Click it and Unblock the Notifications
Just In
Don't Miss
-
IPL 2024: കണക്കുവീട്ടാന് സിഎസ്കെ, ജയം തുടരാന് ലഖ്നൗ- ടോസ് 7 മണിക്ക് -
മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര് -
18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബിജെപി കടന്ന് കയറരുത്: തെലങ്കാന ഉപതിരഞ്ഞെടുപ്പില്‍ ടിആർഎസിന് പിന്തുണ പ്രഖ്യാപിച്ച് സിപിഎമ്മും സിപിഐയും
അഹമ്മദാബാദ്: ഉപതിരഞ്ഞെടുപ്പ് നടക്കുന്ന തെലങ്കാനയിലെ മനുഗോഡ് മണ്ഡലത്തില്‍ ടി ആർ എസിന് പിന്തുണ പ്രഖ്യാപിച്ച് സി പി എമ്മും സി പി ഐയും. ടി ആർ എസ്, ബി ജെ പി, കോണ്‍ഗ്രസ് പാർട്ടികള്‍ക്കിടയില്‍ ശക്തമായ മത്സരം നടക്കുമെന്ന് പ്രതീക്ഷിക്കുന്ന മണ്ഡലമാണ് മനുഗോഡ്. ബി ജെ പിയും കോണ്‍ഗ്രസും ഇതിനോടകം തന്നെ സ്ഥാനാർത്ഥികളെ പ്രഖ്യാപിച്ചിട്ടുണ്ട്. മണ്ഡലത്തിൽ നല്ല ബഹുജന അടിത്തറയുള്ള രണ്ട് ഇടത് കക്ഷികളായ സി പി ഐ യും സി പി എമ്മും തെലങ്കാനയിലേക്കുള്ള ബി ജെ പിയുടെ കടന്നു കയറ്റത്തിന് തടയുക എന്ന ലക്ഷ്യത്തോടെയാണ് ഉപതെരഞ്ഞെടുപ്പിൽ നിന്ന് വിട്ടുനിൽക്കാൻ തീരുമാനിക്കുകയും ടി ആർ എസിന് പിന്തുണ പ്രഖ്യാപിക്കുകയും ചെയ്തത്.
ബി ജെ പിയിലെയും കോൺഗ്രസിലെയും നേതാക്കളെയും അണികളെയും പാർട്ടിയിലേക്ക് ആകർഷിക്കാൻ ടിആർഎസ് 'വനഭോജനം' എന്ന പേരില്‍ പ്രത്യേക പരിപാടി ആരംഭിച്ചിട്ടുണ്ട്. എന്നാൽ മന്ത്രി ജി. ജഗദീഷ് റെഡ്ഡി ഏറ്റെടുത്ത പരിപാടി പാർട്ടിക്കുള്ളിലെ കുറച്ച് നേതാക്കളുടെ അതൃപ്തിക്ക് ഇടയാക്കിയിട്ടുണ്ട്. തങ്ങള്‍ക്ക് പരിപാടിയില്‍ വേണ്ടത്ര പ്രാതിനിത്യം തന്നില്ലെന്നതാണ് പരാതി. ഇതോടെ പാർട്ടി അധ്യക്ഷനും മുഖ്യമന്ത്രിയുമായ കെ. ചന്ദ്രശേഖർ റാവു പ്രമുഖ നേതാക്കളുമായി കൂടിക്കാഴ്ച നടത്തുകയും ചെയ്തിട്ടുണ്ട്.
ആറ് സംസ്ഥാനങ്ങളിലെ ഏഴ് നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പ് തീയതി ഇന്നാണ് കേന്ദ്ര തിരഞ്ഞെടുപ്പ് കമ്മീഷൻ പ്രഖ്യാപിച്ചത്. മഹാരാഷ്ട്ര, ബീഹാർ, ഒഡീഷ, തെലങ്കാന, ഉത്തർപ്രദേശ്, ഹരിയാന എന്നിവിടങ്ങളിലാണ് ഉപതിരഞ്ഞെടുപ്പ് നടക്കുന്നത്. വോട്ടെടുപ്പ് നവംബർ 3 നും വോട്ടെണ്ണൽ നവംബർ 6 നും നടക്കും. ഇലക്‌ട്രോണിക് വോട്ടിംഗ് മെഷീനുകളാണ് ഈ തെരഞ്ഞെടുപ്പുകൾക്ക് ഉപയോഗിക്കുകയെന്നും ഇന്ത്യൻ തിരഞ്ഞെടുപ്പ് കമ്മീഷൻ പ്രസ്താവനയിലൂടെ അറിയിച്ചു.
മഹാരാഷ്ട്രയിലെ അന്ധേരി ഈസ്റ്റ്, ബിഹാറിലെ മൊകമ, ഗോപാൽഗഞ്ച്, ഹരിയാനയിലെ ആദംപൂർ, തെലങ്കാനയിലെ മനുഗോഡ്, ഒഡീഷയിലെ ധാംനഗർ (സംവരണം), ഉത്തർപ്രദേശിലെ ഗോലാ ഗോകർനാഥ്, എന്നിവിടങ്ങളിലാണ് തിരഞ്ഞെടുപ്പ് നടക്കുക. കോണ്‍ഗ്രസ് അംഗത്വം രാജിവെച്ച് ബി ജെ പിയിലേക്ക് പോയ ബിഷ്ണോയിയുടെ മണ്ഡലമാണ് ആദംപൂർ.
അതേസമയം, ഒക്ടോബർ 7 ന് തിരഞ്ഞെടുപ്പ് വിജ്ഞാപനം പുറത്തിറങ്ങും. നാമനിർദ്ദേശം സമർപ്പിക്കാനുള്ള അവസാന തീയതി ഒക്ടോബർ 14 ആണ്. നാമനിർദ്ദേശങ്ങളുടെ സൂക്ഷ്മപരിശോധന ഒക്ടോബർ 15 ന് നടക്കും. സ്ഥാനാർത്ഥിത്വം പിൻവലിക്കാന്‍ ഒക്ടോബർ 17 വരെ അവസരമുണ്ട്. ഒക്ടോബർ 7 മുതൽ ഈ മണ്ഡലങ്ങളിലെല്ലാം മാതൃകാ പെരുമാറ്റച്ചട്ടം നടപ്പാക്കുമെന്നും തിരഞ്ഞെടുപ്പ് കമ്മീഷൻ അറിയിച്ചു.
