സിക്കിം അതിര്ത്തി തര്ക്കത്തെ രാഷ്ട്രീയ ലക്ഷ്യത്തിനായി ഉപയോഗിക്കരുതെന്ന് ചൈനീസ് മുന്നറിയിപ്പ്
അതിര്ത്തി തര്ക്കത്തെ രാഷ്ട്രീയ ലക്ഷ്യത്തിന് വേണ്ടി ഉപയോഗിക്കരുതെന്ന് ചൈന
ബീംജിങ്: സിക്കിം സെക്ടറിലെ ഡോക് ല അതിര്ത്തി തര്ക്കത്തെ രാഷ്ട്രീയ ലക്ഷ്യത്തിന് വേണ്ടി ഉപയോഗിക്കരുതെന്ന് ചൈന. ഇന്ത്യന് സൈന്യം ഡോക് ലാമില് അതിക്രമിച്ച് കടന്നുവെന്ന് ആരോപിക്കുന്ന ചൈന എത്രയും പെട്ടെന്ന് പിന്വലിക്കണമെന്നും രാജ്യത്തോട് ആവശ്യപ്പെടുന്നു. ഇരു രാജ്യങ്ങളും തമ്മിലുള്ള സംഘര്ഷഷം ഒഴിവാക്കാന് സൈന്യത്തെ പിന്വലിക്കാനാണ് ചൈനീസ് നിര്ദേശം.
ഡോക് ലാം വിഷയത്തില് ഇന്ത്യ ബീജിംഗിലുള്ള നയതന്ത്ര ഉദ്യോഗസ്ഥരുമായി നിരന്തരം ബന്ധം പുലര്ത്തുന്നുണ്ടെന്നാണ് ഇന്ത്യന് വിദേശകാര്യമന്ത്രാലയം വ്യക്തമാക്കുന്നത്. ഭൂട്ടാന് ട്രൈ ജംങ്ഷനില് ഒരു മാസത്തോളമായി തുടരുന്ന അതിര്ത്തി തര്ക്കം ചര്ച്ചയിലൂടെ പരിഹരിക്കാമെന്ന നിര്ദേശം ഇന്ത്യ ആദ്യം മുതല് തന്നെ മുന്നോട്ടുവച്ചെങ്കിലും ഇന്ത്യ സൈന്യത്തെ പിന്വലിക്കാതെ ചര്ച്ചയ്ക്കില്ലെന്നാണ് ചൈന ആദ്യം മുതല് തന്നെ വ്യക്തമാക്കിയിരുന്നു.
ഇന്ത്യ പിന്നോട്ടില്ല
സിക്കിം സെക്ടറിലെ ഡോക് ലാമില് ചൈനയുടെ പീപ്പിള്സ് ലിബറേഷന് ആര്മിയുടെ റോഡ് നിര്മാണത്തെച്ചൊല്ലി ഉടലെടുത്ത പ്രശ്നങ്ങളാണ് ഇന്ത്യയ്ക്കും ചൈനയ്ക്കും ഇടയില് ഒരു മാസമായി നിലനില്ക്കുന്ന അതിര്ത്തി തര്ക്കം. ചൈനയുടെ റോഡ് നിര്മാണം ഇന്ത്യന് വടക്കേന്ത്യന് സംസ്ഥാനങ്ങളിലേയ്ക്കുള്ള പ്രവേശനത്തെ തടസ്സപ്പെടുത്തുമെന്നാണ് ഇന്ത്യ ഭയക്കുന്നത്. അതിനാല് ഡോക് ലാമില് നിന്ന് സൈന്യത്തെ പിന്വലിക്കാനോ പിന്വലിയാനോ ഇന്ത്യയ്ക്ക് നീക്കമില്ല.
ഇന്ത്യ- ചൈന അതിര്ത്തി
ഇന്ത്യ- ചൈന അതിര്ത്തി കൃത്യമായി നിര്ണയിക്കപ്പെട്ടിട്ടുള്ളതാണെന്നും ചൈനയ്ക്ക് പരമാധികാരമുള്ള ഭൂപ്രദേശത്ത് ഇന്ത്യ കടന്നുകയറിയതാണെന്നുമുള്ള നിലപാടില് ഉറച്ചുനില്ക്കുകയാണ് ചൈന. ഇന്ത്യ ഡോക് ലാമില് അതിക്രമിച്ചു കടന്നിട്ടുള്ളത് രാഷ്ട്രീയ ലക്ഷ്യം നേടുന്നതിന് വേണ്ടിയാണെന്നും ചൈന ആരോപിക്കുന്നു. നിലവിലെ സാഹചര്യം മനസ്സിലാക്കി ഇന്ത്യ സൈന്യത്തെ പിന്വലിക്കുനമെന്നാണ് കരുതുന്നതെന്നും ചൈന പറയുന്നു.
