'കേന്ദ്രം വെട്ടിയ പാഠഭാഗം കേരളത്തില് പഠിപ്പിക്കും'; പുതിയ പുസ്തകം ഓണാവധിക്ക് ശേഷമെന്ന് ശിവന്കുട്ടി
തിരുവനന്തപുരം: കേന്ദ്രസര്ക്കാര് എന് സി ഇ ആര് ടി പാഠപുസ്തകങ്ങളില് നിന്ന് നീക്കം ചെയ്ത പാഠഭാഗങ്ങള് കേരളത്തില് പഠിപ്പിക്കുമെന്ന് വിദ്യാഭ്യാസ മന്ത്രി വി ശിവന്കുട്ടി. എന് സി ഇ ആര് ടി സിലബസില് നിന്ന് ഒഴിവാക്കിയ ഗുജറാത്ത് കലാപം, മഹാത്മാഗാന്ധി വധം, ജവഹര്ലാല് നെഹ്റുവിന്റെ കീഴിലുള്ള ഇന്ത്യ തുടങ്ങിയ അധ്യായങ്ങള് കേരള സിലബസില് ഉള്പ്പെടുത്തുമെന്ന് ശിവന്കുട്ടി അറിയിച്ചു.
സ്കൂള് സിലബസില് കേന്ദ്ര സര്ക്കാര് വരുത്തിയ പ്രധാന മാറ്റങ്ങളെ കുറിച്ച് കരിക്കുലം കമ്മിറ്റി ചര്ച്ച ചെയ്യുകയും വിശദമായി പരിശോധിക്കാന് ഒരു ഉപസമിതി രൂപീകരിക്കുകയും ചെയ്തിട്ടുണ്ട്. കേരളത്തിലെ പൊതുവിദ്യാഭ്യാസ വകുപ്പിന് കീഴിലുള്ള സ്കൂളുകളില് ഈ അധ്യായങ്ങളെല്ലാം പഠിപ്പിക്കാന് ഈ കമ്മിറ്റി ശുപാര്ശ ചെയ്തിട്ടുണ്ട് എന്നും മന്ത്രി ശിവന്കുട്ടി കൂട്ടിച്ചേര്ത്തു.
ഈ അധ്യായങ്ങള് ഉപയോഗിച്ച് പുതിയ പാഠപുസ്തകങ്ങള് തയ്യാറാക്കുന്നുണ്ട്. പുതുക്കിയ പാഠപുസ്തകങ്ങള് ഓണാവധിക്ക് ശേഷം വിദ്യാര്ത്ഥികള്ക്ക് ലഭിക്കും. പരീക്ഷകള്ക്കും പരിഷ്കരിച്ച സിലബസ് പിന്തുടരുമെന്നും അദ്ദേഹം കൂട്ടിച്ചേര്ത്തു. ദേശീയ വിദ്യാഭ്യാസ ഗവേഷണ പരിശീലന കൗണ്സില് ഗുജറാത്ത് കലാപം, മുഗള് കോടതികള്, അടിയന്തരാവസ്ഥ, നക്സലൈറ്റ് പ്രസ്ഥാനം, ചാള്സ് ഡാര്വിന്റെ പരിണാമ സിദ്ധാന്തം എന്നിവ പാഠനപുസ്തകങ്ങളില് നിന്ന് നീക്കം ചെയ്തിരുന്നു.
ഈ ജൂണില് പത്താം ക്ലാസ് പാഠപുസ്തകങ്ങളില് നിന്ന് ആവര്ത്തനപ്പട്ടിക, ജനാധിപത്യം, ഊര്ജ്ജ സ്രോതസുകള് എന്നിവയും നീക്കം ചെയ്തിരുന്നു. ഇത് വലിയ വിവാദമായിരുന്നു. അതേസമയം പൊതുവിദ്യാലയങ്ങളിലെ കുട്ടികളുടെ കുറവ് സംബന്ധിച്ച കാര്യങ്ങള്ക്കും മന്ത്രി വിശദീരകരണം നല്കി. രണ്ട് മുതല് 10 വരെയുള്ള ക്ലാസുകളില് ഏതാണ്ട് 46000ത്തോളം കുട്ടികളുടെ വര്ധന ഉണ്ടായിട്ടുണ്ട്.
എന്നാല് ഒന്നാം ക്ലാസില് കുറച്ച് കുറവായിട്ടുണ്ടെന്നും മന്ത്രി വ്യക്തമാക്കി. അതിനിടെ എന്സിഇആര്ടിയുടെ പാഠ്യപദ്ധതി പരിഷ്കരണ കമ്മിറ്റിയില് ഇന്ഫോസിസ് സ്ഥാപക ചെയര്മാന് സുധാ മൂര്ത്തിയും സംഗീതജ്ഞന് ശങ്കര് മഹാദേവനും അടക്കം 19 പേരെ ഉള്പ്പെടുത്തി. പ്രമുഖ സാമ്പത്തിക ശാസ്ത്രജ്ഞന് സഞ്ജീവ് സന്യാല് അടക്കമുള്ളര് പട്ടികയില് ഉള്പ്പെട്ടിട്ടുണ്ട്.
പുതിയ പാഠ്യപദ്ധതി പ്രകാരം പാഠപുസ്തകങ്ങള് പരിഷ്കരിക്കുന്നതിനാണ് സമിതിയെ നിയമിച്ചിരിക്കുന്നത്. എന്ഐഇപിഎ ചാന്സലര് എംസി പന്ത്് നേതൃത്വം നല്കുന്ന സമിതിക്ക് മൂന്നാം ക്ലാസ് മുതല് പന്ത്രണ്ടാം ക്ലാസ് വരെയുള്ള പാഠപുസ്തകങ്ങള് തയ്യാറാക്കുക എന്നതാണ് ചുമതല. ബാഡ്മിന്റണ് താരം യു വിമല് കുമാര്, സെന്റര് ഫോര് പോളിസി സ്റ്റഡീസ് ചെയര്മാന് എംഡി ശ്രീനിവാസ്, ഭാരതീയ ഭാഷാ സമിതി ചെയര്പേഴ്സണ് ചാമു കൃഷ്ണ ശാസ്ത്രി എന്നിവരും സമിതിയിലുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google