വന്ദേ ഭാരത് സ്ലീപ്പർ കോച്ചുകളുടെ 'പരിക്കുകള്' ഭേദമാക്കാന് ജോധ്പൂർ തയ്യാർ; 360 കോടി രൂപയുടെ പദ്ധതി
ജോധ്പൂർ: രാജ്യത്തെ ആദ്യ വന്ദേ ഭാരത് സ്ലീപ്പർ കോച്ച് മെയിന്റനൻസ് സൗകര്യം 2026 ജൂണോടെ രാജസ്ഥാനിലെ ജോധ്പൂരിൽ പ്രവർത്തനസജ്ജമാകും. ഭഗത് കി കോഠി റെയിൽവേ സ്റ്റേഷനിൽ 360 കോടി ചെലവിലാണ് അത്യാധുനിക സൗകര്യം നിർമിക്കുന്നതെന്ന് നോർത്ത് വെസ്റ്റേൺ റെയിൽവേയുടെ സീനിയർ ഡിവിഷണൽ മെക്കാനിക്കൽ എഞ്ചിനീയർ മേജർ അമിത് സ്വാമി വ്യക്തമാക്കി.
മെയിന്റനൻസ്-വർക്ക്ഷോപ്പ് ഡിപ്പോയുടെ ആദ്യ ഘട്ടം 2026 ജൂണോടെ പൂർത്തിയാകും. ഇതിൽ 600 മീറ്റർ ട്രാക്ക് ഉണ്ടാകും . അതായത് 24 സ്ലീപ്പർ കോച്ചുകൾ ഒരേസമയം പരിപാലിക്കാൻ കഴിയും. രണ്ടാം ഘട്ടം 2027 ജൂണോടെ പൂർത്തിയാകും. 178 മീറ്റർ ട്രാക്കും വർക്ക്ഷോപ്പ്, സിമുലേറ്റർ സൗകര്യവുമാണ് രണ്ടാഘട്ടത്തില് ഉള്പ്പെടുക.
ഡെഡിക്കേറ്റഡ് വീൽ റാക്ക് സിസ്റ്റം, സ്പെഷ്യലൈസ്ഡ് ടെസ്റ്റിംഗ് ലാബ്, ലേറ്റസ്റ്റ് സിമുലേറ്ററുകൾ എന്നിവയും ജോധ്പൂരിൽ സജ്ജമാകും . ഇത് ഹൈ-ടെക് ഉപകരണങ്ങളുടെ പരിശീലനത്തിനും വിലയിരുത്തലിനും സഹായിക്കും. ഇന്ത്യൻ റെയിൽവേയുടെ കൃത്യത, സുരക്ഷ, പ്രകടനം എന്ന ലക്ഷ്യങ്ങൾക്ക് ഊന്നൽ നൽകികൊണ്ടാണ് വന്ദേ ഭാരത് സ്ലീപ്പർ കോച്ച് മെയിന്റനൻസ് സൗകര്യം പ്രാവർത്തികമാക്കുന്നതെന്നും മേജർ അമിത് സ്വാമി പറഞ്ഞു.
ആദ്യ ഘട്ടത്തില് ചെലവ് 167 കോടി രൂപയും രണ്ടാം ഘട്ടത്തിലെ ചെലവ് 195 കോടി രൂപയുമായിട്ടാണ് നിശ്ചയിച്ചിട്ടുള്ളത്. റെയിൽവേ വികാസ് നിഗം ലിമിറ്റഡ് (ആർ വി എൻ എൽ) കൈനറ്റ് റെയിൽവേ സൊല്യൂഷൻ (റഷ്യ-ഇന്ത്യ ജോയിന്റ് വെഞ്ചർ) എന്നീ സാങ്കേതിക പങ്കാളികളുമായി ചേർന്ന് നോർത്ത് വെസ്റ്റേൺ റെയിൽവേയാണ് പദ്ധതി നടപ്പിലാക്കുന്നത്.
വന്ദേ ഭാരത് സ്ലീപ്പർ കോച്ചുകൾ മാത്രമായിരിക്കും ഇവിടെ മെയിന്റയിന്സ് ചെയ്യുക. "ഡിപ്പോയിൽ മൂന്ന് ട്രെയിനുകൾ ഒരേസമയം പരിശോധിക്കാനും പരിപാലിക്കാനും കഴിയും. വർക്ക്ഷോപ്പിൽ മുഴുവൻ ട്രെയിൻ റേക്ക് ലിഫ്റ്റ് ചെയ്യൽ, ബോഗി ട്രാൻസ്ഫർ (ഡ്രോപ്പ് പിറ്റ് ടേബിൾ), വീൽ ടേണിംഗ് സിസ്റ്റം എന്നിവയുണ്ടാകും," അമിത് സ്വാമി വ്യക്തമാക്കി. അതേസമയം ബിജ്വാസൻ (ദില്ലി), താനിസന്ദ്ര (ബെംഗളൂരു), ആനന്ദ് വിഹാർ (ദില്ലി), വാഡി ബന്ദർ (മുംബൈ) എന്നിവിടങ്ങളിലും സമാനമായ പദ്ധതി ഉടന് നിലവില് വരും. രാജ്യത്ത് കൂടുതല് വന്ദേഭാരത് സ്ലീപ്പർ ട്രെയിന് കോച്ചുകള് സർവ്വീസ് ആരംഭിക്കുന്ന പശ്ചാത്തലത്തിലാണ് മെയിന്റയിന്സ് കേന്ദ്രങ്ങളും നിർമ്മിക്കുന്നത്.
-
പുതിയ വീട് വാങ്ങാൻ സാധിക്കും, സാമ്പത്തിക ഇടപാടുകൾ സൂക്ഷിക്കുക, തൊഴിലിൽ നഷ്ടം, സാമ്പത്തിക വാരഫലം -
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
സ്വർണ വില ഇനി പരമാവധി പോയാൽ 1.10 ലക്ഷം വരെ..ഈ വർഷം 2 ലക്ഷമൊന്നും ആകില്ല; പ്രവചനം -
രഞ്ജിത്തിനെതിരെ ഇത് മൂന്നാമത്തെ പീഡനക്കേസ്; രക്ഷപ്പെടാനുള്ള നീക്കം പാളി, ഒടുവിൽ പോലീസ് കുടുക്കി -
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
'ഒറ്റയ്ക്ക് വഴി വെട്ടി വന്നവളാണ്, അതിന്റെ അഹങ്കാരം നല്ലോണമുണ്ട്', തെറിവിളികളോട് നടി ലക്ഷ്മി പ്രിയ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ബെംഗളൂരു ജീവിതം കൈപ്പൊള്ളിക്കും; വെള്ളം മുതൽ വൈദ്യുതി വരെ എല്ലാത്തിനും നാളെ മുതൽ വില ഉയരും
Click it and Unblock the Notifications
Sign in with Google