മോക്ക ചുഴലിക്കാറ്റ് മ്യാന്മര്-ബംഗ്ലാദേശ് തീരങ്ങളില്, കനത്ത ജാഗ്രത നിര്ദ്ദേശം
ദില്ലി: അതിതീവ്രമായ മോക്ക ചുഴലിക്കാറ്റ് മ്യാന്മര്-ബംഗ്ലാദേശ് തീരങ്ങളിലേക്ക് അടുക്കുകയാണെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. കനത്ത മഴയ്ക്ക് സാധ്യതയുണ്ടെന്നും 190 മുതല് 210 കിലോ മീറ്റര് വേഗത്തില് കാറ്റി വീശാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു. ബംഗ്ലാദേശിനെയും മ്യാന്മറിനെയും വിഭജിക്കുന്ന നാഫ് നദിയിലൂടെ കടന്നുപോകുന്നതിന് മുമ്പ് ഉച്ചയ്ക്ക് ശേഷം ടെക്നാഫ് തീരത്ത് ശക്തമായ ചുഴലിക്കാറ്റ് കരയില് എത്തി.
വടക്ക്-വടക്കുകിഴക്ക് ദിശയിലേക്ക് നീങ്ങി തെക്കുകിഴക്കന് ബംഗ്ലാദേശ്, വടക്കന് മ്യാന്മര് തീരങ്ങള്, കോക്സ് ബസാര് (ബംഗ്ലാദേശ്), ക്യാവ്പ്യു (മ്യാന്മര്) എന്നിവയ്ക്ക് ഇടയില്, സിറ്റ്വെയ്ക്ക് (മ്യാന്മര്) അടുത്തേക്ക് ഏതാനും മണിക്കൂറുകള്ക്കുള്ളില് ശക്തമായ ചുഴലിക്കാറ്റായി മാറാന് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്.
പശ്ചിമ ബംഗാളിലെ പുര്ബ മേദിനിപൂര്, സൗത്ത് 24 പര്ഗാനാസ് ജില്ലകളിലെ തീരപ്രദേശങ്ങളില് ദുരന്തനിവാരണ സേനാ ഉദ്യോഗസ്ഥര് ജാഗ്രതയില് തുടരുകയാണ്. പ്രദേശത്ത് ആളുള്ക്ക് ജാഗ്രതാ നിര്ദ്ദേശം നല്കിയിട്ടുണ്ട്. കടല് പ്രക്ഷുബ്ധമായതിനെത്തുടര്ന്ന് പുര്ബ മേദിനിപൂര് ജില്ലയിലെ ദിഘ-മന്ദാര്മണി തീരപ്രദേശങ്ങളില് മുങ്ങല് വിദഗ്ധര് ഉള്പ്പെടെ ഏഴ് സംഘങ്ങളെ വിന്യസിച്ചിട്ടുണ്ട്.
മത്സ്യതൊഴിലാളി ജാഗ്രത നിര്ദേശം
കേരള - കര്ണാടക തീരങ്ങളില് മത്സ്യബന്ധനത്തിന് തടസ്സമില്ലെന്നും ലക്ഷദ്വീപ് തീരത്ത് മത്സ്യബന്ധനത്തിന്പോകാന്പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
15-05-2023: ലക്ഷദ്വീപ് തീരം അതിനോട് ചേര്ന്നുള്ള തെക്ക് കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കി.മീ. വരെ വേഗതയിലും ചില അവസരങ്ങളില് മണിക്കൂറില് 60 കി.മീ വരെ വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
പ്രത്യേക ജാഗ്രതാ നിര്ദേശം
ബംഗാള് ഉള്ക്കടലില് 'മോഖ' അതി തീവ്ര ചുഴലിക്കാറ്റ് രൂപപെട്ടതിനാല് തമിഴ്നാട് തീരം, കന്യാകുമാരി പ്രദേശം, ഗള്ഫ് ഓഫ് മാന്നാര്, ശ്രീലങ്കന് തീരം എന്നിവിടങ്ങളില് മണിക്കൂറില് 60 കി.മീ. വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മല്സ്യ ബന്ധനത്തിനായി പോകാന് പാടുള്ളതല്ല. കൂടാതെ ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് ഇനിയൊരു അറിയിപ്പുണ്ടാകുന്നത് വരെ മല്സ്യബന്ധനത്തിനായി പോകാന് പാടുള്ളതല്ല.
അതേസമയം, കേരളത്തിലും മഴയ്ക്ക് സാധ്യതയുണ്ട്. ഈ സാഹചര്യത്തില് വിവിധ ജില്ലകളില് മുന്നറിയിപ്പ് പ്രഖ്യാപിച്ചിട്ടുണ്ട്. കേന്ദ്ര കാലാവസ്ഥാവകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം ഇങ്ങനെയാണ്.
വിവിധ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖാപിച്ചിരിക്കുന്നു
17-05-2023: പത്തനംതിട്ട, ഇടുക്കി
എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചിരിയ്ക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
Click it and Unblock the Notifications
Sign in with Google