Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
റിയാദ് സമ്മേളനത്തിലേക്ക് ജിസിസി രാജ്യങ്ങളെ ക്ഷണിച്ച് സൗദി, യുഎഇ അടക്കമുള്ളവര്‍ പങ്കെടുക്കും!!
റിയാദ്: ജിസിസിയുടെ വാര്‍ഷിക സമ്മേളനത്തിലേക്ക് പ്രമുഖ ഗള്‍ഫ് രാജ്യങ്ങളെ ക്ഷണിച്ച് സൗദി അറേബ്യ. ഇത്തവണ സമ്മേളനം നടക്കുന്നത് റിയാദിലാണ്. ജനുവരി അഞ്ചിനാണ് സമ്മേളനം ആരംഭിക്കുക. ജിസിസി സെക്രട്ടറി ജനറലിനോട് എല്ലാ ജിസിസി നേതാക്കളെയും സമ്മേളത്തിലേക്ക് ക്ഷണിക്കാന്‍ ആവശ്യപ്പെട്ടിട്ടുണ്ട് സൗദി രാജാവ് സല്‍മാന്‍ ബിന്‍ അബ്ദുള്‍അസീസ്. കൊവിഡ് കാലത്ത് സമ്മേളനം നടത്താനുള്ള ഗള്‍ഫ് നേതാക്കളുടെ ദൃഢനിശ്ചയത്തെ സൗദി അഭിനന്ദിച്ചു.
ഗള്‍ഫിലെ രാജ്യങ്ങള്‍ക്കിടയിലെ സഹകരണം വര്‍ധിപ്പിക്കാനും പരസ്പരം തെറ്റുകള്‍ തിരുത്താനും ശക്തിപ്പെടാനും വേണ്ടിയാണ് ഈ ചര്‍ച്ചകള്‍ നടക്കുന്നത്. അത് ഗള്‍ഫിലെ ഓരോ പൗരനും ഗുണം ചെയ്യുമെന്നും ജിസിസി സെക്രട്ടറി ജനറല്‍ നയേഫ് ഫലാ അല്‍ ഹജ്‌റാഫ് പറഞ്ഞു. ജിസിസി അഞ്ചാം ദശാബ്ദത്തിലേക്ക് കടക്കുകയാണ്. ഓരോ അംഗരാജ്യവും സാമ്പത്തികമായി ശക്തിപ്പെടുത്തുകയും, വ്യാപാര സാധ്യത വര്‍ധിപ്പിക്കുകയും ചെയ്യുന്നതാണെന്നും, അത് ഇക്കാലത്ത് കൂടുതല്‍ പ്രസക്തമാണെന്നും ഹജ്രാഫ് പറഞ്ഞു.
അതേസമയം സല്‍മാന്‍ രാജാവ് യുഎഇ ഭരണാധികാരി ഷെയ്ഖ് ഖലീഫ ബിന്‍ സയ്യിദ് അല്‍ നഹ്യാനെ വ്യക്തിപരമായി സമ്മേളനത്തിലേക്ക് ക്ഷണിച്ചിട്ടുണ്ട്. ശനിയാഴ്ച്ചയാണ് ഈ സന്ദേശം ലഭിച്ചത്. സഹകരണം മെച്ചപ്പെടുത്തുന്നതിനെ കുറിച്ചാണ് ഇവര്‍ സംസാരിച്ചത്. ജിസിസി രാജ്യങ്ങള്‍ ഗള്‍ഫ് മേഖലയിലെ സഹകരണത്തിനായി പല കാര്യങ്ങളും ചെയ്‌തെന്നും, അത് അഭിനന്ദനാര്‍ഹമാണെന്നും ഹജ്രാഫ് പറഞ്ഞു.
സൗദി അറേബ്യ, യുഎഇ, ബഹ്‌റൈന്‍, കുവൈത്ത്, ഒമാന്‍, ഖത്തര്‍ എന്നീ രാജ്യങ്ങള്‍ അടങ്ങുന്നതാണ് ജിസിസി. അതേസമയം മേഖല നേരിടുന്ന വെല്ലുവിളികളെ നേരിടാന്‍ സൗദി അറേബ്യയുടെ നേതൃത്വത്തില്‍ ജിസിസി രാജ്യങ്ങള്‍ ആത്മവിശ്വാസം പ്രകടിപ്പിച്ചു. അതേസമയം ഇത്തവണത്തെ ജിസിസി വാര്‍ഷിക സമ്മേളനത്തില്‍ വളരെയേറെ പ്രസക്തിയുണ്ട്. സാമ്പത്തിക പ്രതിസന്ധികള്‍ ഗള്‍ഫ് മേഖലയിലും ശക്തമാണ്. കൂടുതല്‍ ശക്തായ സാമ്പത്തിക പരിഷ്‌കരണങ്ങള്‍ക്ക് ജിസിസി രാജ്യങ്ങള്‍ നിര്‍ദേശിക്കുമോ എന്നാണ് അറിയാനുള്ളത്.