യുദ്ധത്തെ ചൈന ഭയക്കുന്നില്ല
സിക്കിമിലെ അതിര്ത്തി തര്ക്കം യുദ്ധത്തിലെത്തുന്നതിനെ ഭയക്കുന്നില്ലെന്ന് ചൈന കഴിഞ്ഞ ദിവസം വ്യക്തമാക്കിയിരുന്നു. ചൈനീസ് മാധ്യമമാണ് ചൈന പരമാധികാരം രക്ഷിക്കുന്നതിനാണ് പ്രാധാന്യം നല്കുന്നതെന്ന് വ്യക്തമാക്കിയത്. യുദ്ധത്തിന് തങ്ങള് തയ്യാറായിക്കഴിഞ്ഞുവെന്നും, യുദ്ധത്തെ ഭയക്കുന്നില്ലെന്നും യുദ്ധത്തിന്റെ ഭവിഷ്യത്തുകള് നേരിടാന് തയ്യാറാണെന്നും ഗ്ലോബല് ടൈംസാണ് വ്യക്തമാക്കിയത്.
പ്രശ്നം ശൈത്യകാലം വരെ
ഇന്ത്യയും ചൈനയും തമ്മില് അതിര്ത്തി തര്ക്കം നിലനില്ക്കുന്ന സാഹചര്യത്തില് ഡോക് ലയില് നിന്ന് ഇന്ത്യ സൈന്യത്തെ പിന്വലിച്ചില്ലെങ്കില് തര്ക്കം അടുത്ത ശൈത്യകാലം വരെ നീണ്ടുനില്ക്കുമെന്നാണ് ഇന്സ്റ്റിറ്റ്യൂട്ട് ഓഫ് സൗത്ത് ആന്ഡ് സൗത്ത് ഈസ്റ്റ് ഏഷ്യന് ഓഷ്യാനിക് സ്റ്റഡീസിന്റെ ഡയറക്ടര് ഹു ഷിഷെങ് വ്യക്തമാക്കിയത്. ഇരു രാജ്യങ്ങള്ക്കും ഒരുമിച്ചിരുന്ന് ചര്ച്ച ചെയ്യാനും വാഗ് വാദം നടത്താനുമുള്ള സാഹചര്യങ്ങള് ഇപ്പോഴില്ലെന്നും അദേഹം വ്യക്തമാക്കുന്നു.
ഇന്ത്യന് സൈന്യം പിന്മാറുമോ!!
ശൈത്യകാലത്ത് കാലാവസ്ഥ മോശമാകുന്നതോടെ ഡോക് ലയില് നിന്ന് ഇന്ത്യന് സൈന്യം പിന്നോ
ട്ട് പോകുമെന്നാണ് ഹു ഷിഷെങ് വിലയിരുത്തുന്നത്. തണുപ്പ് അസഹ്യമാകുന്നതോടെ ചൈനീസ് സൈന്യവും പ്രദേശത്തുനിന്ന് പിന്വലിയുമെന്നാണ് കരുതുന്നത്. പ്രശ്നം പരിഹരിക്കുന്നതിന് പകരം ഇരു രാജ്യങ്ങളിലേയും സോഷ്യല് മീഡിയ പ്ലാറ്റ്ഫോമുകള് എരിതീയില് എണ്ണയൊഴിക്കുന്ന നയമാണ് സ്വീകരിക്കുന്നതെന്നും അദ്ദേഹം ആരോപിക്കുന്നു.
