ബഫര് സോണ്: പ്രതിഷേധം കനക്കുന്നു, മുഖ്യമന്ത്രിയുടെ നേതൃത്വത്തില് അടിയന്തര യോഗം
തിരുവനന്തപുരം: ബഫര് സോണുമായി ബന്ധപ്പെട്ട പ്രശ്നം ചര്ച്ച ചെയ്യുന്നതിന് നാളെ മുഖ്യമന്ത്രിയുടെ ചേബംറില് അടിയന്തയോഗം വിളിച്ചു. റവന്യൂ-വനം തദ്ദേശ മന്ത്രിമാര് പങ്കെടുക്കും. ബഫര് സോണ് വിഷയത്തില് സര്ക്കാര് പ്രസിദ്ധീകരിച്ച സര്വ്വേ റിപ്പോര്ട്ട് പൂര്ണവും അവ്യക്തമാണെന്ന് ആരോപിച്ച് പ്രതിപക്ഷ പാര്ട്ടികളുടെ പ്രതിഷേധം ശക്തമാകുന്നതിനിടെയാണ് മുഖ്യമന്ത്രി അടിയന്തര യോഗം വിളിച്ചത്.
പരിസ്ഥിതി ലോലമേഖലയില് ജനവാസ പ്രദേശങ്ങള് സംബന്ധിച്ച റിപ്പോര്ട്ട് സുപ്രീം കോടതിയില് സമര്പ്പിക്കുകയാണെന്ന് വിശദീകരിച്ച് വനം വകുപ്പ് മന്ത്രി എ കെ ശശീന്ദ്രന് പിന്നീട് മലക്കം മറിഞ്ഞു. റിപ്പോര്ട്ട് സുപ്രീം കോടതിയില് സമര്പ്പിച്ചാല് തിരിച്ചടി നേരിടേണ്ടിവരുമെന്നാണ് വിലയിരുത്തല്.
അതേസമയം, ബഫര് സോണുമായി ബന്ധപ്പെട്ട വിഷയത്തില് വിശദീകരണവുമായി മുഖ്യമന്ത്രി കഴിഞ്ഞ ദിവസം രംഗത്തെത്തിയിരുന്നു. ബഫര് സോണുമായി ബന്ധപ്പെട്ട ജനവാസ കേന്ദ്രങ്ങളിലുള്ളവര്ക്ക് പീഡയനുഭവിക്കാതെ സൈ്വരജീവിതം തുടരാന് കഴിയണമെന്ന നിലപാടാണ് സംസ്ഥാന സര്ക്കാറിനുള്ളതെന്ന് മുഖ്യമന്ത്രി പിണറായി വിജയന് പറഞ്ഞു. എന്നാല് ബഫര് സോണിന്റെ പേരില് വിവേചനമുണ്ടാക്കാനാണ് ചിലര് ശ്രമിക്കുന്നതെന്നും അദ്ദേഹം വ്യക്തമാക്കി.
ബഫര് സോണ് സംബന്ധിച്ച് സുപ്രീം കോടതിയുടെ ഉത്തരവ് എങ്ങിനെ ബാധിക്കുമെന്നത് ജനതാല്പര്യം മുന്നിര്ത്തി കോടതിയില് പറയാനും കേന്ദ്ര സര്ക്കാറിന്റെ ശ്രദ്ധയില്പെടുത്താനും സര്ക്കാര് തയ്യാറായി. നേരത്തെ കോടതി ഉത്തരവിന്റെ ഭാഗമായി ഒരു റിപ്പോര്ട്ട് നല്കേണ്ടതുണ്ടായിരുന്നു. അത് വേഗത്തിലാക്കാനാണ് ഉപഗ്രഹ സര്വെ നടത്തിയത്. സദുദ്ദേശം മാത്രമാണതിന് പിന്നില്
ഉപഗ്രഹ സര്വെയില് എല്ലാ കാര്യങ്ങളും ഉള്പ്പെട്ടിട്ടില്ല എന്ന ബോധ്യത്തെത്തുടര്ന്ന് സര്വെ ഫലം അന്തിമ രേഖയില്ലെന്ന നിലപാടെടുത്തു.
പ്രാദേശിക പ്രത്യേകതകള് പഠിക്കാന് ജസ്റ്റിസ് തോട്ടത്തില് അധിപനായി വിദഗ്ധ സമിതിയെ നിയോഗിച്ചു.തദ്ദേശ സ്വയംഭരണ സ്ഥാപനങ്ങള്ക്ക് വിവരങ്ങള് വാര്ഡടിസ്ഥാനത്തില് രേഖപ്പെടുത്താന് അവസരം നല്കി. ഇങ്ങനെ റിപ്പോര്ട്ട് കുറ്റമറ്റതാക്കാനുള്ള ശ്രമത്തിലാണ് സര്ക്കാര്. എന്നാല് ഇതൊന്നുമല്ല നടക്കുന്നതെന്ന് വരുത്തി തീര്ക്കാന് ചിലര് ശ്രമിക്കുന്നു. വ്യക്തമായ ഉദ്ദേശങ്ങളാണതിന് പിന്നില്. ഇത് തിരിച്ചറിയാന് കഴിയണം. നാടിന്റേയും ജനങ്ങളുടെയു താല്പര്യം സംരക്ഷിക്കാന് എല്ലാവരുടേയും പിന്തുണ വേണം മുഖ്യമന്ത്രി പറഞ്ഞു.
