ഹൗസ് സര്ജന്മാര്ക്ക് രാത്രി ഡ്യൂട്ടി ഒഴിവാക്കുമെന്ന് മന്ത്രി; ഭാഗികമായി സമരം പിന്വലിച്ച് പിജി ഡോക്ടര്മാര്
തിരുവനന്തപുരം: ഡോ. വന്ദന ദാസിന്റെ കൊലപാതകത്തിന് പിന്നാലെ സംസ്ഥാനത്ത് പി.ജി ഡോക്ടര്മാര് നടത്തിവന്ന സമരം ഭാഗികമായി പിന്വലിച്ചു. വെള്ളിയാഴ്ച വൈകീട്ട് അഞ്ച് മണി മുതല് എമര്ജന്സി സര്വീസില് ഡോക്ടര്മാര് തിരിച്ചു കയറും എന്നും അധികൃതര് അറിയിച്ചു. ആരോഗ്യമന്ത്രി വീണ ജോര്ജുമായുള്ള ചര്ച്ചയ്ക്ക് പിന്നാലെയാണ് തീരുമാനം. അതേസമയം ഒപി ബഹിഷ്കരണം തുടരും എന്നും ഡോക്ടര്മാര് അറിയിച്ചു.
തുടര്സമരത്തിന്റെ കാര്യത്തില് ഇന്നുതന്നെ കമ്മിറ്റി കൂടി തീരുമാനമെടുക്കും. മന്ത്രിയുമായുള്ള ചര്ച്ചയില് തൃപ്തിയുണ്ടെന്നും ഡോക്ടര്മാര് വ്യക്തമാക്കി. ആരോഗ്യപ്രവര്ത്തകര്ക്കെതിരായ അതിക്രമങ്ങളില് ശക്തമായ നടപടിയെടുക്കുമെന്ന് ആരോഗ്യമന്ത്രിയില് നിന്ന് ഉറപ്പ് ലഭിച്ചെന്നും അവര് വ്യക്തമാക്കി. എന്നാല് ഹൗസ് സര്ജന്മാരുടെ സമരം പിന്വലിക്കുന്ന കാര്യത്തില് തീരുമാനമായിട്ടില്ല.
അതേസമയം പിജി ഡോക്ടര്മാരുടെയും ഹൗസ് സര്ജന്മാരുടെയും പ്രശ്നങ്ങള് പഠിക്കാന് സര്ക്കാര് പ്രത്യേക സമിതിയെ നിയോഗിക്കുമെന്ന് വീണ ജോര്ജ് വ്യക്തമാക്കി. മെഡിക്കല് വിദ്യാഭ്യാസ വകുപ്പ് സെക്രട്ടറിയുടെ നേതൃത്വത്തില് ആയിരിക്കും കമ്മിറ്റി രൂപീകരിക്കുക. സുരക്ഷാ ഓഡിറ്റ് പൂര്ത്തിയാകുന്നതുവരെ ഹൗസ് സര്ജന്മാര്ക്ക് രാത്രി ഡ്യൂട്ടി ഒഴിവാക്കുക എന്ന ആവശ്യവും മന്ത്രി അംഗീകരിച്ചു.
ഒപ്പം ആഴ്ചയില് ഒരു ദിവസത്തെ അവധി കൃത്യമായി അനുവദിക്കുക എന്ന കാര്യവും സര്ക്കാര് തത്വത്തില് അംഗീകരിച്ചു. ഇനി മുതല് വാര്ഡുകളില് കൂട്ടിരിപ്പുകാര് ഒരാളെ മാത്രമെ അനുവദിക്കൂ. അത്യാഹിത വിഭാഗത്തില് രണ്ട് പേരെ അനുവദിക്കും. ഒരുമാസത്തിനകം കമ്മിറ്റി റിപ്പോര്ട്ട് സമര്പ്പിക്കണം. മെഡിക്കല് റസിഡന്സി പ്രോഗ്രാമിന്റെ ഭാഗമായി മറ്റാശുപത്രികളില് പോകുന്നവര്ക്ക് എസ്ഒപി പുറത്തിറക്കും എന്നും മന്ത്രി വ്യക്തമാക്കി.
ഡോക്ടര്മാര്ക്കൊപ്പമാണ് സര്ക്കാരെന്നും ജനങ്ങള്ക്ക് ബുദ്ധിമുട്ടുണ്ടാകുന്ന രീതിയില് സമരം ചെയ്യരുതെന്നും മന്ത്രി ആവശ്യപ്പെട്ടു. ആശുപത്രികളിലെ സുരക്ഷാ ഓഡിറ്റ് സമയബന്ധിതമായി നടത്തും എന്നും എല്ലാ പ്രധാന ആശുപത്രികളിലും പൊലീസ് ഔട്ട് പോസ്റ്റ് സ്ഥാപിക്കും എന്നും മന്ത്രി യോഗത്തില് ഉറപ്പ് നല്കി. എല്ലാ ആശുപത്രികളിലും സിസിടിവി ക്യാമറ ഉറപ്പാക്കും എന്നും വീണ ജോര്ജ് പറഞ്ഞു.
ഹോസ്റ്റല് സൗകര്യം പരിശോധിച്ച് മുന്ഗണന നല്കാന് ഡിഎംഇയെ ചുമതലപ്പെടുത്തി. ന്യായമായ സ്റ്റൈപെന്റ് വര്ധനയ്ക്കുള്ള പ്രൊപ്പോസല് സര്ക്കാര് പരിഗണനയിലാണ് എന്നും ആരോഗ്യ പ്രവര്ത്തകര് ഇനി ആക്രമിക്കപ്പെടാന് പാടില്ലെന്നും മന്ത്രി പറഞ്ഞു. ചികിത്സാ ക്വാളിറ്റി, ജീവനക്കാരുടെ സുരക്ഷ എന്നിവ പ്രധാനമാണ് എന്നും രോഗികളുടെ വിവരങ്ങള് അറിയിക്കുന്നതിന് ബ്രീഫിംഗ് റൂം ഉറപ്പാക്കണം എന്നും മന്ത്രി നിര്ദേശിച്ചു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google