാഗൺ' -
ദോഷങ്ങള് വഴിമുടക്കും, വീട് മുഴുവന് നെഗറ്റീവ് എനര്ജി; വാസ്തുദോഷം വരുത്തും ഈ വസ്തുക്കള് -
സരിഗമ അടക്കം മൂന്ന് ഓഹരികൾ, 13 ശതമാനം വരെ കുതിക്കും, ഇപ്പോൾ തന്നെ വാങ്ങാം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
കറുത്തയാളെ വിവാഹം കഴിക്കാന്‍ താല്‍പര്യമില്ല; ഈ വിവാഹം മുടക്കണമെന്ന് വരനോട് പ്രതിശ്രുത വധു
ലഖ്‌നൗ: നമ്മള്‍ ജീവിക്കുന്നത് വളരെ ആധുനികമായ ഒരു ലോകത്താണ്. പല കാര്യങ്ങളിലും നമ്മുടെ ചിന്താഗതി ആ തലത്തിലേക്ക് ഉയര്‍ന്നിട്ടുമുണ്ട്. എന്നാല്‍ നിറത്തിന്റെ കാര്യത്തില്‍ മാത്രം അത്തരം പ്രശ്‌നങ്ങള്‍ ഇപ്പോഴുമുണ്ട്. ഉത്തര്‍പ്രദേശില്‍ നിറത്തിന്റെ പേരില്‍ ഒരു വിവാഹം തന്നെ മുടങ്ങിയിരിക്കുകയാണ്.
പ്രതിശ്രുത വരന്റെ നിറം കറുപ്പാണെന്ന കാരണത്താല്‍ വധു തന്നെയാണ് വിവാഹത്തില്‍ നിന്ന് പിന്‍മാറിയിരിക്കുന്നത്. കടുത്ത വംശീയത നിറഞ്ഞ ഇക്കാര്യം സോഷ്യല്‍ മീഡിയയില്‍ വലിയ ചര്‍ച്ചയായിരിക്കുകയാണ്. മറ്റ് കാരണങ്ങളൊന്നും ഈ യുവതിക്ക് പറയാന്‍ ഉണ്ടായിരുന്നില്ല. വിശദമായ വിവരങ്ങളിലേക്ക്....
വംശീയ ഇന്ന് ഇന്ത്യയില്‍ അടക്കം എല്ലായിടത്തും നിറഞ്ഞ് നില്‍ക്കുന്ന ഒന്നാണെന്ന് തെളിയിക്കുന്നതാണ് ഈ സംഭവം. വിവാഹത്തിന് ദിവസങ്ങള്‍ക്ക് മുമ്പാണ് ഈ യുവതി പിന്‍മാറിയിരിക്കുന്നത്. കേട്ടുകേള്‍വി പോലും ഇല്ലാത്ത കാര്യമാണെന്ന് നാട്ടുകാരും, സോഷ്യല്‍ മീഡിയയും പറയുന്നു. ഈ യുഗത്തിലും ഇങ്ങനെയൊക്കെ ചെയ്യുന്നവരുണ്ടോ എന്നാണ് സോഷ്യല്‍ മീഡിയ ചോദിക്കുന്നത്. എന്നാല്‍ വരന്റെ കറുത്ത നിറം മാത്രമാണ് യുവതിക്ക് വിവാഹത്തില്‍ നിന്ന് പിന്മാറാന്‍ കാരണമായിരിക്കുന്നത്.
ഉത്തര്‍പ്രദേശിലെ ബറേലിയിലാണ് സംഭവം നടന്നത്. ഇവിടെ നിന്നുള്ള യുവതി വിവാഹം കഴിക്കാന്‍ തീരുമാനിച്ച് ഉറപ്പിച്ചതായിരുന്നു. കുടുംബാംഗങ്ങള്‍ ചേര്‍ന്നായിരുന്നു വിവാഹം ഉറപ്പിച്ചത്. എന്നാല്‍ വരന്റെ കറുത്ത നിറം കണ്ടതോടെ വധു ആകെ ദേഷ്യപ്പെടുകയായിരുന്നു. ഈ വിവാഹം എന്ത് വന്നാലും നടക്കില്ലെന്ന നിലപാടെടുക്കുകയായിരുന്നു അവര്‍. ദില്ലിയിലെ നിഹാല്‍ വിഹാറില്‍ നിന്നുള്ള ദുര്‍ഗ പ്രസാദും ബറേലിയിലെ യുവതിയും തമ്മിലായിരുന്നു വിവാഹം കഴിക്കാനിരുന്നത്.
