സ്വാതന്ത്ര്യദിനത്തില് ഇന്ത്യക്ക് കിട്ടിയത് കല്ലേറ്!! ലഡാക്ക് സംഭവം ആസൂത്രിതം..? ഗതി കെട്ടാല്..?
ദില്ലി: ചൈനീസ് പ്രകോപനങ്ങള് അവസാനിക്കുന്നില്ല. സ്വാതന്ത്ര്യദിനത്തില് ഇന്ത്യക്ക് കിട്ടിയത് കല്ലേറ്. ബാലിശമെന്നു തോന്നാം. എന്നാലത് കുട്ടിക്കളിയായിരുന്നില്ല. ലഡാക്കിലെ പാന്ഗോങ് തടാകത്തിനു സമീപമുള്ള ഇന്ത്യന് അതിര്ത്തി അതിക്രമിച്ചു കടക്കാനുള്ള ചൈനയുടെ ശ്രമം ഇന്ത്യ പരാജയപ്പെടുത്തിയതിനെ തുടര്ന്നാണ് ഇരു വിഭാഗങ്ങളും തമ്മില് കല്ലേറ് നടന്നത്. ഡോക്ലാം സംഘര്ഷവുമായി അതിര്ത്തിയില് നടന്ന കല്ലേറിന് ബന്ധമുണ്ടെന്നാണ് ഇന്റലിജന്സ് വൃത്തങ്ങള് പറയുന്നത്.
ഇന്ത്യയും ചൈനയും തമ്മില് ഇപ്പോഴുള്ള സംഘര്ഷം വര്ദ്ധിപ്പിക്കുകയായിരുന്ന ചൈനയുടെ ലക്ഷ്യമെന്ന് ഇന്റലിജന്സ് വൃത്തങ്ങള് പറയുന്നതായി ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
ഡോക്ലാമുമായി ബന്ധം
ഡോക്ലാമില് എട്ട് ആഴ്ചയോളം തുടരുന്ന സംഘര്ഷവുമായി ലഡാക്ക് സംഭവത്തിനും ബന്ധമുണ്ടെന്നാണ് ഇന്റലിജന്സ് വൃത്തങ്ങള് നല്കുന്ന വിവരം. മുന്കൂട്ടി ആസൂത്രണം ചെയ്തതനുസരിച്ചാണ് ചൈനീസ് സൈന്യം നുഴഞ്ഞു കയറാന് ശ്രമിച്ചതെന്നും ഇവര് പറയുന്നു.
കല്ലേറ് ആദ്യം
ഇരു രാജ്യങ്ങളിലെയും സൈനികര് ലഡാക്കിലെ പാന്ഗോങ് തടാകത്തിനു സമീപം ഇതിനു മുന്പും മുഖാഭിമുഖം എത്തിയിട്ടുണ്ട്. എന്നാല് ഇതാദ്യമായിട്ടാണ് പരസ്പരം കല്ലെറിഞ്ഞ് ആക്രമിക്കുന്നത്. കല്ലേറില് ഇരു വിഭാഗത്തിലെയും സൈനികര്ക്ക് ചെറിയ തോതില് പരിക്കേറ്റതായാണ് റിപ്പോര്ട്ട്.
പീപ്പിള് ലിബറേഷന് ആര്മി
ചൈനയുടെ പീപ്പിള് ലിബറേഷന് ആര്മിയുടെ സൈനികരാണ് അതിര്ത്തിയില് കടന്നു കയറാന് ശ്രമിച്ചത്. ചൊവ്വാഴ്ച രാവിലെ ആറിനും ഒമ്പതിനുമിടയിലായിരുന്നു ചൈനീസ് സൈന്യത്തിന്റെ കടന്നു കയറ്റ ശ്രമം. രണ്ട് തവണ കടന്നു കയറാന് ശ്രമിച്ചപ്പോള് ഇന്ത്യന് സൈന്യം കൃത്യമായി പ്രതികരിക്കുകയായിരുന്നു.
ഇന്ത്യ തടഞ്ഞത് ഇങ്ങനെ
അരമണിക്കൂറോളം ഇരുവിഭാഗങ്ങളും തമ്മില് രൂക്ഷമായ കല്ലേറുണ്ടായി. പെന്ഗോങ് തടാകത്തിനു തീരത്തു കൂടി നുഴഞ്ഞു കയറാന് ശ്രമിക്കുന്നതിനിടെയായിരുന്നു കല്ലേറ്. മനുഷ്യമതില് തീര്ത്താണ് ഇന്ത്യ ചൈനീസ് നുഴഞ്ഞു കയറ്റ ശ്രമത്തെ തടഞ്ഞത്. ശ്രമം പരാജയപ്പെട്ടതോടെയാണ് കല്ലേറ് ആരംഭിച്ചത്. രണ്ട് തവണ പീപ്പിള് ലിബറേഷന് ആര്മി സൈനികര് കടന്നു കയറാന് ശ്രമിച്ചതായാണ് സൈനിക വൃത്തങ്ങള് നല്കുന്ന വിവരം.
എട്ട് ആഴ്ച
ഡോക്ലാം സംഘര്ം ആരംഭിച്ച് ഏട്ട് ആഴ്ചകള് പിന്നിടുമ്പോഴും പരിഹാരം കാണാനാകാതെ ഇന്ത്യയും ചൈനയും. ചൈന നിരന്തരം മുന്നറിയിപ്പുകളും താക്കീതുകളുമായി രംഗത്തെത്തുമ്പോള് പ്രശ്നത്തിന് ചര്ച്ചയിലൂടെ പരിഹാരം കാണാമെന്ന പ്രതീക്ഷയിലാണ് ഇന്ത്യ ഇപ്പോഴും. അപ്പോഴും ശീതക്കാറ്റും തണുപ്പും വകവെയ്ക്കാതെ ഇരു രാജ്യങ്ങളുടെയും സൈനികര് അതിര്ത്തി കാക്കുകയാണ്.
ഡോക് ലാം പ്രശ്നം
ഇന്ത്യ-ചൈന-ഭൂട്ടാന് അതിര്ത്തി പ്രദേശമായ ഡോക് ലയില് ചൈന നടത്തുന്ന റോഡുനിര്മ്മാണവുമായി ബന്ധപ്പെട്ട് കഴിഞ്ഞ എട്ട് ആഴ്ചയായി ഈ മേഖലയില് സംഘര്ഷം നടന്നുവരികയാണ്. തര്ക്ക പ്രദേശത്തെ ഭൂട്ടാന് ഡോക്ലാം എന്നാണ് വിളിക്കുന്നത്. ചൈനക്ക് ഈ പ്രദേശം ഡോങ്ഗ്ലാങ്ങ് ആണ്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google