എന്നാല് ബഫര് സോണ് വിഷയത്തില് സര്ക്കാര് കള്ളക്കളി നടത്തുന്നത് ആര്ക്ക് വേണ്ടിയെന്ന് കോണ്ഗ്രസ് നേതാപ് രമേശ് ചെന്നിത്തല ചോദിച്ചു ഒളിച്ചുകളി അവസാനിപ്പിച്ച് പ്രശ്നത്തിന് അടിയന്തിര പരിഹാരമുണ്ടാക്കണം
സംസ്ഥാന റിമോട്ട് സെന്സിങ് ആന്ഡ് എന്വയോണ്മെന്റ് സെന്ന്റര് ഉപഗ്രഹ സര്വ്വേയിലൂടെ തയ്യാറാക്കിയ റിപ്പോര്ട്ട് ആശങ്ക ഉളവാക്കുന്നതാണ് ജനവാസമേഖലകള് ഉള്പ്പെടുന്നതും അശാസ്ത്രീയമായതുമായ ഉപഗ്രഹ സര്വെ സംബന്ധിച്ച പരാതികള് ഉയര്ന്നപ്പോള് തന്നെ പ്രശ്നം പരിഹരിച്ച് മുന്നോട്ട് പോകുകയാണ് വേണ്ടിയിരുന്നത് അതിന് പകരം വളരെ ചുരുങ്ങിയ സമയപരിധി അനുവദിച്ച് കാര്യങ്ങള് സര്ക്കാര് കൂടുതല് സങ്കീര്ണ്ണമാക്കി പരിസ്ഥിതിലോല മേഖലയില് പഞ്ചായത്ത് തല വിദഗ്ധ സമിതികള് രൂപീകരിച്ച് ഗ്രൗണ്ട് സര്വേയും പഠനവും നടത്തി വേണം ബഫര് സോണ് പരിധി സംബന്ധിച്ച റിപ്പോര്ട്ട് തയാറാക്കെണ്ടിയിരുന്നത്.ഗ്രൗണ്ടില് മാര്ക്ക് ചെയ്തു അടയാളപ്പെടുത്തലുകള് രേഖപ്പെടുത്തിയാല് മാത്രമെ ബഫര്സോണ് പരിധി കൂടുതല് സുതാര്യത വരുത്താന് സാധിക്കൂ
സ്ഥലപേരുകളും മറ്റും ഉള്പ്പെടുത്തി ലളിതമായി ജനങ്ങള്ക്ക് മനസിലാകും വിധം റിപ്പോര്ട്ടില് അടയാളപ്പെടുത്തുന്നതിന് പകരം പ്രദേശവാസികളെ വിശ്വാസത്തിലെടുക്കാതെ സര്ക്കാര് മുന്നോട്ട് പോയതാണ് ഇപ്പോഴത്തെ പ്രതിസന്ധിക്ക് കാരണം. ഇതി നിടയില് ഉപഗ്രഹ സര്വെ റിപ്പോര്ട്ടിന് മേല് വിദഗ്ധസമിതി മുന്പാകെ ലഭിക്കുന്ന എല്ലാ പരാതികളിലും തദ്ദേശ വകുപ്പിന്റെ സഹകരണത്തോടെ ഭൗതിക സ്ഥലപരിശോധന നടത്തുമെന്ന വനം മന്ത്രിയുടെ പ്രസ്ഥാവന വിശ്വാസയോഗ്യമല്ല .സംരക്ഷിത മേഖലയ്ക്കു ചുറ്റുമുള്ള ഭൂമിയുടെ ഉപയോഗം,ജനവാസമേഖലകള്, കൃഷി ഭൂമി, വ്യവസായങ്ങള്, അവയുടെ സ്വഭാവം, വാണിജ്യ പൊതുകെട്ടിടങ്ങള് എന്നിവ സംബന്ധിച്ചു പട്ടിക തയാറാക്കണമെന്ന സുപ്രീം കോടതി നിര്ദേശം പാലിക്കുന്നതിലും സര്ക്കാര് വീഴ്ച വരുത്തി .
കര്ഷകരുടെയും സാധാരണജനങ്ങളുടെയും ആശങ്ക പരിഹരിക്കാന് പിണറായി തയ്യാറാകാത്ത സാഹചര്യത്തില് യു.ഡി എഫ് ജനകീയപ്രക്ഷോഭത്തിലേക്ക് കടക്കുയാണ് ഈ മാസം 20 ന് കോഴിക്കോട് കൂരാച്ചുണ്ടില് നടക്കുന്ന ബഫര് സോണ് പ്രക്ഷോപ പരിപാടിക്ക് നേതൃത്വം നല്കുമെന്നും ചെന്നിത്തല പറഞ്ഞു
Click it and Unblock the Notifications
Sign in with Google