യുവാവിനെ പോലും ഞെട്ടിച്ച് കൊണ്ടാണ് പ്രതിശ്രുത വധു വിവാഹത്തില്‍ നിന്ന് പിന്മാറിയത്. അത് മാത്രമല്ല, പിന്മാറാനുള്ള കാരണം കൂടി കേട്ടപ്പോള്‍ യുവാവ് ആകെ നിരാശനായിരിക്കുകയാണ്. ബറേലിയിലെ യുവതിയുമായുള്ള വിവാഹത്തിന്റെ എല്ലാ ചടങ്ങുകളും പൂര്‍ത്തിയാക്കിയതാണെന്ന് ദുര്‍ഗ പ്രസാദിന്റെ കുടുംബം പറയുന്നു. ഇനി താലികെട്ടാന്‍ മാത്രമായിരുന്നു ബാക്കിയുണ്ടായിരുന്നത്. എന്നാല്‍ യുവതിയുടെ വീട്ടില്‍ എത്തിയ ദുര്‍ഗ പ്രസാദ് പ്രതിശ്രുത വധുവിന്റെ വാക്കുകള്‍ കേട്ട് ആകെ തകര്‍ന്ന് പോവുകയായിരുന്നു.
ദുര്‍ഗപ്രസാദ് ഈ പെണ്‍കുട്ടിയുടെ വീട്ടില്‍ ബേബി ഷവറിന് പങ്കെടുക്കാന്‍ അടുത്തിടെ എത്തിയിരുന്നു. ഈ സമയത്താണ് യുവതി ഇയാളോട് സ്വകാര്യമായി തന്റെ ഇഷ്ടങ്ങള്‍ അറിയിച്ചത്. യുവതി പറഞ്ഞ കാര്യങ്ങള്‍ കേട്ട് ദുര്‍ഗ ആകെ ഞെട്ടിപ്പോവുകയായിരുന്നു. വിദ്യാഭ്യാസമില്ലാത്തവനെന്ന് യുവതി ഇയാളെ വിളിച്ചു. ഒട്ടും സുന്ദരനല്ലെന്ന് അധിക്ഷേപിക്കുകയും ചെയ്തു. ഇയാളുടെ നിറം കറുത്തതാണെന്ന് പറഞ്ഞ് പരിഹാസവും നടത്തി. വിവാഹം കഴിക്കാന്‍ പോകുന്ന യുവതിയുടെ വീട്ടിലെത്തിയ ദുര്‍ഗപ്രസാദ് ആകെ നാണംകെട്ടാണ് മടങ്ങിപ്പോയത്.
നിങ്ങളെ പോലൊരു കറുത്തയാളെ ഞാന്‍ വിവാഹം ചെയ്താല്‍ സുഹൃത്തുക്കളെ തന്നെ പരിഹസിക്കുമെന്നായിരുന്നു യുവതിയുടെ മറുപടി. അത് മാത്രമല്ല, ഈ വിവാഹം മുടക്കിയത് താനാണെന്ന ചീത്തപ്പേര് സ്വന്തമാക്കാന്‍ ആഗ്രഹമില്ലെന്നും, ദുര്‍ഗപ്രസാദ് തന്നെ ഇത് മുടക്കണമെന്നും യുവതി പറഞ്ഞു. വിവാഹം നടക്കുന്നതിന് മുമ്പ് തന്നെ ഓടിപ്പോകാനും യുവതി ദുര്‍ഗ പ്രസാദിനെ ഭീഷണിപ്പെടുത്തി. നിങ്ങള്‍ തന്നെ വിവാഹത്തില്‍ നിന്ന് പിന്മാറണമെന്നായിരുന്നു ആവശ്യം.
അതേസമയം ഇങ്ങനൊരു പെണ്‍കുട്ടിയെ വിവാഹം കഴിക്കാന്‍ താല്‍പര്യമില്ലെന്ന് ഒടുവില്‍ ദുര്‍ഗപ്രസാദ് തീരുമാനിക്കുകയായിരുന്നു. എന്നാല്‍ വലിയ പ്രശ്‌നങ്ങളാണ് ഇതേ തുടര്‍ന്നുണ്ടായത്. യുവതിയുടെ കുടുംബത്തെ ഇതാകെ രോഷാകുലരാക്കി. യുവതി പറഞ്ഞ കാര്യങ്ങള്‍ ഇവര്‍ അറിയില്ലായിരുന്നു. ഈ വിഷയം നിയമപരമായി കൈകാര്യം ചെയ്യുമെന്ന മുന്നറിയിപ്പും യുവതിയുടെ കുടുംബം നല്‍കി. ഇവര്‍ ദുര്‍ഗപ്രസാദിന്റെ കുടുംബത്തെ ധര്‍മശാലയിലെത്തിച്ച് മര്‍ദിച്ചുവെന്നാണ് ആരോപണം. കേസ് കോടതിയുടെ പരിഗണനയിലാണ്. പോലീസ് അന്വേഷണം ആരംഭിച്ചിട്ടുണ്ട്.