ചൈനീസ് സൈന്യം ഡോക് ലാമില്
സിക്കിം- ടിബറ്റ്- ഭൂട്ടാന് എന്നീ പ്രദേശങ്ങള് കൂടിച്ചേരുന്ന ഡോക് ലാമില് ചൈനയുടെ പീപ്പിള്സ് ലിബറേഷന് ആര്മി നടത്തിയ റോഡ് നിര്മാണം ഇന്ത്യന് സൈന്യം തടസ്സപ്പെടുത്തിയതാണ് പ്രശ്നങ്ങള്ക്ക് വഴിവെച്ചതെന്നാണ് ചൈനീസ് വാദം. നാഥുലാ ചുരം വഴിയുള്ള കൈലാസ്- മാനസസരോവര് തീര്ഥാടകരെ ചൈനീസ് സൈന്യം തടഞ്ഞതും ചൈനയുടെ നീക്കത്തെക്കുറിച്ച് സംശയം ജനിപ്പിക്കുന്നതാണ്.
പഞ്ചശീല തത്വം ലംഘിച്ചുവെന്ന് വാദം
ചൈന സിക്കിം അതിര്ത്തിയിലെ ഇന്ത്യയുടെ നീക്കങ്ങള് 1954ല് ഇന്ത്യയും ചൈനയും ഒപ്പുവച്ചിട്ടുള്ള പഞ്ചശീല തത്വങ്ങളുടെ ലംഘനമാണെന്നാണ് ചൈന ഉന്നയിക്കുന്ന വാദം. സിക്കിം സെക്ടറിലെ ഡോക് ലയില് നിന്ന് ഇന്ത്യന് സൈന്യത്തെ പിന്വലിച്ച് ഇന്ത്യ തെറ്റുതിരുത്തണമെന്നുമാണ് ചൈന ഉന്നയിക്കുന്ന ആവശ്യം. ഇന്ത്യയുടെ കടന്നുകയറ്റം രാജ്യാന്തര നിയമങ്ങളുട അന്തസത്തയ്ക്ക് വിരുദ്ധമാണെന്നും സമാധാനപരമായി ചേര്ന്നുപ്രവര്ത്തിക്കുന്നചതിന് വേണ്ടിയാണ് പഞ്ചശീല തത്വങ്ങള് ഒപ്പുവച്ചതെന്നും ചൈന ഓര്മിപ്പിക്കുന്നു.
ഇന്ത്യയുടെ വാദത്തിനെതിരെ ചൈന
ചൈന ഡോക് ല മൂന്ന് രാജ്യങ്ങളുമായി അതിര്ത്തി പങ്കിടുന്ന പ്രദേശമല്ലെന്നും ചൈന ഡോക് ലയില് റോഡ് നിര്മിക്കുന്നത് 1890 ല് ബ്രിട്ടീഷുകാര് ഭരണകൈമാറ്റം നടത്തുമ്പോള് ഒപ്പുവച്ചിട്ടുള്ള കരാര് പ്രകാരമാണെന്നുമാണ് ചൈന ഉന്നയിക്കുന്ന വാദങ്ങള്. ചൈനയുടെ റോഡ് നിര്മാണം ഏഴ് വടക്കുകിഴക്കന് സംസ്ഥാനങ്ങളിലേയ്ക്കും സിക്കിമിലേയ്ക്കുമുള്ള പ്രവേശനത്തിന് വിഘാതമാകുമെന്നാണ് ഇന്ത്യയുടെ വാദം.
ഡോക് ല വിട്ടുള്ള കളിയില്ല
ഇന്ത്യ- ചൈന- ഭൂട്ടാന് എന്നീ മൂന്ന് രാജ്യങ്ങളുമായും അതിര്ത്തി പങ്കിടുന്ന ഡോക് ല മൂന്ന് രാജ്യങ്ങള്ക്കും ഒരുപോലെ പ്രധാനപ്പെട്ടതാണ്. ഡോക് ല വിട്ടുകൊടുക്കാനാവില്ലെന്ന് ഇന്ത്യ നേരത്തെ തന്നെ വ്യക്തമാക്കിയിട്ടുണ്ട്. ഡോക് ല പ്രദേശത്തിന്റെ നിയന്ത്രണം ഇന്ത്യയ്ക്ക് നഷ്ടപ്പെടുന്നതോടെ ബംഗാളിലെ സിലിഗുഡി വരെ ചൈനയ്ക്ക് എത്താനുള്ള സാഹചര്യമാണുണ്ടാവുക. ഇത് ഇന്ത്യയെ സംബന്ധിച്ച് ആശങ്കയ്ക്കിടയാക്കുന്നു.
