24 പ്രദേശങ്ങളെ ഹോട്ട് സ്പോട്ടില് നിന്ന് ഒഴിവാക്കി; 24 മണിക്കൂറിനിടെ പരിശോധിച്ചത് 67000 സാമ്പിള്
തിരുവനന്തപുരം: കേരളത്തില് ഇന്ന് 6000ഓളം പേര്ക്ക് കൊറോണ രോഗം സ്ഥിരീകരിച്ചു. മലപ്പുറം, തൃശൂര് ജില്ലകളിലാണ് കൂടുതല്. 24 മണിക്കൂറിനിടെ 67000 സാമ്പിളുകളാണ് പരിശോധിച്ചത്. ഇന്ന് 4 പുതിയ ഹോട്ട് സ്പോട്ടുകളാണുള്ളത്. കൊല്ലം ജില്ലയിലെ ഏരൂര് (കണ്ടെന്മെന്റ് സോണ് വാര്ഡ് 5, 10, 11, 12, 14), കുളക്കട (12), ഇടുക്കി ജില്ലയിലെ കാമാക്ഷി (11 (സബ് വാര്ഡ്), 12), പാലക്കാട് ജില്ലയിലെ പരുതൂര് (2) എന്നിവയാണ് പുതിയ ഹോട്ട് സ്പോട്ടുകള്. 24 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ ആകെ 565 ഹോട്ട് സ്പോട്ടുകളാണുള്ളത്.
സംസ്ഥാനത്ത് ഇന്ന് 5722 പേര്ക്കാണ് കോവിഡ്-19 സ്ഥിരീകരിച്ചത്. മലപ്പുറം 862, തൃശൂര് 631, കോഴിക്കോട് 575, ആലപ്പുഴ 527, പാലക്കാട് 496, തിരുവനന്തപുരം 456, എറണാകുളം 423, കോട്ടയം 342, കൊല്ലം 338, കണ്ണൂര് 337, ഇടുക്കി 276, പത്തനംതിട്ട 200, കാസര്ഗോഡ് 145, വയനാട് 114 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 67,017 സാമ്പിളുകളാണ് പരിശോധിച്ചത്. 26 മരണങ്ങള് സ്ഥിരീകരിച്ചു. ഇതോടെ ആകെ മരണം 1969 ആയി.
അമിത് ഷാ-രജനികാന്ത് ചര്ച്ച; ബിജെപി നോട്ടം മറ്റു 2 പ്രമുഖരിലും, തമിഴ്നാട്ടില് തിരക്കിട്ട നീക്കം
ഇന്ന് രോഗം സ്ഥിരീകരിച്ചവരില് 117 പേര് സംസ്ഥാനത്തിന് പുറത്ത് നിന്നും വന്നവരാണ്. 4904 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 643 പേരുടെ സമ്പര്ക്ക ഉറവിടം വ്യക്തമല്ല. മലപ്പുറം 836, തൃശൂര് 614, കോഴിക്കോട് 534, ആലപ്പുഴ 519, പാലക്കാട് 277, തിരുവനന്തപുരം 343, എറണാകുളം 283, കോട്ടയം 340, കൊല്ലം 331, കണ്ണൂര് 244, ഇടുക്കി 225, പത്തനംതിട്ട 117, കാസര്ഗോഡ് 134, വയനാട് 107 എന്നിങ്ങനേയാണ് സമ്പര്ക്കത്തിലൂടെ രോഗം ബാധിച്ചത്.
58 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 6860 പേരുടെ പരിശോധനാഫലം നെഗറ്റീവ് ആയി. 68,229 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 4,75,320 പേര് ഇതുവരെ കോവിഡില് നിന്നും മുക്തി നേടി. 2131 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.