ഇന്ത്യയെ മതാധിഷ്ഠിത രാജ്യമാക്കാനുള്ള നീക്കമാണ് കേന്ദ്ര സർക്കാർ നടത്തുന്നത്: പിണറായി വിജയന്
കോഴിക്കോട്: പുതിയ പാർലമെന്റ് മന്ദിരത്തിന്റെ ഉദ്ഘാടനം കേന്ദ്രസർക്കാർ മതപരമായ ചടങ്ങ് പോലെയാക്കിയെന്ന വിമർശനവുമായി മുഖ്യമന്ത്രി പിണറായി വിജയന്. രാജ്യത്ത് മതനിരപേക്ഷത തകര്ക്കാനുള്ള ശ്രമങ്ങളുണ്ടാകുന്നുവെന്നും അതിന്റെ മകുടോദാഹരണമാണ് പുതിയ പാര്ലമെന്റ് കെട്ടിടത്തിന്റെ ഉദ്ഘാടന ചടങ്ങെന്നും മുഖ്യമന്ത്രി വ്യക്തമാക്കി. കോഴിക്കോടു നടന്ന എം പി വീരേന്ദ്രകുമാര് അനുസ്മരണറാലിയും ഫാസിസ്റ്റ് വിരുദ്ധ കൂടായ്മയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പൊതു വേദിയിൽ സർക്കാർ ഭാഗത്തു നിന്നും ഉണ്ടാകേണ്ട കാര്യമല്ല നടന്നത്. മതേതര റിപ്പബ്ലിക്കായ രാജ്യമാണ് ഇന്ത്യ. മതനിരപേക്ഷത ആണ് അംഗീകരിച്ചിരിക്കുന്നത്. എന്നാല് പാർലമെന്റിന്റെ ഉദ്ഘാടനം എന്ന നിലയിൽ കാട്ടിയ കാര്യം പൊതു വേദിയിൽ സർക്കാർ ഭാഗത്തു നിന്നും ഉണ്ടാകേണ്ട കാര്യമല്ല ഉണ്ടായിരിക്കുന്നത്. മതപരമായ കാര്യം നിർവഹിക്കുന്നത് പോലെയുള്ള കാര്യങ്ങളാണ് നടന്നതെന്നും മുഖ്യമന്ത്രി പറഞ്ഞു.
നിഷ്പക്ഷത എന്നാല് ഇന്ന് അധര്മ്മത്തിന്റെ ഭാഗത്ത് ചേരലാണെന്നും മതനിരപേക്ഷത തകര്ക്കാന് ശ്രമിക്കുന്ന കാലത്ത് മാധ്യമങ്ങളും സാംസ്കാരിക പ്രവര്ത്തകരും നിക്ഷപക്ഷത വെടിയണം. രാജ്യത്തിന്റെ ജനാധിപത്യം സംരക്ഷിക്കാന് ബാധ്യതയു ള്ള കേന്ദ്രസര്ക്കാരിന് ജനാധിപത്യവിരുദ്ധമായ കാര്യങ്ങള് ചെയ്യുന്നതിലാണ് ശ്രദ്ധയെന്നും മുഖ്യമന്ത്രി ആരോപിച്ചു.
ജനാധിപത്യം പുലരണമെന്നാണ് എല്ലാവരും ആഗ്രഹിക്കുന്നതെങ്കിലും ജനാധിപത്യത്തിന് പല രീതിയിൽ ഭീഷണി ഉയരുന്ന കാലമാണിത്. എന്നാല് ജനാധിപത്യം ജനാധിപത്യം സംരക്ഷിക്കാൻ ബാധ്യതപ്പെട്ട കേന്ദ്ര സർക്കാരിൽ നിന്നും തന്നെ അതിന് ഭീഷണി ഉയരുന്നു. ജനാധിപത്യ രാഷ്ട്രമായി രാജ്യം തുടരുന്നതിനോട് യോജിപ്പ് ഉള്ളവരല്ല ആര് എസ് എസ്. ആര് എസ് എസ് ജനാധിപത്യ രീതിയല്ല അംഗീകരിച്ചിട്ടുള്ളത്. ജനാധിപത്യ വ്യവസ്ഥയുടെ ഭാഗമായ പലതും ആട്ടിമറിക്കാൻ നീക്കം നടക്കുന്നുവെന്നും അദ്ദേഹം ആരോപിച്ചു.
ലെജിസ്ലേച്ചറും ജുഡീഷ്യറിയും എക്സിക്യൂട്ടീവ്യും സ്വാതന്ത്ര്യമായി നിലനിൽക്കുന്നു എന്നതാണ് ജനാധിപത്യ വ്യവസ്ഥയുടെ പ്രത്യേകത. എന്നാല് ഇതിനെയെല്ലാം തങ്ങളുടെ കാൽകീഴിൽ ആക്കണം എന്ന നിർബന്ധം ആണ് കേന്ദ്രം കാണിച്ചു കൊണ്ടിരിക്കുന്നത്. ജുഡീഷ്യറിയെ കാൽകീഴിലാക്കാൻ ശ്രമം നടക്കുന്നു. പാർലമെന്റിനു തന്നെ യഥാർത്ഥ നിലയിൽ പ്രവർത്തിക്കാൻ കഴിയാത്ത അവസ്ഥ ഉണ്ടാക്കുന്നു. ബി ജെ പി തന്നെയാണ് തടസ്സങ്ങള് സൃഷ്ടിക്കുന്നത്. പാർലമെന്റിലെ നടപടി ക്രമങ്ങൾ പാലിക്കാൻ സർക്കാർ തയ്യാറാകുന്നില്ല. ഇന്ത്യയെ താധിഷ്ഠിത രാജ്യമാക്കാനുള്ള നീക്കമാണ് ആർ എസ് എസ് നിർദേശ പ്രകാരം കേന്ദ്രം നടത്തുന്നതെന്നും മുഖ്യമന്ത്രി ആരോപിച്ചു.
Click it and Unblock the Notifications
Sign in with Google