സിലിഗുഡി ഇന്ത്യയ്ക്ക് നിര്ണ്ണായകം
ഇന്ത്യയുടെ മറ്റ് ഭാഗങ്ങളെ വടക്കുകിഴക്കന് സംസ്ഥാനങ്ങളുമായി ബന്ധിപ്പിക്കുന്ന ഇടനാഴിയാണ് സിലിഗുഡി പ്രദേശം. ചൈന ഡോക് ല പ്രദേശത്തിന്റെ നിയന്ത്രണം കൈക്കലാക്കുന്നതോടെ സിലിഗുഡി ആക്രമിച്ച് ഇന്ത്യയെ വടക്കേന്ത്യന് സ സംസ്ഥാനങ്ങളില് നിന്ന് ഇന്ത്യയെ ഒറ്റപ്പെടുത്താന് ചൈനയ്ക്ക് കഴിയും. ഇത്തരത്തിലുള്ള അടിന്തര സാഹചര്യങ്ങള് ഒഴിവാക്കുന്നതിന് വേണ്ടിയാണ് ഇന്ത്യയുടെ കയ്യില് നിന്ന് ഡോക് ലയുടെ നിയന്ത്രണം നഷ്ടമാവാതിരിക്കാന് ജാഗ്രത പുലര്ത്തുന്നതിന് സര്ക്കാര് സൈന്യത്തിന് നിര്ദേശം നല്കിയിട്ടുള്ളത്.
ഇന്ത്യയെയും ഭൂട്ടാനെയും തെറ്റിയ്ക്കാന്!!
ഡോക് ലാ പ്രദേശത്തിന്റെ നിയന്ത്രണം ചൈനയുടെ കയ്യിലാവുന്നത് തടയുന്നതിന് വേണ്ടിയാണ് ഭൂട്ടാനെ പിന്തുണച്ച് ഇന്ത്യ കൂടെ നിര്ത്തുന്നത്. ഇതിനിടെ ഇന്ത്യ- ഭൂട്ടാന് ഉഭയകക്ഷി ബന്ധത്തില് വിള്ളലുണ്ടാക്കാനുള്ള ശ്രമവും ചൈന നടത്തിവരുന്നുണ്ട്. ഭൂട്ടാനും ചൈനയും തമ്മിലുള്ള അതിര്ത്തി തര്ക്കത്തില് ഇന്ത്യ ഇടപെടേണ്ടതില്ലെന്ന് ഇന്ത്യയിലെ ചൈനീസ് അംബാസഡര് മുന്നറിയിപ്പ് നല്കിയതിന് പിന്നിലും ഈ സൂചനകള് ഒളിഞ്ഞു കിടപ്പുണ്ട്.
അതിര്ത്തികള് പഴയത് തന്നെ
ഭൂട്ടാനും ചൈനയുമായി തര്ക്കത്തിലുള്ള പ്രദേശമാണ് സിക്കിമിലെ ഡോക് ല. അതിര്ത്തി തര്ക്കത്തില് അന്തിമ തീരുമാനത്തിലെത്താതെ കിടക്കുന്നുണ്ടെങ്കിലും മേഖലയില് ഇതുവരെയും ഇരു രാജ്യങ്ങളും തമ്മില് പറയത്തക്ക സമാധാന പ്രശ്നങ്ങളോ തര്ക്കങ്ങളോ ഉടലെടുത്തിരുന്നില്ലെന്ന് ഭൂട്ടാന് അംബാഡര് വെസ്റ്റോപ്പ് നാംഗ്യേല് പറഞ്ഞു. കരാര് പ്രകാരം ഇരു രാജ്യങ്ങളും നിലവിലുള്ള സ്ഥിതി തുടരണമെന്നാണ് ചട്ടം. ഡോക് ലാമിലെ സോമ്പ്ലിരിയിലുള്ള ഭൂട്ടാന് സൈനിക ക്യാമ്പിന് സമീപത്തേയ്ക്ക് ചൈന നടത്തുന്ന റോഡ് നിര്മാണം ഉടന് നിര്ത്തിവയ്ക്കാന് കഴിഞ്ഞ ദിവസം ഭൂട്ടാന് ചൈനയോട് ആവശ്യപ്പെട്ടിരുന്നു.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google