ബസിന് പിന്നിലിടിച്ച ബൈക്ക് കത്തിച്ചാമ്പലായി; യുവാവ് അത്ഭുതകരമായി രക്ഷപ്പെട്ടു
ചക്കരക്കല്: ചക്കരക്കല് പൊലിസ് സ്റ്റേഷന് പരിധിയിലെ മതുക്കോത്ത് നിയന്ത്രണം വിട്ട് ബസിനു പുറകിലിടിച്ച ബൈക്ക് കത്തിയമര്ന്നത് യാത്രക്കാരിലും പ്രദേശവാസികളിലും പരിഭ്രാന്തി പരത്തി. കണ്ണൂര്- ഇരിട്ടി റോഡിലെ പ്രധാന ജങ്ഷനായ മതുക്കോത്താണ് സ്വകാര്യബസും ബൈക്കും കൂട്ടിയിടിച്ച് ബൈക്ക് പൂര്ണമായി കത്തിച്ചാമ്പലായത്.
റോഡിലേക്ക് മറിഞ്ഞുവീണ ബൈക്കില് നിന്നും തെറിച്ചുവീണ യാത്രക്കാരന് തീയും പുകയും ഉയരുന്നത് കണ്ട് ഓടി രക്ഷപ്പെട്ടു. ബൈക്ക് കത്തുന്നതു കണ്ടു അപകടത്തില്പ്പെട്ട ബസിലെ യാത്രക്കാരും മറ്റുവാഹനങ്ങളില് അതുവഴി വന്നവരും ഇറങ്ങിയോടി രക്ഷപ്പെട്ടു. കണ്ണൂരില് ഇരിട്ടി ഭാഗത്തേക്ക് പോകുന്ന ജയ്സണ് ബസും വട്ടക്കുളം സ്വദേശി റിത്വിക്കിന്റെ ബൈക്കും മതുക്കോത്തുവെച്ചാണ് അപകടത്തില്പ്പെട്ടത്.
ബസിന്റെ പുറകിലിടിച്ച ബൈക്കിന്റെ ടാങ്കിന് തീപിടിക്കുകയും ബൈക്ക് കത്തി നശിക്കുകയുമായിരുന്നു. ബൈക്ക് യാത്രക്കാരനായ റിത്വിക്ക് ഓടിരക്ഷപ്പെട്ടതിനാല് വന്ദുരന്തം ഒഴിവായി. ഇയാള്ക്ക് നിസാര പരിക്കേറ്റിട്ടുണ്ട്. ഷോര്ട്ട്സര്ക്യൂട്ട് കാരണമാണ് ബൈക്കിന് തീപിടിച്ചതെന്നു കരുതുന്നു. വിവരമറിഞ്ഞ് ചക്കരക്കല് പൊലിസും കണ്ണൂരില് നിന്നും ഫയര്ഫോഴ്സും സ്ഥലത്തെത്തി.
വ്യാഴാഴ്ച്ച ഉച്ചയ്ക്ക് രണ്ട് മണിയോടെയാണ് അപകടമുണ്ടായത്. അപകടത്തെ തുടര്ന്ന് ഈ റൂട്ടില് മണിക്കൂറുകളോളം ഗതാഗതം മുടങ്ങി. അപകടത്തില് ബൈക്ക് പൂര്ണമായും കത്തിനശിച്ചിട്ടുണ്ട്. അപകടത്തില് പരുക്കേറ്റ ബൈക്ക് യാത്രക്കാരനായ വട്ടക്കുളം സ്വദേശി റിത്വിക്കിനെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു. സംഭവത്തെ കുറിച്ചു പൊലിസ് അന്വേഷണമാരംഭിച്ചിട്ടുണ്ട്.
ബൈക്ക് അമിത വേഗതയിലാണോ സഞ്ചരിച്ചതെന്നറിയാന് പ്രദേശത്തെ സി.സി.ടി.വി ക്യാമറകള് പൊലിസ് പരിശോധിക്കും. ഒരാഴ്ച്ച മുന്പ് കണ്ണൂര് നഗരത്തിലെ കണ്ണോത്തും ചാലില് കല്യാണ് സില്ക്സിന്റെ മുന്വശം റോഡരികില് നിര്ത്തിയിട്ട കാര് കത്തിനശിച്ചിരുന്നു. പുതിയതെരുവിലും വളപട്ടണത്തും ഇതിനു സമാനമായി കാറുകള് കത്തിനശിച്ചിരുന്നു. കൂത്തുപറമ്പ് തൊക്കിലങ്ങാടി പാലപ്പറമ്പില് ഒരുവര്ഷം മുന്പ് ഓടിക്കൊണ്ടിരുന്ന ബൈക്കിന് തീപിടിച്ചു ഗുരുതരമായി പൊളളലേറ്റ യുവാവ് ചികിത്സയ്ക്കിടെ മരിച്ചിരുന്നു.
സംഭവസ്ഥലത്ത് ഫോറന്സിക് വിഭാഗം പരിശോധന നടത്തും. ബസിന്റെ പിന്ഭാഗത്ത് സാരമായ കേടുപാടുകള് പറ്റിയിട്ടില്ല. തലനാരിഴയ്ക്കാന് വന്ദുരന്തമൊഴിവായതെന്ന് ദൃക്സാക്ഷികളായ വ്യാപാരികളും നാട്ടുകാരും പറഞ്ഞു. വാഹനങ്ങളുടെ പരക്കം പാച്ചില് ഈ റൂട്ടില് നിരന്തരം അപകടമുണ്ടാക്കുന്നുവെന്ന പരാതിയും നാട്ടുകാര്ക്കുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google