സൈന്യത്തില് ജോലി വാഗ്ദാനം...അവര് തട്ടിയത് കോടികള്!! പിന്നില് ഒരു യുവതിയും!!
ഏഴു വര്ഷം സൈന്യത്തില് ജോലി ചെയ്തയാളാണ് അറസ്റ്റിലായത്
തിരുവനന്തപുരം: സൈന്യത്തില് ജോലി വാഗ്ദാനം ചെയ്ത് കോടികള് തട്ടിയെടുത്ത സംഭവത്തില് ഒരാള് അറസ്റ്റില്. മുന് സൈനികനായ കൊട്ടാരക്കര വാളകം അണ്ടൂര് പൂവണത്തുംവിള വീട്ടില് സന്തോഷ് കുമാറിനെയാണ് (43) പിടികൂടിയത്. ഇയാള്ക്കു പിന്നില് കൂടുതല് പേരുണ്ടെന്ന് വ്യക്തമായിട്ടുണ്ട്.
മൂന്നു പേര് നിരീക്ഷണത്തില്
സന്തോഷ് കുമാറിന്റെ പങ്കാളിയായ മൂന്നു പേര് നിരീക്ഷണത്തിലാണ്. ചെട്ടികുളങ്ങര സ്വദേശിനിയുള്പ്പെടെ മൂന്നു പേര് പോലീസിന്റെ നിരീക്ഷണത്തിലാണ്.
പരാതി നല്കിയത്
മൈലക്കര സ്വദേശിനിയായ ബിന്ദു നെയ്യാര്ഡാം പോലീസില് നല്കിയ പരാതിയെ തുടര്ന്ന് നടത്തിയ അന്വേഷണത്തിലാണ് സന്തോഷ് കുമാറിനെ പോലീസ് അറസ്റ്റ് ചെയ്തത്.
വ്യാജ നിയമന ഉത്തരവ്
താന് കേണല് ആണെന്നു ധരിപ്പിച്ചാണ് സന്തോഷ് ഉദ്യോഗാര്ഥികളെ കബളിപ്പിച്ചത്. വ്യാജ നിയമന ഉത്തരവ് നല്കി ഇയാള് ഉദ്യോഗാര്ഥികളെ വഞ്ചിക്കുകയായിരുന്നു.
അഞ്ചു കോടിയില് അധികം തട്ടി
കേരളത്തില് നിന്നു മാത്രമായി അഞ്ചു കോടിയോളം രൂപ സന്തോഷ് തട്ടിയെടുത്തിട്ടുണ്ടെന്നാണ് പോലീസ് പറയുന്നത്. വിവിധ പോലീസ് സ്റ്റേഷനുകളിലായി ഇയാള്ക്കെതിരേ നിരവധി കേസുകളുണ്ട്.
ഉദ്യോഗാര്ഥികളെ സമീപിച്ചു
ആര്മി റിക്രൂട്ട്മെന്റ് റാലിയില് പങ്കെടുത്ത നെയ്യാര്ഡാം സ്വദേശികളായ 17 ഉദ്യോഗാര്ഥികളെ സന്തോഷവും സംഘവും സമീപിച്ചത്. ജോലി നല്കാമെന്ന് ഉറപ്പു നല്കി ഇവര് ഉദ്യോഗാര്ഥികളില് നിന്നു പണം കൈക്കലാക്കുകയായിരുന്നു.
25000 രൂപ മുതല് 1.75 ലക്ഷം വരെ
ഓരോ ഉദ്യോഗാര്ഥികളില് നിന്നും 25,000 രൂപ മുതല് 1.75 ലക്ഷം രൂപ വരെയാണ് സന്തോഷും സംഘവും വാങ്ങിയത്. ബംഗളൂരുവിലെ പ്രമുഖ ഹോട്ടലില് വച്ചാണ് ഇയാള് ഉദ്യോഗാര്ഥികളുമായി കൂടിക്കാഴ്ച നടത്തിയിരുന്നത്.
മുന് സൈനികന്
സന്തോഷ് ഏഴു വര്ഷം സൈന്യത്തില് ജോലി ചെയ്തിരുന്നു. പിന്നീട് ഒരു അപകടത്തില്പ്പെട്ട് ജോലി നഷ്ടപ്പെടുകയായിരുന്നു. തുടര്ന്നാണ് തട്ടിപ്പിലേക്ക് ചുവടുമാറ്റുന്നത്.
വ്യാജ റിക്രൂട്ട്മെന്റ്
മംഗളൂരു സ്വദേശിനിയെ വിവാഹം ചെയ്ത ശേഷം സന്തോഷ് അവിടെ തന്നെ വ്യാജ റിക്രൂട്ട്മെന്റ് സെന്റര് തുടങ്ങുകയായിരുന്നു. ചെട്ടികുളങ്ങര സ്വദേശിനിയും ഇയാള്ക്കൊപ്പം ചേര്ന്നു. കഴിഞ്ഞ 10 വര്ഷമായി സന്തോഷും ഈ സ്ത്രീയും വ്യാജ റിക്രൂട്ട്മെന്റ് സെന്റര് നടത്തി വരികയായിരുന്നുവെന്ന് പോലീസ് അറിയിച്ചു.
സന്തോഷിനെ കുടുക്കിയത്
റിക്രൂട്ട്മെന്റുമായി ബന്ധപ്പെട്ടു ഉദ്യോഗാര്ഥികള് നല്കാനുള്ള ബാക്കി പണം നല്കാമെന്ന് അറിയിച്ച് സന്തോഷിനെ വിളിച്ചുവരുത്തി പോലീസ് കുടുക്കുകയായിരുന്നു.
-
'ദിലീപ് മാത്രമല്ല, മഞ്ജു വാര്യരും കണ്ടു..ദിലീപിൻ്റ ആദ്യ പ്രതികരണം ഇതായിരുന്നു..അതോടെ ധന്യ നവ്യ നായരായി' -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല'
Click it and Unblock the Notifications
Sign in with Google